Nau Mprơ Ơm 119:91 - Nau Brah Ndu Ngơi 2023

⁹¹ Tĭng nâm nau May ntăm, khân păng ăt gŭ nâp tât ta nar aơ, Yorlah lĕ rngôch ndơ jêng oh mon May da dê.

Nau Mprơ Ơm 119:91 ပူးပေါင်းရင်းမြစ်များ

Nau Ntơm 8:22

Moh nar neh ntu hôm, Pôri yan srih ntil jêh ri nau kăch roih, yan nđik jêh ri duh, Yan vai jêh ri yan puh, nar jêh ri măng, Mâu mra lôch ôh.”

Êsai 40:26

N'gơr hom măt khân may let klơ gay uănh: Mbu nơm rhăk njêng lĕ ndơ nây? Păng yơh jêng Nơm ƀư lĕ rngôch mănh mbing tâm trôk tĭng nâm rnoh jêh ri tĭng mbŭch, Păng kuăl amoh lĕ rngôch phung nây, Mâu pưt du mănh mbing ôh, Yor nau ktang dŭt toyh Jêh ri nau brah Păng mâu blau lôch.

Êsai 48:13

Ti Gâp nơm dơm jêh mbon rplay neh, Ti ma Gâp ling jêh lĕ ndâr trôk; Lah Gâp kuăl, Trôk jêh ri neh ntu dâk da dê.

Yêrêmi 33:25

Brah Yêhôva lah: ‘Tơlah Gâp mâu ƀư nau tâm rnglăp đah nar jêh ri đah măng, jêh ri mâu nal ôh nau vay ăn ma trôk jêh ri neh ntu,

Mathay 5:45

gay ma khân may plơ̆ jêng phung kon ma Mbơ̆ khân may gŭ ta klơ trôk, yorlah Păng ƀư ăn nar luh nchrat ang ma phung djơh mhĭk nđâp ma phung ueh, ăn dak mih ma phung sŏng srăng nđâp ma phung kue.

Mathay 8:9

Yorlah gâp nơm gŭ tâm dâng nau dơi bunuyh êng, gâp geh đŏng phung tahan tâm dâng gâp; gâp lah ma du huê aơ: ‘Hăn hom!’ păng hăn ro; lah ma du huê êng: ‘Văch hom!’ păng văch ro; jêh ri lah ma oh mon gâp: ‘Ƀư nau aơ!’ păng ƀư ro.”

Nau Vay Nkah Tay 4:19

Lah khân may n'gơr măt klơ trôk, jêh ri khân may saơ nar, khay, lĕ mănh mbing, lĕ rngôch phung tahan tâm trôk, lơi ăn bu đŏt rdu khân may chon mbah mâu lah yơk mbah ma khân păng, yorlah ndơ nây knŏng jêng ndơ Yêhôva Brah Ndu khân may hŏ ăn jêh ma lĕ rngôch phung ƀon lan gŭ tâm dâng neh.

Phung Kôranh Phat Dôih 5:20

Lĕ ndâr trôk văch đŏng nau tâm lơh, Phung mănh mbing tĭng trong khân păng dâk tâm lơh đah Y-Sisêra.