Nau Mprơ Ơm 119:141 - Nau Brah Ndu Ngơi 2023

¹⁴¹ Gâp jêng jê̆, bu mưch rmot Ƀiălah gâp mâu chuêl ôh nau May ntăm.

Nau Mprơ Ơm 119:141 ပူးပေါင်းရင်းမြစ်များ

Nau Mprơ Ơm 119:109

Nau rêh gâp tâm tra đah nau djơh mhĭk ƀaƀơ, Ƀiălah gâp mâu chuêl ôh nau vay May.

Nau Mprơ Ơm 119:16

Gâp maak tâm nau vay dăp May Mâu mra chuêl ôh nau May ngơi.

Nau Mprơ Ơm 119:176

Gâp vĭ trong nâm bu biăp hăn nhhơt trong; dăn May joi hom oh mon May, Yorlah gâp mâu chuêl ôh nau vay May ntăm.

Nau Mprơ Ơm 22:6

Ƀiălah gâp jêng du mlâm ndrŭng mâu di du huê bunuyh ôh. Kon bunuyh ƀư bêk, lĕ rngôch bunuyh mưch rmot.

Nau Mprơ Ơm 40:17

Gâp aơ jêng bunuyh o ach jêh ri pưt kƀah; Ƀiălah May kah gĭt ma gâp ƀaƀơ. May jêng Nơm kơl jêh ri tâm rklaih gâp. Ơ Brah Ndu gâp, lơi gŭ kâp jŏ ôh!

Nau Hôr 15:16

Ueh lơn geh djê̆ drăp ndơ ƀiălah klach yơk ma Brah Yêhôva Rlau lơn đah geh âk drăp ndơ ƀiălah nau rŭng răng tĭng groi.

Nau Hôr 16:8

Ueh lơn geh djê̆ ndơ ƀiălah gŭ rêh sŏng srăng Rlau lơn ma âk ndơ sa ƀiălah rêh ma nau kue.

Nau Hôr 19:1

Ueh lơn jêng bunuyh o ach gŭ ngao mơih rmên, Rlau lơn jêng bunuyh geh bâr mbung mƀruh, jêng bunuyh rluk.

Nau Hôr 3:1

Hơi kon gâp, lơi ta chuêl ôh nau gâp ntĭm nti, Nuih n'hâm may djôt prăp hom nau vay ntăm bơh gâp;

Êsai 53:3

Păng jêng Nơm bu tâm rmot jêh ri dun jêh, Lĕ mâp găn nau rêh ni, gĭt năl nau ji. Bu tâm rmot ma Păng tâm ban ma bunuyh bu nkŭm muh măt mâu ŭch uănh; He đŏng mâu uănh khlay ma Păng.

Luka 6:20

Brah Yêsu n'gơr măt uănh ma phung oh mon jêh ri lah: “Ueh maak ngăn ma phung kon jêng phung bunuyh o ach, Yorlah ƀon bri hađăch Brah Ndu prăp ăn ma phung kon

Luka 9:58

Brah Yêsu plơ̆ lah: “Phung mpik geh trôm, phung sĭm klơ trôk geh rsuăn, ƀiălah Kon Bunuyh mâu geh ntŭk dâm bôk.”

II Kôrintô 8:9

Yorlah khân may gĭt jêh nau yô̆ Kôranh Brah he jêng Brah Yêsu Krist, Păng ndrŏng ngăn, ƀiălah plơ̆ jêng o ach yor khân may, gay yor nau o ach Păng, khân may plơ̆ jêng ndrŏng.

Yakơ 2:5

Khân may iăt hom, hơi phung oh nâu gâp rŏng: Mâu di hĕ Brah Ndu săch jêh phung o ach ta neh ntu aơ gay ƀư ma khân păng jêng ndrŏng tâm nau chroh, jêh ri dơn ƀon bri hađăch Păng ton jêh ma phung rŏng ma Păng?