Nau Mprơ Ơm 119:2 - Nau Brah Ndu Ngơi 2023

² Ueh maak yơh phung djôt prăp nau Păng ntĭnh. Jêh ri tĭng joi Păng ma lĕ nuih n'hâm.

Nau Mprơ Ơm 119:2 ပူးပေါင်းရင်းမြစ်များ

I Phung Hađăch 2:3

Djôt prăp hom moh nau Yêhôva Brah Ndu ŭch ma may djôt prăp, chuat tâm trong Păng, djôt prăp lĕ nau vay dăp, lĕ nau vay ntăm jêh ri lĕ nau vay ƀư, jêh ri nau Păng nti tĭng nâm hŏ nchih jêh tâm nau vay Y-Môis, gay ăn may geh nau dơi jêng tâm lĕ rngôch kan may ƀư jêh ri ta lĕ rngôch ntŭk may hăn.

I Nau Rêh Jêng 22:19

Pôri aƀaơ, ma lĕ nuih n'hâm jêh ri lĕ mĭn khân may joi hom Yêhôva Brah Ndu khân may. Ntơm ndâk hom ngih brah kloh ueh ma Yêhôva Brah Ndu, gay ma Hip Nau Tâm Rnglăp Brah Yêhôva jêh ri lĕ ndơ dŏng kloh ueh Brah Ndu dơm tâm ngih brah ndâk jêh ma amoh Brah Yêhôva.”

II Nau Rêh Jêng 31:21

Tâm lĕ kan hađăch ƀư, bơh nau pah kan tâm ngih Brah Ndu tât nau djôt prăp nau vay mâu lah nau vay ntăm, păng tĭng joi Brah Ndu ma lĕ nuih n'hâm, rĭ dĭng păng dơi chăt jêng.

Nau Mprơ Ơm 105:45

Gay ma khân păng djôt prăp nau vay Păng, Jêh ri tông nau vay Păng. Halêluya!

Nau Mprơ Ơm 119:10

Kon tǐng joi May ma lĕ nuih n'hâm, Lơi ăn gâp der bơh nau vay May ntăm ôh.

Nau Mprơ Ơm 119:101

Gâp nkân jâng gâp bơh lĕ trong mhĭk, Gay ma gâp djôt prăp tĭng nau May ngơi.

Nau Mprơ Ơm 119:115

Ơ phung ƀư mhĭk, du hom bơh gâp! Gay ma gâp djôt prăp nau vay Brah Ndu ntăm.

Nau Mprơ Ơm 119:146

Gâp kuăl mbơh sơm ma May, rklaih hom gâp Jêh ri gâp mra mât mray lĕ nau May ntĭnh.

Nau Mprơ Ơm 119:17

Dăn May ăn nau ueh rmeh ler ma oh mon May Gay ma gâp dơi gŭ rêh jêh ri djôt prăp nau May ngơi.

Nau Mprơ Ơm 119:22

Sŏk lơi nau bêk tă bơh gâp jêh ri nau tâm rmot. Yorlah gâp djôt prăp jêh nau ntĭnh bơh May.

Nau Mprơ Ơm 119:33

Ơ Brah Yêhôva, sâm nti gâp trong nau vay ƀư bơh May Pôri gâp mra djôt prăp păng tât lôch.

Nau Mprơ Ơm 119:34

Dăn May ăn ma gâp nau gĭt rbăng gay gâp djôt prăp Jêh ri lĕ nuih n'hâm djôt prăp nau vay May.

Nau Mprơ Ơm 119:57

Brah Yêhôva jêng drăp ndơn ma gâp; Gâp ton mra djôt prăp nau May ngơi.

Nau Mprơ Ơm 119:69

Phung sưr sŏk nau ngơi mƀruh ƀư lư mhĭk ma gâp, Ƀiălah gâp mra djôt prăp nau May ntăm ma lĕ nuih n'hâm.

Nau Mprơ Ơm 119:88

Dăn ăn gâp dơi rêh tĭng nâm nuih n'hâm ueh May, Pôri gâp mra djôt prăp nau May ntĭnh tă bơh trôm mbung May.

Nau Mprơ Ơm 25:10

Lĕ rngôch trong Brah Yêhôva jêng nau ueh da dê jêh ri nau nanê̆ ngăn Ma phung djôt prăp nau tâm rnglăp jêh ri nau ntĭnh bơh May.

Nau Hôr 23:26

Hơi kon gâp, nhhơr hom nuih n'hâm may ma gâp, Jêh ri măt may maak rŏng hom tâm trong gâp;

Yêrêmi 29:13

Khân may mra joi Gâp jêh ri dơi mâp, lah khân may tĭng joi Gâp ma lĕ nuih n'hâm.”

Êsêkiêl 36:27

Gâp mra dơm Huêng Brah Gâp tâm khân may jêh ri ăn khân may chuat tĭng nau vay ntăm bơh Gâp, pôri khân may mra djôt prăp nau vay ƀư bơh Gâp jêh ri tĭng ƀư.

Yôhan 14:23

Brah Yêsu plơ̆ lah: “Lah mbu nơm rŏng ma Gâp, păng mra djôt prăp nau Gâp ngơi, Mbơ̆ Gâp mra rŏng ma păng, Mbơ̆ Gâp ndrel ma Gâp mra văch ma păng jêh ri gŭ ndrel ma păng.

Nau Vay Nkah Tay 4:29

Ƀiălah bơh ntŭk nây đŏng khân may mra joi Yêhôva Brah Ndu jêh ri ndah nâm jŏ khân may joi Păng ma lĕ nuih n'hâm, ma lĕ huêng, pôri khân may mra tâm mâp đah Păng.

Nau Vay Nkah Tay 6:17

Njrăng hom jêh ri djôt prăp ma lĕ nau vay ntăm, nau mbơh jêh ri nau vay dăp bơh Yêhôva Brah Ndu hŏ ntĭnh jêh ma khân may.

Nau Vay Nkah Tay 6:5

Ăn khân may yơk rŏng ma Yêhôva Brah Ndu khân may ma lĕ nuih n'hâm, ma lĕ huêng, jêh ri ma lĕ n'hâm suan.

I Yôhan 3:20

ăp tơ̆ nuih n'hâm he nduyh ma he. Yorlah Brah Ndu jêng toyh lơn ma nuih n'hâm he, jêh ri Păng gĭt lĕ rngôch ndơ.