Nau Mprơ Ơm 119:62 - Nau Brah Ndu Ngơi 2023

⁶² Ta klong măng, gâp mra dâk gay tâm rnê lah ueh ma May, Yor lĕ nau vay ƀư bơh May jêng sŏng srăng.

Nau Mprơ Ơm 119:62 ပူးပေါင်းရင်းမြစ်များ

Kôranh Oh Mon 16:25

Klăp lah n'gul măng, Y-Pôl jêh ri Y-Silas mbơh sơm jêh ri mprơ tâm rnê ma Brah Ndu; phung bu nă gŭ iăt.

Markôs 1:35

Tât nar ôi taơ, ƀhit rvi ang, Brah Yêsu dâk, du luh, hăn lăp tâm ntŭk bri rdah jêh ri mbơh sơm ta nây.

Nau Mprơ Ơm 42:8

Tơlah pônây, dôl nar Brah Yêhôva ăn nau ueh bơh Păng; Dôl măng, nau mprơ Păng gŭ ndrel gâp, Nây jêng nau mbơh sơm ma Brah Ndu, jêng Nơm ăn nau rêh ma gâp.

Nau Mprơ Ơm 119:164

Gâp tâm rnê ma May pơh tơ̆ tâm ăp nar Ma lĕ nau vay ƀư sŏng srăng May.

Nau Mprơ Ơm 119:7

Dôl gâp nti nau May phat dôih sŏng srăng Gâp mra tâm rnê ma May ma nuih n'hâm n'hêl nanê̆.

Samƀŭt Pôl Njuăl Ăn Ma Phung Nsing Ta Ƀon Rôm 7:12

Pôri, nau vay jêng kloh, nau vay ntăm ăt jêng kloh, sŏng srăng, jêh ri ueh.

Nau Mprơ Ơm 119:147

Gâp dâk lor ma ƀhit rvi ang jêh ri kuăl mbơh sơm; Gâp kâp gân jêh tâm nau May ngơi.

Nau Mprơ Ơm 119:137

Ơ Brah Yêhôva, May jêng sŏng srăng, Nau phat dôih May jêng nau sŏng.

Nau Mprơ Ơm 119:75

Ơ Brah Yêhôva, gâp gĭt nau May phat dôih jêng sŏng srăng Jêh ri ma nau răp jăp May ăn jêh gâp rêh ni.

Nau Mprơ Ơm 19:9

Nau klach yơk ma Brah Yêhôva jêng kloh rsang, Hôm gŭ tât n'ho ro; Lĕ nau vay ƀư Brah Yêhôva jêng nau ngăn. Lĕ rngôch jêng sŏng srăng.

Nau Vay Nkah Tay 4:8

Mbu ndŭl mpôl toyh dơi geh lĕ nau vay dăp jêh ri lĕ nau vay ƀư sŏng nâm bu lĕ rngôch nau vay nar aơ gâp tâm mpơl tanăp măt khân may?

Nau Mprơ Ơm 119:106

Gâp hŏ sơm ton jêh ri ton nanê̆ pô aơ, Gâp mra djôt prăp lĕ nau vay May ƀư jêng sŏng srăng.