Nau Mprơ Ơm 119:96 - Nau Brah Ndu Ngơi 2023

⁹⁶ Gâp hŏ saơ lĕ rngôch ndơ ueh ăt hôm geh nau dŭt da dê, Ƀiălah nau vay May ntăm jêng dŭt toyh mâu blau lôch ôh.

Nau Mprơ Ơm 119:96 ပူးပေါင်းရင်းမြစ်များ

II Samuel 14:25

Nôk nây taơ, tâm lĕ rngôch phung Israel mâu geh ôh du huê bunuyh tâm rnê yor nau ueh săk păng nâm bu Y-Apsalôm: ntơm bơh mpang jâng tât nklang bôk, mâu geh khap men ôh tâm păng.

II Samuel 16:23

Tâm rnôk nây, bu saơ nau Y-Ahitôpel nchră jêng nâm bu nau ngơi tă luh bơh Brah Ndu nơm. Lĕ rngôch nau nchră Y-Ahitôpel geh nau khlay tâm ban ma Y-Đavit nđâp Y-Apsalôm.

II Samuel 17:23

Tơlah Y-Ahitôpel saơ bu mâu ƀư tĭng nau nchră păng, păng dăp ưn seh bri păng hăn trong plơ̆ sĭt ma ngih păng tâm ƀon păng nơm. Jêh păng ƀư lôch lĕ kan ma ngih vâl păng, păng nkhĭt săk nơm. Bu tâp păng tâm môch mbơ̆ păng.

II Samuel 18:14

Y-Jôap lah: “Gâp mâu hôm geh mông ma may kơt nĕ ôh.” Jêh nây păng sŏk pe mlâm tak tâm ti, hăn tât ntâp tâm play nuih Y-Apsalôm dôl păng hôm rêh jêh ri yông ta klơ tơm n'ho.

II Samuel 18:17

Khân păng sŏk săk jăn Y-Apsalôm mƀăr tâm ntu brŏng tâm krŏng, jêh nây bun lŭ ta klơ păng jêng du mpưm dŭt toyh. Rnôk nây, lĕ rngôch phung Israel nchuăt du da dê, ăp nơm plơ̆ sĭt ngih vâl păng nơm.

Nơm Nti 12:8

Nơm nti lah: “Dơm dam ma nau dơm dam, Lĕ rngôch jêng dơm dam da dê!”

Nơm Nti 2:11

Jêh nây gâp mĭn êng lĕ rngôch kan ti gâp hŏ ƀư, jêh ri lĕ kan hŏt r'ah gâp hŏ dơn gay ƀư lĕ kan nây; ri, lĕ rngôch nau nây jêng nau dơm dam, tĭng rlong sial khôm, jêh ri mâu geh nau khlay ôh tâm dâng nar.

Nơm Nti 7:20

N'hêl nanê̆, mâu geh du huê bunuyh sŏng srăng ta klơ neh Ƀư nau ueh ƀaƀơ mâu mâp tih ôh.

Mathay 24:35

Trôk neh ntu mra rlau lôch, ƀiălah nau Gâp ngơi mâu mra rlau lôch ôh.”

Mathay 5:18

Yorlah nanê̆, Gâp lah ma khân ay may, êlor trôk jêh ri neh ntu ê hŏ rlau, mâu mra roh du ntil mâu lah du rplay samƀŭt dŭt jê̆ tâm nau vay ôh, kŏ tât lĕ rngôch nau nây mra dơi lôch jêh.

Mathay 5:28

Ƀiălah Gâp lah ma khân may gĭt: Mbu nơm uănh ma bu ur ma nau kơnh, pôri tâm nuih n'hâm păng hŏ ƀư tih văng tĭr jêh đah bu ur nây.

Samƀŭt Pôl Njuăl Ăn Ma Phung Nsing Ta Ƀon Rôm 7:14

He gĭt nau vay jêng brah huêng; ƀiălah gâp jêng bunuyh nglay săk hŏ tăch jêh ma nau tih.

I Samuel 17:8

Păng dâk jêh ri nter huy ma phung tahan Israel: “Mâm ƀư khân may du luh ŭch dăp tahan ma nau tâm lơh? Mâu di hĕ gâp jêng du huê Philistin, jêh ri mâu di khân may jêng phung oh mon Y-Sôl? Săch hom du huê tâm khân may hăn jŭr văch gay tâm lơh đah gâp.

I Samuel 9:2

Y-Kis geh du huê kon bu klâu amoh Y-Sôl, hôm ndăm jêh ri ray nkrơ̆. Tâm phung ƀon lan Israel, mâu geh ôh du huê bu klâu ray nkrơ̆ lơn ma păng. Y-Sôl juat lơn lĕ rngôch bunuyh ntơm bơh săng nglik păng rlet klơ.