Nau Mprơ Ơm 119:9 - Nau Brah Ndu Ngơi 2023

⁹ Mâm bunuyh mom mra ƀư tâm trong păng nơm gay geh nau kloh? Ăn njrăng ƀư tĭng nau ngơi Kôranh Brah.

Nau Mprơ Ơm 119:9 ပူးပေါင်းရင်းမြစ်များ

II Nau Rêh Jêng 6:16

Ơ Yêhôva Brah Ndu phung Israel! May hŏ ton đah oh mon May jêng Y-Đavit, mbơ̆ gâp, pô aơ: ‘Tơlah phung kon sau may njrăng tâm trong khân păng nơm, djôt prăp nau vay Gâp ntăm tâm ban may hŏ ƀư jêh tanăp Gâp, may mâu mra pưt ôh du huê bunuyh gŭ ta sưng hađăch phung Israel.’ Aƀaơ aơ, dăn May djôt prăp nau May hŏ ton.

Ndrom Samƀŭt bơh Yôp 1:5

Lôch jêh nar nhêt sa, Y-Yôp vay kuăl phung kon păng plơ̆ sĭt gay ƀư nau rƀŭn ƀư kloh ma khân păng. Păng kah rngăl ơm ôi nhhơr ndơ ƀư brah gŭch ma ăp nơm kon, yor păng mĭn êng: “Klach lah phung kon gâp ƀư tih jêh ri tâm nuih n'hâm suai rak Brah Ndu.” Y-Yôp ƀư ƀaƀơ pônây.

Ndrom Samƀŭt bơh Yôp 13:26

Yorlah May nchih tay ăp ntil nau rngot gay kơp gâp jêng tih Jêh ri ăn gâp dơn nau mhĭk dôl hôm mom ndăm,

Nau Mprơ Ơm 119:11

Gâp djôt prăp nau Brah Ndu ngơi tâm nuih n'hâm gâp, Gay ma gâp mâu hôm ƀư tih đah Kôranh Brah.

Nau Mprơ Ơm 17:4

Bi ma nau kan phung bunuyh, Gâp rnơm ma nau Kôranh Brah lah gay ma prăp ma gâp nơm Tă bơh trong phung janh ktang.

Nau Mprơ Ơm 25:7

Lơi ta kah gĭt lĕ nau tih gâp, dôl hôm ndăm, mâu lah nau tâm rdâng gâp; Ơ Brah Yêhôva, kah gĭt tât ma gâp tĭng nâm nau yô̆ nđach Jêh ri nuih n'hâm ueh May.

Nau Mprơ Ơm 34:11

Hơi phung kon, iăt hom nau gâp; Gâp mra nti khân may nau klach yơk ma Brah Yêhôva.

Nau Hôr 1:10

Hơi kon gâp, tơlah phung tih nsŭk ndơm may, Lơi ta may iăt.

Nau Hôr 1:4

Kơl an ma phung mleh plơ̆ jêng nau blau ngăn, Phung mom ntop nau gĭt rbăng jêh ri nau blau njrăng.

Nau Hôr 2:11

Nau blau sek uănh mra mât njrăng may, Nau gĭt vât mra king may ƀaƀơ,

Nau Hôr 4:1

Hơi phung kon, iăt hom nau mbơ̆ ntĭm nti, Rkêng tôr iăt hom gay ma khân may geh nau blau mĭn;

Nau Hôr 7:7

Jêh ri saơ tâm phung rluk, Tâm nklang phung mom ndăm, Geh du huê bu klâu hôm mom mâu geh ôh nau blau mĭn.

Nơm Nti 11:9

Hơi bunuyh mom ndăm, maak răm hom tâm năm ndăm rah! Maak dơn hom nôk may hôm mom ndăm. Hăn tĭng hom trong nuih n'hâm may ŭch jêh ri măt may ŭch kơnh. Ƀiălah ăn gĭt pô aơ yorlah lĕ rngôch kan nây, Brah Ndu mra djôt leo may ma nau phat dôih.

Luka 15:13

Jêh nây mâu ir jŏ, oh nây sŏk lĕ drăp ndơ jêh ri hăn tât du n'gor ngai; ta nây, păng pâl rlưn ƀư blă blơ, ƀư roh drăp păng, mpŭng drăp ndơ păng nơm.

Yôhan 15:3

Khân may jêng kloh jêh yor ma nau ngơi Gâp hŏ ntăm nti jêh ma khân may.

Nau Vay Nkah Tay 17:18

Lah păng lĕ hao gŭ ta rnơl hađăch, tĭng tâm nau vay tă bơh phung kôranh ƀư brah noi deh Lêvi mât prăp, ăn hađăch kơt nchih tay ma păng nơm bơh samƀŭt nau vay aơ.

II Timôthê 2:22

May der ngai hom lĕ nau kơnh phung druh ndăm ŭch, jêh ri tĭng joi nau sŏng srăng, nau chroh, nau rŏng, nau đăp mpăn ndrel ma phung kuăl mbơh sơm ma Kôranh Brah ma nuih n'hâm kloh.

Yôsuê 1:7

Ăn may janh ktang, nănh nanê̆ jêh ri blau njrăng ƀư tĭng lĕ rngôch nau vay Y-Môis, oh mon Gâp, ntĭnh jêh ma may; lơi teng pa ma mâu lah pa chiau ôh, gay moh ntŭk may hăn mra dơi geh jêng.