Nau Mprơ Ơm 118:7 - Nau Brah Ndu Ngơi 2023

⁷ Brah Yêhôva koh dŏng gâp; Păng jêng Nơm kơl gâp. Gâp mra saơ nau roh rai ma phung tâm rmot ma gâp.

Nau Mprơ Ơm 118:7 ပူးပေါင်းရင်းမြစ်များ

I Nau Rêh Jêng 12:18

Nôk nây, Huêng Brah nkŭm Y-Amasai, jêng kôranh ma phung pe jât bunuyh nây, ƀư ăn ma păng lah: “Hơi Y-Đavit, hên jêng phung may; Hơi kon bu klâu Y-Yêsê, hên gŭ mpeh ma may! Nau đăp mpăn, nau đăp mpăn ma may; Nau đăp mpăn ma phung kơl may! Yorlah Brah Ndu may kơl may!” Pônây Y-Đavit rom khân păng jêh ri njêng khân păng chiă uănh ma phung tahan păng.

Nau Mprơ Ơm 112:8

Nuih n'hâm păng jêng nâp mâu mâp klach ôh, Kŏ tât păng saơ lĕ phung rlăng ma păng roh rai.

Nau Mprơ Ơm 54:4

Aơ, Brah Ndu kơl gâp, May jêng Nơm kuăn rdâng huêng gâp.

Nau Mprơ Ơm 54:6

Ơ Brah Yêhôva, gâp mra nhhơr ma May ndơ ƀư brah sân săk; Gâp mra tâm rnê lah ueh ma amoh May Yorlah nau nây jêng nau ueh.

Nau Mprơ Ơm 54:7

Yorlah May tâm rklaih gâp bơh lĕ rngôch nau rêh ni; Măt gâp saơ bu har plơng bôk phung rlăng đah gâp.

Nau Mprơ Ơm 55:18

Păng tâm rklaih nau rêh gâp tâm đăp mpăn tă bơh nau tâm lơh. Nđâp tơlah phung tâm lơh đah gâp âk ngăn.

Nau Mprơ Ơm 59:10

Brah Ndu mra sŏk nau ueh Păng gay ma vơt rom gâp; Brah Ndu mra ăn gâp saơ bu plơng ma phung rlăng gâp.

Nau Mprơ Ơm 59:11

Ơ Kôranh Brah, jêng khêl ma hên! Lơi ta nkhĭt ro ma khân păng, klach lah phung ƀon lan May gơnh chuêl nau May yô̆; Sŏk hom nau brah May ƀư ma khân păng du pru pra Jêh ri ƀư rai khân păng.

Nau Mprơ Ơm 92:11

Măt gâp saơ jêh bu rmal phung rlăng gâp Jêh ri tôr gâp tăng nau bu har plơng ma phung ƀư mhĭk đah gâp.

Êsai 41:13

Yorlah Gâp jêng Yêhôva Brah Ndu may, Nơm kuăn ti ma may Jêh ri lah ma may pô aơ: “Lơi klach ôh, Gâp yơh mra kơl may.”