Nau Mprơ Ơm 119:25 - Nau Brah Ndu Ngơi 2023

²⁵ Huêng gâp krêp đah ndruyh neh, Ƀư ma gâp dâk rêh tay tĭng nau May ngơi.

Nau Mprơ Ơm 119:25 ပူးပေါင်းရင်းမြစ်များ

Nau Mprơ Ơm 119:107

Ơ Brah Yêhôva! Gâp geh nau rêh ni ngăn ngên; Dăn ƀư ma gâp dơi rêh tĭng nâm nau May ngơi.

Nau Mprơ Ơm 119:149

Ơ Brah Yêhôva, dăn iăt bâr gâp tĭng nâm nuih n'hâm ueh May; Ăn gâp dơi rêh tĭng nâm nau May sek uănh.

Nau Mprơ Ơm 119:156

Ơ Brah Yêhôva, nau May yô̆ nđach jêng toyh ngăn, Ƀư ăn gâp dơi rêh tĭng nâm nau May ntăm.

Nau Mprơ Ơm 119:159

May saơ nuih n'hâm gâp rŏng ma nau May ntăm! Ơ Brah Yêhôva, dăn ma gâp dơi rêh tĭng nâm nuih n'hâm ueh May.

Nau Mprơ Ơm 119:37

Lơi ăn măt gâp rle mpeh lĕ nau dơm dam; Ƀiălah ăn gâp gŭ rêh tâm trong May.

Nau Mprơ Ơm 119:40

Gâp ŭch rŏng âk ngăn ma lĕ nau May ntăm! Dăn ƀư ăn gâp gŭ rêh tâm nau sŏng srăng May.

Nau Mprơ Ơm 119:88

Dăn ăn gâp dơi rêh tĭng nâm nuih n'hâm ueh May, Pôri gâp mra djôt prăp nau May ntĭnh tă bơh trôm mbung May.

Nau Mprơ Ơm 119:93

Gâp mâu mra chuêl nau May ntăm ôh Yorlah ma păng yơh, May ƀư ma gâp dơi rêh.

Nau Mprơ Ơm 143:11

Ơ Brah Yêhôva, yorlah amoh May, ƀư rêh hom gâp; Tâm nau sŏng srăng May, mphâk lơi huêng gâp bơh nau uh ah.

Nau Mprơ Ơm 22:15

N'hâm suan gâp sơh kro tâm ban ma neh bŏk pêt Jêh ri mpiăt gâp krêp ta trô ko; May dơm gâp bê̆ch tâm neh muy nau khĭt.

Nau Mprơ Ơm 44:25

Yorlah huêng hên tâp tâm dâng ndruyh neh, Săk jăn hên gŭ tep tâm dâng neh.

Nau Mprơ Ơm 44:26

Ăn May dâk hom gay ma sâm kơl hên; Tâm chuai hên yor nau nuih n'hâm ueh May.

Nau Mprơ Ơm 71:20

May jêng Nơm hŏ ƀư jêh ma hên saơ âk nau rêh ni, hâu ngăn, May mra ƀư ăn hên dơi dâk rêh tay Jêh ri njŭn hên hao luh Bơh ntu jru tâm neh ntu.

Nau Mprơ Ơm 80:18

Jêh nây hên mâu mra du bơh May đŏng ôh; Dăn ƀư ma hên dơi dâk rêh tay, pôri hên mra kuăl amoh May.

Êsai 65:25

So bri jêh ri kon biăp mra sa gơ̆ ndrel, Yau mŭr mra sa rhe nâm bu ndrôk, Bêh mra sa ndruyh neh. Mra mâu hôm geh nơm phă mâu lah ƀư rai Ta lĕ yôk kloh ueh Gâp.” Brah Yêhôva lah pônây.

Mathay 16:23

Ƀiălah Brah Yêsu rle măt uănh ta Y-Pêtrôs jêh ri lah: “Hơi Satan, rŭch plơ̆ hom pakơi Gâp! May ŭch ƀư tŭp Gâp; yorlah may mâu mĭn ma kan Brah Ndu, ƀiălah knŏng mĭn ma kan kon bunuyh.”

Nau Vay Nkah Tay 30:6

Yêhôva Brah Ndu khân may mra koh ntâu nuih n'hâm khân may jêh ri nuih n'hâm tâm noi deh khân may, gay khân may yơk rŏng ma Yêhôva Brah Ndu khân may ma lĕ nuih n'hâm jêh ri lĕ huêng jêh ri tă bơh nây dĭng khân may dơi rêh.

Philip 3:19

Nau nglĕ dŭt khân păng jêng nau rai roh. Khân păng sŏk ndŭl khân păng nơm jêng kôranh brah khân păng nơm, sŏk nau đit prêng jêng nau chrêk rmah, jêh ri knŏng mĭn ma lĕ nau kan tâm neh ntu.

Kôlôh 3:2

Rvê mĭn hom lĕ ndơ klơ trôk, lơi mĭn rvê ôh lĕ ndơ tâm neh ntu,