Nau Mprơ Ơm 119:87 - Nau Brah Ndu Ngơi 2023

⁸⁷ Knŏng hôm djê̆ lê̆ khân păng ƀư rai gâp ta neh ntu. Ƀiălah gâp mâu chalơi nau May ntăm ôh.

Nau Mprơ Ơm 119:87 ပူးပေါင်းရင်းမြစ်များ

II Samuel 17:16

Pôri aƀaơ, prơh hom ro bunuyh hăn mbơh ma Y-Đavit: ‘Dăn hađăch lơi bê̆ch măng aơ ta lĕ ntŭk rgăn dak krong lăp bri rdah ôh, ƀiălah hăn rgăn dak krong ro; tơlah mâu, hađăch jêh ri lĕ rngôch phung hăn tĭng may mra rai lôch lĕ.’”

Nau Mprơ Ơm 119:51

Phung sưr mưch ma gâp hâu ngăn, Ƀiălah ăt gâp mâu teng ôh bơh nau vay May.

Nau Mprơ Ơm 119:61

Rse dăk phung ƀai ndơm jêh gay ƀư mhĭk ma gâp, Ƀiălah gâp mâu chuêl nau vay May ôh.

Êsai 58:2

Ăp nar, khân păng joi Gâp, Jêh ri gay gĭt năl trong Gâp, Tâm ban ma du ndŭl mpôl ƀư nau sŏng srăng Jêh ri nâm bu mâu chalơi ôh nau vay ƀư bơh Brah Ndu khân păng! Khân păng dăn ma Gâp nau phat dôih sŏng, Jêh ri răm maak hăn dăch Brah Ndu.

Mathay 10:28

Lơi klach ôh ma phung nkhĭt săk jăn ƀiălah mâu dơi nkhĭt huêng; ƀiălah ăn khân may klach ma nơm dơi nkhĭt huêng nđâp ma săk jăn tâm ndrung ŭnh.

I Samuel 20:3

Ƀiălah Y-Đavit sơm ton jêh ri lah: “Mbơ̆ may gĭt rah vah jêh ma gâp geh nau yô̆ tanăp măt may, pôri păng mĭn êng: ‘Lơi ăn Y-Jônathan gĭt ôh nau nây, klach lah păng rngot!’ Ƀiălah, tĭng nâm Brah Yêhôva gŭ rêh mro mrăng jêh ri tĭng nâm may ăt hôm rêh, nanê̆ ngăn vah vang gâp jêh ri đah nau khĭt knŏng hôm ƀah du nhuat.”

I Samuel 26:24

Nar aơ, gâp hŏ uănh nau rêh hađăch jêng khlay, pôri Brah Yêhôva tâm ban đŏng mra uănh nau rêh gâp jêng khlay, jêh ri tâm rklaih gâp tă bơh lĕ rngôch nau rêh ni.”

I Samuel 26:9

Ƀiălah Y-Đavit lah ma Y-Abisai: “Lơi nkhĭt păng! Yorlah mbu moh yơr ti lơh nơm Brah Yêhôva hŏ tŏ dak ƀâu kah jêh ƀiălah mâu geh nau rmal ôh?”