Nau Mprơ Ơm 119:172 - Nau Brah Ndu Ngơi 2023

¹⁷² Ăn mpiăt gâp mprơ ma nau May ngơi, Yorlah lĕ nau vay May ntăm jêng sŏng srăng.

Nau Mprơ Ơm 119:172 ပူးပေါင်းရင်းမြစ်များ

Nau Mprơ Ơm 119:128

N'hêl nanê̆ ngăn, gâp gĭt năl lĕ nau May ntăm ma lĕ ntil mpô mpa jêng di ngăn; Jêh ri gâp tâm rmot ma lĕ rngôch trong nau mƀruh.

Nau Mprơ Ơm 119:13

Gâp dŏng bâr mbung gâp nkoch tay Lĕ nau vay ƀư bâr mbung May ntăm.

Nau Mprơ Ơm 119:138

May ăn ma nau May ntĭnh Tâm nau sŏng srăng jêh ri nau răp jăp.

Nau Mprơ Ơm 119:142

Nau sŏng srăng May jêng nau sŏng srăng n'ho ro. Nau vay May jêng nau nanê̆ ngăn.

Nau Mprơ Ơm 119:46

Gâp mra nkoch mbơh nau ntĭnh bơh May tanăp phung hađăch Ƀiălah gâp mâu bêk ôh.

Nau Mprơ Ơm 119:86

Lĕ rngôch nau vay May ntăm jêng răp jăp; Dăn May kơl gâp yorlah bu ngơi nchơt nklă lă lêng gay ma ƀư rêh ni Gâp.

Nau Mprơ Ơm 37:30

Trôm mbung bunuyh sŏng ngơi nau blau mĭn, Mpiăt bunuyh nây nkoch nau sŏng.

Nau Mprơ Ơm 78:4

He mâu mra pôn ôh lĕ nau nây ma phung kon sau he, Ƀiălah mra nkoch ma phung pakơi tâm nar kăndơ̆ Nau chrêk rmah Brah Yêhôva ndrel nau brah Păng Jêh ri lĕ nau kan khlay Păng ƀư jêh.

Samƀŭt Pôl Njuăl Ăn Ma Phung Nsing Ta Ƀon Rôm 7:12

Pôri, nau vay jêng kloh, nau vay ntăm ăt jêng kloh, sŏng srăng, jêh ri ueh.

Samƀŭt Pôl Njuăl Ăn Ma Phung Nsing Ta Ƀon Rôm 7:14

He gĭt nau vay jêng brah huêng; ƀiălah gâp jêng bunuyh nglay săk hŏ tăch jêh ma nau tih.

Êphêsô 4:29

Lơi ăn du nau ngơi mhĭk luh tă bơh trôm mbung khân may ôh, ƀiălah tơlah khư ngơi, ngơi hom lĕ nau ngơi ueh, geh nau ndâk njêng gay djôt leo nau ueh tât ma phung gŭ iăt.

Nau Vay Nkah Tay 6:7

Ăn gơih ntĭm nti hom nau nây ma phung kon khân may, jêh ri nkah hom dôl khân may gŭ tâm vâl tâm ban ma nôk hăn trong, dôl khân may gŭ bê̆ch tâm ban ma nôk kah rngăl bê̆ch.

Kôlôh 4:6

Ăn nau khân may ngơi geh nau rdơ̆ rbăn ƀaƀơ jêh ri ƀư kah nâm bu boh gay ma khân păng gĭt mâm nau plơ̆ lah ma ăp nơm.