Nau Mprơ Ơm 119:86 - Nau Brah Ndu Ngơi 2023

⁸⁶ Lĕ rngôch nau vay May ntăm jêng răp jăp; Dăn May kơl gâp yorlah bu ngơi nchơt nklă lă lêng gay ma ƀư rêh ni Gâp.

Nau Mprơ Ơm 119:86 ပူးပေါင်းရင်းမြစ်များ

Nau Mprơ Ơm 109:26

Hơi Yêhôva Brah Ndu gâp! Dăn kơl hom gâp, Jêh ri rklaih hom gâp, gâp tĭng nuih n'hâm ueh May;

Nau Mprơ Ơm 119:128

N'hêl nanê̆ ngăn, gâp gĭt năl lĕ nau May ntăm ma lĕ ntil mpô mpa jêng di ngăn; Jêh ri gâp tâm rmot ma lĕ rngôch trong nau mƀruh.

Nau Mprơ Ơm 119:138

May ăn ma nau May ntĭnh Tâm nau sŏng srăng jêh ri nau răp jăp.

Nau Mprơ Ơm 119:142

Nau sŏng srăng May jêng nau sŏng srăng n'ho ro. Nau vay May jêng nau nanê̆ ngăn.

Nau Mprơ Ơm 119:151

Ơ Brah Yêhôva, May gŭ dăch gâp ƀaƀơ, Jêh ri lĕ rngôch nau vay May ntăm jêng nau nanê̆ ngăn.

Nau Mprơ Ơm 119:78

Ăn phung sưr geh nau bêk prêng Yorlah khân păng dŏng nau mƀruh nchơt gay nsak nkhăng gâp; Ƀiălah gâp mra gŭ mĭn ma nau May ntăm.

Nau Mprơ Ơm 143:9

Ơ Brah Yêhôva, rklaih an gâp bơh phung rlăng; Gâp hăn krap ta May.

Nau Mprơ Ơm 19:9

Nau klach yơk ma Brah Yêhôva jêng kloh rsang, Hôm gŭ tât n'ho ro; Lĕ nau vay ƀư Brah Yêhôva jêng nau ngăn. Lĕ rngôch jêng sŏng srăng.

Nau Mprơ Ơm 35:19

Lơi ăn phung rlăng đah gâp jêng phung mƀruh nchơt geh nau răm maak. Mâu ăn lĕ phung rmot ma gâp mâu geh nô nau ntơ̆ măt lôr ndăng ma gâp.

Nau Mprơ Ơm 35:7

Yorlah khân păng nthăng nhuăl mâu geh nau gay sân dăk gâp; Jêh ri kuyh ntu mâu geh nau gay ma ƀư mhĭk nau rêh gâp.

Nau Mprơ Ơm 38:19

Ƀiălah phung rlăng gâp hôm gŭ rêh jêh ri ktang, Phung tâm rmot ma gâp mâu geh nau âk đŏng.

Nau Mprơ Ơm 70:5

Ƀiălah gâp jêng bunuyh o ach jêh ri pưt kƀah; Ơ Brah Ndu! Dăn gơnh văch ma gâp: May jêng Nơm kơl gâp jêh ri jêng Nơm rklaih gâp; Ơ Brah Yêhôva! Lơi gŭ kâp jŏ ôh.

Yêrêmi 18:20

Geh lĕ nơm sŏk nau mhĭk mplơ̆ ăn nau ueh? Ƀiălah khân păng kuyh jêh ntu ƀư rai lơi nau rêh gâp. Dăn May kah gĭt pô aơ gâp lĕ tă gŭ dâk tanăp măt May Gay dăn nau ueh ăn ma khân păng, Jêh ri dăn May mâu nkhŭt ôh nau ji nuih ta khân păng.

Samƀŭt Pôl Njuăl Ăn Ma Phung Nsing Ta Ƀon Rôm 7:12

Pôri, nau vay jêng kloh, nau vay ntăm ăt jêng kloh, sŏng srăng, jêh ri ueh.