Nau Mprơ Ơm 119:12 - Nau Brah Ndu Ngơi 2023

¹² Ơ Brah Yêhôva, tâm rnê ma May. Sâm nti an gâp lĕ nau vay Kôranh Brah ntăm!

Nau Mprơ Ơm 119:12 ပူးပေါင်းရင်းမြစ်များ

Nau Mprơ Ơm 119:108

Ơ Brah Yêhôva, dăn May dơn ndơ ƀư brah gâp nơm ŭch nhhơr ma May ma nau mprơ tâm rnê bơh gâp, Jêh ri sâm nti gâp nau vay ƀư bơh May.

Nau Mprơ Ơm 119:124

Dăn ƀư đah oh mon May tĭng nâm nau nuih n'hâm ueh May, Jêh ri sâm nti gâp nau vay May dăp.

Nau Mprơ Ơm 119:135

Dăn muh măt May sol ang ta oh mon May, Jêh ri sâm nti gâp lĕ nau vay dăp May.

Nau Mprơ Ơm 119:33

Ơ Brah Yêhôva, sâm nti gâp trong nau vay ƀư bơh May Pôri gâp mra djôt prăp păng tât lôch.

Nau Mprơ Ơm 119:64

Ơ Brah Yêhôva, lam neh ntu bêng ma nau ueh May; Sâm nti lĕ nau vay dăp May ma gâp.

Nau Mprơ Ơm 119:66

Sâm nti gâp nau gĭt rbăng jêh ri gĭt lor nau di Yorlah gâp chroh jêh ma nau vay May ntăm.

Nau Mprơ Ơm 119:68

May jêng ueh, jêh ri lơ hô ƀư nau ueh ƀaƀơ; Sâm nti gâp lĕ nau vay ƀư bơh May.

Nau Mprơ Ơm 143:10

Sâm nti gâp ƀư tĭng nau May ŭch, Yorlah May jêng Brah Ndu gâp; Brah May jêng ueh Njŭn leo gâp tâm neh lâng.

Nau Mprơ Ơm 86:11

Ơ Yêhôva, sâm nti gâp trong May, Pôri gâp mra hăn tâm nau ngăn May; Ăn nuih n'hâm gâp ăn blau klach yơk ma amoh May.

Luka 24:45

Nôk nây, Păng pơk nau mĭn ma phung oh mon gay gĭt vât Nau Brah Ndu Ngơi.

Yôhan 14:26

Ƀiălah Nơm Bonh Leng, nâm bu ntĭt Brah Huêng Ueh, Mbơ̆ mra njuăl văch tâm amoh Gâp, Păng mra nti lĕ rngôch ndơ ma khân may, jêh ri nkah ma khân may kah gĭt lĕ rngôch lĕ nau Gâp lah jêh ma khân may.

I Timôthê 1:11

Nây jêng nau ntĭm nti bơh Nau Mhe Mhan Ueh chrêk rmah Brah Ndu ueh maak, bu jao jêh ma gâp.

I Timôthê 6:15

jêng nau Nơm Chiă Uănh ueh maak ngăn jêh ri knŏng nguay, jêng Hađăch ma phung hađăch, Kôranh Brah ma lĕ phung kôranh Brah mra mpơl tâm di ma nôk Păng tâm nal,

I Yôhan 2:27

Mpeh khân may, nau tŏ dak ƀâu kah khân may sŏk dơn jêh bơh Păng gŭ tâm khân may, jêh ri khân may mâu hôm ŭch ôh bu nti ma khân may. Yorlah nau Păng tŏ dak ƀâu kah nti ma khân may lĕ rngôch nau, jêh ri nau tŏ dak ƀâu kah nây jêng nau nanê̆ ngăn, mâu di mƀruh ndơm ôh; ăn gŭ hom tâm Păng, nâm bu nau tŏ dak ƀâu kah nây nti jêh ma khân may.