Nau Mprơ Ơm 119:149 - Nau Brah Ndu Ngơi 2023

¹⁴⁹ Ơ Brah Yêhôva, dăn iăt bâr gâp tĭng nâm nuih n'hâm ueh May; Ăn gâp dơi rêh tĭng nâm nau May sek uănh.

Nau Mprơ Ơm 119:149 ပူးပေါင်းရင်းမြစ်များ

Êsai 63:7

Gâp nkah tay nau ueh bơh Brah Yêhôva, Jêh ri nau tâm rnê ma Brah Yêhôva, Yorlah tĭng nâm lĕ nau Brah Yêhôva ƀư ăn jêh ma he, Jêh ri Păng ăn nau ueh âk toyh ma ngih Israel, Tĭng nau Păng yô̆ nđach, Jêh ri nau ueh bơh Păng mâu blau dŭt.

Nau Mprơ Ơm 119:40

Gâp ŭch rŏng âk ngăn ma lĕ nau May ntăm! Dăn ƀư ăn gâp gŭ rêh tâm nau sŏng srăng May.

Nau Mprơ Ơm 109:21

Ƀiălah ơ Kôranh Brah jêng Brah Yêhôva, Yor ma amoh May, ăn May ƀư nau yô̆ ma gâp; Yorlah nuih n'hâm ueh Kôranh Brah jêng nau ueh, dăn tâm rklaih hom gâp.

Nau Mprơ Ơm 55:2

Iăt nau gâp jêh ri plơ̆ lah đŏng; Gâp rŭng răng, lŭng nter jêh ri vĭ nau mĭn.

Nau Mprơ Ơm 51:1

Ơ Brah Ndu! Dăn yô̆ nđach ma gâp Tĭng nuih n'hâm ueh May; Dăn jut lơi lĕ nau gâp ƀư tih Tĭng nâm nau yô̆ toyh May.

Nau Mprơ Ơm 119:156

Ơ Brah Yêhôva, nau May yô̆ nđach jêng toyh ngăn, Ƀư ăn gâp dơi rêh tĭng nâm nau May ntăm.

Nau Mprơ Ơm 119:25

Huêng gâp krêp đah ndruyh neh, Ƀư ma gâp dâk rêh tay tĭng nau May ngơi.

Nau Mprơ Ơm 69:16

Ơ Brah Yêhôva! Dăn mplơ̆ lah nau gâp yor nau ueh May jêng ueh; Tĭng nâm nau yô̆ nđach rmeh ler May, dăn n'gĭl ma gâp.

Nau Mprơ Ơm 119:154

Dăn May koh dŏng rplay gâp ngơi jêh ri sâm chuai gâp; Ƀư an gâp dơi rêh tĭng nâm nau May ton.

Nau Mprơ Ơm 64:1

Ơ Brah Ndu, gŭ iăt bâr gâp nter vơh vơl, King n'gang nau rêh gâp bơh nau phung rlăng nkrit nhhu.

Nau Mprơ Ơm 119:88

Dăn ăn gâp dơi rêh tĭng nâm nuih n'hâm ueh May, Pôri gâp mra djôt prăp nau May ntĭnh tă bơh trôm mbung May.