Nau Mprơ Ơm 119:118 - Nau Brah Ndu Ngơi 2023

¹¹⁸ May dun lĕ rngôch phung hăn vĭ bơh nau vay May dăp, Yorlah nau ndơm mƀruh khân păng jêng dơm dam.

Nau Mprơ Ơm 119:118 ပူးပေါင်းရင်းမြစ်များ

Nau Mprơ Ơm 119:10

Kon tǐng joi May ma lĕ nuih n'hâm, Lơi ăn gâp der bơh nau vay May ntăm ôh.

Nau Mprơ Ơm 119:21

May nduyh ma phung sưr jêng phung bu rtăp rak, Hăn der bơh lĕ nau vay ntăm bơh May.

Nau Mprơ Ơm 119:29

Ƀư ăn gâp der ngai trong nau mbruh, Jêh ri ƀư nau yô̆ gay sâm nti nau vay May ma gâp.

Nau Mprơ Ơm 78:57

Ƀiălah khân păng rŭch jêh ri mâu răp jăp nâm bu phung chô yau khân păng; Khân păng kue kuăt nâm bu na geh nau kue.

Nau Mprơ Ơm 95:10

Tâm puăn jât năm, Gâp tâm rmot ma phung mpôl băl aơ, Gâp lah: “Nây jêng du phung ƀon lan vĭ nhhơt, Mâu gĭt năl ôh trong Gâp.”

Nau Hôr 12:20

Nuih n'hâm phung nchră nau mhĭk prăp ma nau ndơm, Ƀiălah nuih n'hâm bunuyh ƀư nau đăp mpăn bêng nau răm maak.

Êsai 25:10

Yorlah ti Brah Yêhôva mra n'gân ta yôk aơ; Ƀiălah bu mra jot sôt bri Môap ta ntŭk păng, Tâm ban ma bu jot sôt mbŭch rhe tâm ntŭk ntu ndŏk.

Êsai 44:20

Nơm nây siăm păng nơm ma ŭnh buh; nuih n'hâm ngo ƀư ăn păng vĭ trong, mâu dơi tâm rklaih huêng păng ôh. Păng mâu lĕ prot ôp êng păng nơm: “Mâu di hĕ ndơ gâp djôt tâm ti ma gâp jêng ndơ mƀruh?”

Êsai 63:3

“Knŏng du huê Gâp jot ta ntŭk drŏng păt play krăk ƀâu, Mâu geh du huê tâm phung ƀon lan gŭ ndrel ma Gâp ôh. Gâp jot jêh khân păng tâm nôk Gâp ji nuih, Jot nchah jêh khân păng ma nau Gâp ji nuih; Mham khân păng tâm ban ma dak krăk ƀâu mprănh ta bok ao Gâp Lĕ rngôch kho ao Gâp krêp mham da dê.

Malachi 4:3

Khân may mra jot phung djơh mhĭk, yorlah khân păng mra jêng buh tâm dâng mpang jâng khân may ta nar Gâp ƀư.” Brah Yêhôva ma phung tahan lah pônây.

Luka 21:24

Bu mra nkhĭt khân păng ma đao bu njŭn khân păng jêng bu nă tâm lĕ rngôch mpôl băl, jêh ri phung bu năch mra jot ƀon Yêrusalem tâm dâng jâng khân păng, tât rnôk phung bu năch mra ƀư lĕ.

Êphêsô 4:22

Pôri, khân may doh chalơi hom bunuyh ơm jêng ndơ nau rêh rnôk kăl e, ơm jêng tih mhĭk jêh yor lĕ nau kơnh ŭch mƀruh nchơt;

Êphêsô 5:6

Lơi ăn bu ndơm khân may ma nau mâu khlay ôh; yor bơh nau nây yơh nau Brah Ndu ji nuih nkhŭt tŭp ta noi deh mâu tông bâr.

II Timôthê 3:13

Ƀiălah phung janh ƀai, phung mƀruh mra lơ nar lơ hâu mhĭk lơn đŏng, ndơm mƀruh bu jêh ri bu ndơm mƀruh tay đŏng.

I Yôhan 2:21

Gâp nchih ma khân may, mâu di yorlah khân may mâu gĭt nau ngăn ôh, ƀiălah yor khân may gĭt nau ngăn jêh ri gĭt rbăng mâu geh ôh du ntil nau mƀruh tă bơh nau ngăn.

Nau Tâm Mpơl 14:20

Bu jot plên khân păng tâm thŭng mpet nây padih ƀon, jêh nây geh mham tă bơh thŭng mpet hoch luh; hao tât ta mbung seh, jêh ri lêng tât geh pe rhiăng kilômet.

Nau Tâm Mpơl 18:23

Nau ang kađen mâu mra nchrat ang ta ntŭk may đŏng; nteh maak ma ur sai mhe mâu mra hôm tăng ta ntŭk may đŏng, yorlah phung tăch rgâl may jêng phung bunuyh geh nau ktang ta neh ntu, jêh ri yorlah may dŏng nau ƀŭk rƀên gay ndơm mƀruh ma lĕ rngôch mpôl băl bunuyh.