Nau Mprơ Ơm 119:94 - Nau Brah Ndu Ngơi 2023

⁹⁴ Gâp jêng ndơ May, rklaih hom gâp Yorlah gâp joi nau May ntăm.

Nau Mprơ Ơm 119:94 ပူးပေါင်းရင်းမြစ်များ

Nau Mprơ Ơm 119:146

Gâp kuăl mbơh sơm ma May, rklaih hom gâp Jêh ri gâp mra mât mray lĕ nau May ntĭnh.

Nau Mprơ Ơm 119:170

Ăn nau gâp vơh vơl tât tanăp măt May; Rklaih an gâp tĭng nâm nau May ngơi.

Nau Mprơ Ơm 119:173

Ăn ti May rgong gâp, Yorlah gâp hŏ săch tĭng lĕ nau May ntăm.

Nau Mprơ Ơm 119:27

Ăn gâp gĭt rbăng trong nau vay ntăm bơh May, Pôri gâp mra gŭ mĭn ma lĕ nau kan khlay May.

Nau Mprơ Ơm 119:40

Gâp ŭch rŏng âk ngăn ma lĕ nau May ntăm! Dăn ƀư ăn gâp gŭ rêh tâm nau sŏng srăng May.

Nau Mprơ Ơm 119:45

Gâp mra hăn ma nau đăp mpăn, Yorlah gâp hŏ tĭng joi nau vay May ntăm.

Nau Mprơ Ơm 3:8

Nau tâm rklaih jêng Brah Yêhôva. Dăn Kôranh Brah ăn nau ueh uĭn ma phung ƀon lan May! (Sêla)

Nau Mprơ Ơm 86:2

King n'gang huêng gâp, yorlah gâp jêng bunuyh răp jăp; Ơ Brah Ndu gâp! Dăn tâm rklaih hom oh mon May, Jêng nơm hôm rnơm nsing ma May.

Nau Mprơ Ueh 6:3

Gâp jêng ndơ nơm gâp rŏng jêh ri nơm gâp rŏng jêng ndơ gâp; Păng ăn biăp sa gơ̆ tâm nklang kao si ueh.

Êsai 44:2

Brah Yêhôva jêng Nơm njêng jêh may, Hŏ mon jêh may tâm ndŭl me, jêh ri mra kơl may; Păng lah: Ơ phung Yakôb, oh mon Gâp, Jêh ri Yêsurun, nơm Gâp săch jêh, lơi klach ôh!

Êsai 44:5

Nơm aơ mra lah pô aơ: ‘Gâp jêng ndơ Brah Yêhôva;’ Nơm êng tâm amoh păng nơm ma amoh Yakôb, Nơm êng đŏng nchih ta ti păng nơm pô aơ: ‘Gâp jêng ndơ Yêhôva’ Jêh ri mbơh tâm amoh păng nơm ma amoh Y-Israel.”

Yêrêmi 17:14

Ơ Brah Yêhôva! Dăn May ƀư bah ăn gâp gay gâp dơi bah; Dăn May sâm rklaih gâp gay gâp dơi rklaih; Yorlah May jêng Nơm gâp mât ton tâm rnê.

Sôphôni 3:17

Yêhôva Brah Ndu may gŭ ta nklang may, Păng jêng Nơm geh nau brah mra tâm rklaih may; Păng mra rhơn răm ngăn yor ma may, Yor nuih n'hâm rŏng, Păng mra gŭ rklăk, Jêh ri yor ma may, Păng mra mprơ ma nau rhơn răm.”