Nau Mprơ Ơm 119:163 - Nau Brah Ndu Ngơi 2023

¹⁶³ Gâp tâm rmot jêh ri tâm rmot ngăn ma nau mƀruh, Ƀiălah gâp rŏng ma nau vay May.

Nau Mprơ Ơm 119:163 ပူးပေါင်းရင်းမြစ်များ

Nau Mprơ Ơm 101:7

Nơm mƀruh ndơm mâu mra dơi gŭ tâm ngih gâp; Phung mƀruh nchơt mâu mra dơi gŭ ôh tanăp măt gâp.

Nau Mprơ Ơm 119:104

Yor nau May ntăm, gâp geh nau gĭt rbăng; Yor ri gâp tâm rmot lĕ trong nau mƀruh.

Nau Mprơ Ơm 119:113

Gâp tâm rmot ma phung geh nuih n'hâm tâm pă bar, Ƀiălah gâp rŏng kơnh ma nau vay May.

Nau Mprơ Ơm 119:128

N'hêl nanê̆ ngăn, gâp gĭt năl lĕ nau May ntăm ma lĕ ntil mpô mpa jêng di ngăn; Jêh ri gâp tâm rmot ma lĕ rngôch trong nau mƀruh.

Nau Mprơ Ơm 119:29

Ƀư ăn gâp der ngai trong nau mbruh, Jêh ri ƀư nau yô̆ gay sâm nti nau vay May ma gâp.

Nau Mprơ Ơm 119:47

Gâp mra maak tâm lĕ nau vay May ntăm. Yorlah gâp rŏng ma khân păng.

Nau Hôr 13:5

Bunuyh sŏng srăng tâm rmot ma nau ngơi mƀruh, Bunuyh djơh mhĭk di ma bu tâm rmot jêh ri bêk prêng.

Nau Hôr 30:8

Dăn ăn nau mhĭk jêh ri nau mƀruh du ngai đah gâp; Lơi ăn gâp o ach mâu lah kuăng ndrŏng, Dăn ăn gâp ndơ sông sa tŏng ma dŏng;

Amôt 5:15

Tâm rmot hom ma nau mhĭk jêh ri rŏng hom ma nau ueh; Ndâk hom nau sŏng ta mpông ƀon. Klăp lah Yêhôva Brah Ndu ma phung tahan Mra ăn nau yô̆ ma phung Yôsep hôm klen!

Samƀŭt Pôl Njuăl Ăn Ma Phung Nsing Ta Ƀon Rôm 12:9

Ăn nau rŏng khân may jêng ngăn. Tâm rmot hom ma nau mhĭk, ndrel ma nau ueh.

Êphêsô 4:25

Pôri yơh, ăp nơm tâm khân may mƀăr lơi hom nau mƀruh nchơt, “Ngơi hom ngăn ma phung chiau meng,” yorlah he jêng kô̆ săk jăn ndrăng he da dê.

Nau Tâm Mpơl 22:15

Phung so, phung ƀư nau blau rƀên, phung văng tĭr, phung nkhĭt bunuyh, phung mbah rup brah, jêh ri lĕ rngôch phung rŏng jêh ri ƀư nau mƀruh gŭ padih da dê.