Nau Mprơ Ơm 119:120 - Nau Brah Ndu Ngơi 2023

¹²⁰ Nglay săk gâp râm sâr yor klach ma May, Gâp klach râm sâr đŏng gŭ tanăp nau May phat dôih.

Nau Mprơ Ơm 119:120 ပူးပေါင်းရင်းမြစ်များ

II Phung Hađăch 22:11

Lah tăng lĕ nau ngơi tă bơh ndrom samƀŭt nau vay, hađăch nkhêk ro ao păng nơm.

I Nau Rêh Jêng 24:30

Phung kon Y-Musi jêng Y-Mahli, Y-Êder, jêh ri Y-Jêrimôt. Nây jêng phung kon sau Y-Lêvi, tĭng nâm noi deh khân păng.

II Nau Rêh Jêng 34:21

“Yor ma gâp jêh ri yor ma phung Israel hôm e klen jêh ri phung Yuđa, hăn ôp hom Brah Yêhôva ma lĕ rngôch nau ngơi tâm ndrom samƀŭt aơ hŏ joi saơ jêh. Yor nau Brah Yêhôva ji nuih nkhŭt jêh ta klơ he dŭt toyh ngăn, yor tă bơh phung che he mâu ŭch djôt prăp ôh nau Brah Yêhôva ntăm, jêh ri mâu tĭng kơt lĕ ntil nau hŏ nchih jêh tâm ndrom samƀŭt aơ.”

II Nau Rêh Jêng 34:27

‘Tơlah may tăng jêh nau Gâp lah tâm rdâng đah ntŭk aơ jêh ri phung ƀon lan gŭ tâm ntŭk aơ, pôri may geh nuih n'hâm rdơ̆ rbăn, ntrŭnh dêh rhêt tanăp măt Gâp, nkhêk ao jêh ri nhhiăng nhĭm tanăp măt Gâp, yor ri Gâp hŏ tăng jêh nau may; Brah Yêhôva lah kơt nây.

Ndrom Samƀŭt bơh Yôp 23:15

Yor nây, gâp geh nau klach ngăn tanăp măt Păng; Ăp tơ̆ gŭ mĭn, gâp saơ râm nsâr klach Păng.

Ndrom Samƀŭt bơh Yôp 31:23

Yorlah nau mhĭk tât bơh Brah Ndu ƀư ăn gâp krit klach, Tanăp nau rnam Păng, gâp mâu dơi ƀư ôh.

Nau Mprơ Ơm 119:53

Gâp ji nuih hâu ngăn, Dôl phung ƀai chalơi nau vay May.

Nau Mprơ Ơm 88:16

Nau May ji nuih jot mbet ta gâp, May djôt nau klach krit tât gay ma ƀư rai gâp.

Êsai 66:2

Ti Gâp rhăk njêng jêh lĕ rngôch ndô ndơ aơ, Jêh ri lĕ rngôch ndơ nây jêng jêh.” Brah Yêhôva lah pônây. “Aơ jêng bunuyh Gâp uănh, Jêng nơm dêh rhêt jêh ri geh huêng rngot ma nau tih, Nơm klach râm nsâr ma nau Gâp ngơi.

Êsai 66:5

Ơ khân may jêng phung râm nsâr ma nau Ngơi Brah Yêhôva, Iăt hom nau Brah Yêhôva: “Phung oh nâu khân may tâm rmot ma khân may Jêh ri mƀăr lơi khân may yor amoh Gâp, khân păng geh lah pô aơ: ‘Ăn Brah Yêhôva geh nau chrêk rmah, Gay ma hên dơi saơ nau răm maak khân may!’ Ƀiălah khân păng yơh mra bêk.”

Habakuk 3:16

Tăng lĕ nau aơ, lam săk jăn gâp râm sâr, Toh yoi gâp mprâm ngăn, Nting gâp nâm bu bơi rmuk ôm, Jêh ri jâng gâp chuat ndĭt ndiu. Gâp mra gŭ rklăk gay kâp nar rêh ni, Jêng nar geh phung ƀon lan văch lơh hên.

Philip 2:12

Pôri, hơi phung oh nâu gâp rŏng ngăn ngên, nâm bu khân may vay tông bâr ƀaƀơ, mâu di knŏng nôk gâp geh măt, ƀiălah aƀaơ aơ, dôl gâp ndŭt măt, lơ hô tông bâr lơn đŏng; sŏk hom nau klach râm sâr gay ƀư lôch jêh nau tâm rklaih khân may nơm.

ហេឞ្រើ 12:21

Nau saơ nây klach krit ngăn, kŏ tât Y-Môis lah pô aơ: “Gâp klach ngăn jêh ri râm sâr.”

I Samuel 6:20

Nôk nây, phung Bet-Sêmes lah: “Mbu nơm dơi dâk tra năp Brah Yêhôva jêng Brah Ndu kloh ueh aơ? Tơlah Hip Nau Tâm Rnglăp luh du tă bơh he, ma mbu nơm păng mra hăn?”