Nau Mprơ Ơm 119:10 - Nau Brah Ndu Ngơi 2023

¹⁰ Kon tǐng joi May ma lĕ nuih n'hâm, Lơi ăn gâp der bơh nau vay May ntăm ôh.

Nau Mprơ Ơm 119:10 ပူးပေါင်းရင်းမြစ်များ

II Nau Rêh Jêng 15:15

Lĕ rngôch phung Yuđa hâk răm yor nau ton săk nây, yorlah khân păng ton săk jêh ma lĕ nuih n'hâm, tǐng joi Brah Yêhôva ma lĕ nau ktang jêh ri dơi mâp Păng. Brah Yêhôva ăn ma khân păng nau đăp mpăn tâm puăn mpeh.

Nau Mprơ Ơm 119:118

May dun lĕ rngôch phung hăn vĭ bơh nau vay May dăp, Yorlah nau ndơm mƀruh khân păng jêng dơm dam.

Nau Mprơ Ơm 119:133

Dăn mât mray jâng gâp nâp nhuat tâm nau May ngơi; Lơi dĭng ăn du ntil nau mhĭk chiă uănh gâp.

Nau Mprơ Ơm 119:176

Gâp vĭ trong nâm bu biăp hăn nhhơt trong; dăn May joi hom oh mon May, Yorlah gâp mâu chuêl ôh nau vay May ntăm.

Nau Mprơ Ơm 119:2

Ueh maak yơh phung djôt prăp nau Păng ntĭnh. Jêh ri tĭng joi Păng ma lĕ nuih n'hâm.

Nau Mprơ Ơm 119:21

May nduyh ma phung sưr jêng phung bu rtăp rak, Hăn der bơh lĕ nau vay ntăm bơh May.

Nau Mprơ Ơm 119:34

Dăn May ăn ma gâp nau gĭt rbăng gay gâp djôt prăp Jêh ri lĕ nuih n'hâm djôt prăp nau vay May.

Nau Mprơ Ơm 119:58

Gâp vơh vơl nau ueh May ma lĕ nuih n'hâm; Yô̆ nđach an ma gâp tĭng nâm nau May ngơi.

Nau Mprơ Ơm 119:69

Phung sưr sŏk nau ngơi mƀruh ƀư lư mhĭk ma gâp, Ƀiălah gâp mra djôt prăp nau May ntăm ma lĕ nuih n'hâm.

Nau Mprơ Ơm 125:5

Bi ma phung ŭch tĭng ndô̆ nau kue, Brah Yêhôva mra mprơh khân păng ndrel ma phung ƀư mhĭk. Ăn nau đăp mpăn gŭ ta phung Israel!

Nau Mprơ Ơm 23:3

Păng ăn gâp sĭt n'hâm suan Njŭn gâp hăn tâm trong sŏng srăng, Ma yor amoh Păng.

Nau Mprơ Ơm 78:37

Nuih n'hâm khân păng mâu jêng nâp ôh đah Brah Ndu, Khân păng mâu đŏng gŭ răp jăp đah nau Brah Ndu tâm rnglăp.

Nau Hôr 2:13

Jêh ri phung nây chalơi trong nau sŏng Ŭch hăn tĭng trong ngo klĕng;

Nau Hôr 21:16

Bunuyh vĭ nhhơt bơh trong gĭt mĭn Mra gŭ tâm mpôl phung khĭt.

Êsai 35:8

Ta nây, mra geh du trong toyh, Bu rnha păng jêng Trong Kloh Ueh. Phung ƀơ̆ ƀơch mâu mra hăn ta nây ôh, Ƀiălah păng prăp ma phung geh nau chuai. Mbu nơm hăn ta trong nây Nđâp tơlah rluk mâl ăt mâu vĭ nhhơt ôh.

Yêrêmi 3:10

Tât pônây jêh oh bu ur mâu răp jăp păng jêng Yuđa ăt mƀruh nchơt, mâu lĕ nuih n'hâm plơ̆ sĭt ndrel ma Gâp.” Brah Yêhôva lah pô aơ.

Êsêkiêl 34:6

Phung biăp Gâp nchah rai nhhơt ta klơ lĕ rngôch nâm jêh ri lĕ rngôch yôk prêh; phung biăp Gâp hăn nsong lam bri neh ntu, mâu geh bunuyh mray, mâu lĕ geh bunuyh tĭng joi.’

Ndrom Samƀŭt bơh Ôsê 10:2

Nuih n'hâm khân păng pă bar; Aƀaơ khân păng mra geh nau tih jêh. Kôranh Brah mra ƀư rai lơi nơng ƀư brah, Jêh ri ƀư rai n'gâng ƀư brah khân păng.

Mathay 6:24

“Mâu geh mbu nơm dơi pah kan ma bar hê kôranh; yorlah mra tâm rmot ma kôranh aơ jêh ri rŏng ma kôranh ri, mâu lah yơk ma kôranh aơ jêh ri mưch ma kôranh êng. Khân may mâu dơi ôh pah kan ƀă ma Brah Ndu jêh ri pah kan ƀă ma prăk ndô ndơ ôh.

Kôlôh 3:22

Hơi phung ƀư dĭk bu, tông bâr hom ma kôranh khân may ta neh ntu aơ tâm lĕ rngôch ndơ, mâu knŏng tông bâr tra năp măt khân păng, nâm bu nơm srôih ƀư maak nuih n'hâm bu, ƀiălah yor klach yơk ma Kôranh Brah, tông bâr ndrel ma nuih n'hâm nanê̆.

I Yôhan 2:15

Lơi rŏng ma neh ntu ôh ndrel ma lĕ ndơ tâm neh ntu. Tơlah du huê rŏng ma neh ntu nau Brah Ndu Mbơ̆ rŏng mâu gŭ tâm păng ôh.

I Samuel 7:3

Nôk nây, Y-Samuel lah ma lĕ rngôch ngih Israel: “Tơlah khân may plơ̆ sĭt tay ma Brah Yêhôva ma lĕ nuih n'hâm khân may, mƀăr lơi phung brah mâu năl jêh ri rup brah bu ur Astarôt tă bơh khân may. Mƀŏng hom nuih n'hâm khân may ma Brah Yêhôva jêh ri knŏng pah kan du huê Păng dơm, ri mơ Păng mra tâm rklaih khân may tă bơh ti phung Philistin.”