Nau Mprơ Ơm 119:144 - Nau Brah Ndu Ngơi 2023

¹⁴⁴ Nau May ntĭnh jêng sŏng srăng n'ho ro. Ăn ma gâp nau gĭt rbăng gay ma gâp dơi rêh.

Nau Mprơ Ơm 119:144 ပူးပေါင်းရင်းမြစ်များ

Nau Mprơ Ơm 119:138

May ăn ma nau May ntĭnh Tâm nau sŏng srăng jêh ri nau răp jăp.

Nau Mprơ Ơm 119:151

Ơ Brah Yêhôva, May gŭ dăch gâp ƀaƀơ, Jêh ri lĕ rngôch nau vay May ntăm jêng nau nanê̆ ngăn.

Nau Mprơ Ơm 119:152

Bơh kăl e ri, bơh nau May ntĭnh, gâp gĭt rah vah May yơh rdâk khân păng kŏ tât n'ho ro.

Nau Mprơ Ơm 119:169

Ơ Brah Yêhôva, ăn nau gâp kuăl mbơh sơm tât ta May. Ăn ma gâp nau gĭt rbăng tĭng nâm nau May ton!

Nau Mprơ Ơm 119:17

Dăn May ăn nau ueh rmeh ler ma oh mon May Gay ma gâp dơi gŭ rêh jêh ri djôt prăp nau May ngơi.

Nau Mprơ Ơm 119:34

Dăn May ăn ma gâp nau gĭt rbăng gay gâp djôt prăp Jêh ri lĕ nuih n'hâm djôt prăp nau vay May.

Nau Mprơ Ơm 119:66

Sâm nti gâp nau gĭt rbăng jêh ri gĭt lor nau di Yorlah gâp chroh jêh ma nau vay May ntăm.

Nau Mprơ Ơm 119:73

Mbang ti May rhăk jêh gâp jêh ri mon jêh gâp; Ăn ma gâp nau gĭt rbăng, gay ma gâp dơi nti nau vay May ntăm.

Nau Mprơ Ơm 19:9

Nau klach yơk ma Brah Yêhôva jêng kloh rsang, Hôm gŭ tât n'ho ro; Lĕ nau vay ƀư Brah Yêhôva jêng nau ngăn. Lĕ rngôch jêng sŏng srăng.

Nau Hôr 10:21

Bâr mbung bunuyh sŏng srăng siăm âk bunuyh rêh, Bi phung rluk khĭt yor mâu geh nau gĭt vât.

Nau Hôr 4:4

Mbơ̆ gâp geh nti pô aơ: “Nuih n'hâm may kah gĭt hom lĕ nau gâp Djôt prăp hom nau vay ntăm bơh gâp, ri mơ may mra dơi rêh.

Nau Hôr 7:2

Tông hom nau vay ntăm bơh gâp pôri may mra dơi rêh, Jêh ri prăp hom nau gâp ntĭm nti nâm bu găr măt may.

Êsai 27:11

Lah n'gĭng păng kro jêh ri bu nkê̆ch pă, Phung bu ur sŏk gay ƀư long sŭnh ŭnh. Yorlah phung ƀon lan aơ mâu ŭch gĭt rbăng ôh, Yor nây Nơm njêng khân păng mâu yô̆ nđach ma khân păng ôh, Nơm njêng khân păng mâu ăn nau ueh ôh.

Yêrêmi 4:22

“Phung ƀon lan Gâp rluk ngăn, Khân păng mâu gĭt năl Gâp ôh. Nây jêng du huê phung kon se rluk, Mâu geh nau gĭt rbăng, Blau ƀư nau mhĭk, Ƀiălah mâu gĭt ƀư nau ueh ôh.”

Daniel 12:10

Âk bunuyh bu mra dơi ƀư kloh, jut nglang jêh ri ƀư rsang. Ƀiălah phung ƀai ăt mra thoi đŏng ƀư ƀai. Mâu geh phung ƀai mra gĭt rbăng ôh, ƀiălah phung njêh mra gĭt rbăng.

Ndrom Samƀŭt bơh Ôsê 4:6

Phung ƀon lan Gâp hŏ rai yot yor mâu geh nau gĭt rbăng; Yorlah may hŏ dun jêh nau gĭt rbăng, Yor ri Gâp ăt mâu ăn may ƀư kôranh nơm ƀư brah ma Gâp đŏng ôh; Yorlah may hŏ chuêl jêh nau vay Brah Ndu may, Yor ri Gâp mra chuêl kon sau may tâm ban lĕ.

Mathay 13:19

Mbu tăng nau ngơi ma ƀon bri hađăch klơ trôk ƀiălah mâu gĭt rbăng ôh, brah djơh văch sŏk lơi nau bu nsrih jêh tâm nuih n'hâm păng; nây jêng nâm bu găr ntil tŭp rŏ trong.

Mathay 5:18

Yorlah nanê̆, Gâp lah ma khân ay may, êlor trôk jêh ri neh ntu ê hŏ rlau, mâu mra roh du ntil mâu lah du rplay samƀŭt dŭt jê̆ tâm nau vay ôh, kŏ tât lĕ rngôch nau nây mra dơi lôch jêh.

Yôhan 17:3

Nau rêh n'ho ro jêng nau gĭt năl Mbơ̆ jêng Brah Ndu knŏng nguay jêh ri nau nanê̆ ngăn, ndrel Yêsu Krist jêng Nơm Mbơ̆ hŏ njuăl jêh.

II Kôrintô 4:6

Yorlah Brah Ndu jêng Nơm lah pô aơ: “Ăn nau ang sol bơh nau ngo,” hŏ sol ang jêh tâm nuih n'hâm hên, ăn nau ang gay ma gĭt rbăng nau chrêk rmah Brah Ndu ta muh măt Brah Yêsu Krist.