Nau Mprơ Ơm 119:47 - Nau Brah Ndu Ngơi 2023

⁴⁷ Gâp mra maak tâm lĕ nau vay May ntăm. Yorlah gâp rŏng ma khân păng.

Nau Mprơ Ơm 119:47 ပူးပေါင်းရင်းမြစ်များ

Nau Mprơ Ơm 112:1

Halêluya! Ueh maak yơh nơm klach yơk ma Brah Yêhôva, Lĕ nuih n'hâm rŏng ngăn ma nau Păng ntăm!

Nau Mprơ Ơm 119:113

Gâp tâm rmot ma phung geh nuih n'hâm tâm pă bar, Ƀiălah gâp rŏng kơnh ma nau vay May.

Nau Mprơ Ơm 119:119

May mƀăr lơi lĕ rngôch phung ƀai bơh neh ntu nâm bu ndŏk; Yor ri, gâp rŏng ma lĕ nau May ntĭnh.

Nau Mprơ Ơm 119:127

Gâp rŏng ma nau vay May ntăm rlau lơn ma mah, Rlau lơn ma mah kloh.

Nau Mprơ Ơm 119:140

Nau May ngơi jêng kloh rsang ngăn, Yor ri oh mon May rŏng kơnh ma nau nây.

Nau Mprơ Ơm 119:159

May saơ nuih n'hâm gâp rŏng ma nau May ntăm! Ơ Brah Yêhôva, dăn ma gâp dơi rêh tĭng nâm nuih n'hâm ueh May.

Nau Mprơ Ơm 119:16

Gâp maak tâm nau vay dăp May Mâu mra chuêl ôh nau May ngơi.

Nau Mprơ Ơm 119:163

Gâp tâm rmot jêh ri tâm rmot ngăn ma nau mƀruh, Ƀiălah gâp rŏng ma nau vay May.

Nau Mprơ Ơm 119:167

Huêng tông prăp lĕ nau May ntĭnh; Gâp rŏng lĕ nau ntĭnh nây hâu ngăn ngên.

Nau Mprơ Ơm 119:174

Ơ Brah Yêhôva; gâp ŭch rŏng ma nau May tâm rklaih, Jêh ri gâp rŏng ma nau vay May.

Nau Mprơ Ơm 119:24

Lĕ nau ntĭnh bơh May jêng nau gâp rŏng, Khân păng jêng phung nchŏng an trong ma gâp.

Nau Mprơ Ơm 119:48

Gâp yơr ti rle mpeh ma nau vay May ntăm, jêng nau gâp rŏng Jêh ri mĭn ma nau vay dăp bơh May.

Nau Mprơ Ơm 119:97

Gâp rŏng kơnh ngăn ngên ma nau vay May! Lĕ nar gâp gŭ mĭn ma nau vay nây.

Yôhan 4:34

Brah Yêsu lah ma khân păng: “Ndơ sông sa Gâp jêng ƀư tĭng nau mĭn ŭch Nơm hŏ njuăl Gâp, jêh ri ƀư lôch jêh nau kan Păng.

Samƀŭt Pôl Njuăl Ăn Ma Phung Nsing Ta Ƀon Rôm 7:12

Pôri, nau vay jêng kloh, nau vay ntăm ăt jêng kloh, sŏng srăng, jêh ri ueh.

Samƀŭt Pôl Njuăl Ăn Ma Phung Nsing Ta Ƀon Rôm 7:16

Ƀiălah tơlah gâp ƀư nau gâp mâu ŭch, pôri gâp uănh dơn nau vay jêng ueh.

Samƀŭt Pôl Njuăl Ăn Ma Phung Nsing Ta Ƀon Rôm 7:22

Yorlah tâm trôm nuih n'hâm, gâp răm maak ma nau vay Brah Ndu;

Philip 2:5

Ăn khân may geh du nau mĭn tâm ban ma Brah Yêsu Krist hŏ geh jêh,

I Pêtrôs 2:21

Khân may geh jêh nau kuăl ma nau nĕ, yorlah Brah Krist anh dơn jêh nau rêh ni ma khân may, prăp ma khân may du nơm leo trong, gay ma khân may hăn tĭng têl jâng Păng;