Nau Mprơ Ơm 118:6 - Nau Brah Ndu Ngơi 2023

⁶ Brah Yêhôva gŭ koh dŏng gâp, gâp mâu mra klach ôh, Moh bunuyh dơi mra ƀư ma gâp?

Nau Mprơ Ơm 118:6 ပူးပေါင်းရင်းမြစ်များ

Nau Mprơ Ơm 112:8

Nuih n'hâm păng jêng nâp mâu mâp klach ôh, Kŏ tât păng saơ lĕ phung rlăng ma păng roh rai.

Nau Mprơ Ơm 146:5

Ueh maak yơh ma nơm geh Brah Ndu Yakôb jêng nơm kơl păng, N'gân nau păng kâp gân tâm Yêhôva Brah Ndu!

Nau Mprơ Ơm 23:4

Nđâp tơlah gâp hăn tâm rlŭng gui nau khĭt Gâp mâu hôm klach du ntil nau mhĭk ôh, Yorlah Kôranh Brah gŭ ndrel ma gâp; Mâng kanuăk jêh ri mâng jra Kôranh Brah Bonh leng gâp.

Nau Mprơ Ơm 46:1

Brah Ndu jêng ntŭk mbe krap jêh ri nau ktang hên, Păng kơl tâm lĕ nau rêh ni.

Nau Mprơ Ơm 46:11

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Nau Mprơ Ơm 56:10

Gâp rnơm nsing ma Brah Ndu jêh ri mprơ tâm rnê nau Păng ngơi; Gâp rnơm nsing ma Brah Yêhôva jêh ri mprơ tâm rnê nau Păng ngơi.

Nau Mprơ Ơm 56:11

Gâp dơm lĕ nau rnơm tâm Brah Ndu, yor nây mâu klach ôh; Kon bunuyh nglay săk moh ndơ mra dơi ƀư ma gâp?

Nau Mprơ Ơm 56:12

Ơ Brah Ndu, gâp mra ƀư lĕ nau gâp ton đah May; Gâp mra nhhơr ndơ ƀư brah tâm rnê lah ueh ma May.

Nau Mprơ Ơm 56:4

Kon rnơm ma Brah Ndu mprơ tâm rnê ma nau Păng ngơi; Gâp dơm lĕ nau rnơm tâm Brah Ndu yor nây mâu hôm klach ôh. Bunuyh tâm nglay săk, moh ndơ dơi ƀư ma gâp?

Nau Mprơ Ơm 56:5

Ăp nar khân păng ngơi ƀrôk lĕ nau gâp ngơi, Khân păng ŭch nchră mĭn ƀaƀơ gay ƀư mhĭk ma gâp.

Nau Mprơ Ơm 56:9

Tâm nar gâp kuăl dăn, Phung rlăng đah gâp mra rŭch du; Gâp gĭt nau nây yor Brah Ndu koh dŏng gâp.

Nau Mprơ Ơm 94:16

Mbu mra dâk yor ma gâp, tâm rdâng ma phung ƀai? Mbu nơm dâk koh dŏng gâp, tâm rdâng đah phung janh ƀai?

Êsai 51:12

“Gâp, Gâp yơh jêng Nơm bonh khân may. Mbu nơm may dĭng may klach ma bunuyh blau khĭt, Klach phung kon bunuyh jêng phung mra tâm ban ma gơ̆?

Yêrêmi 20:11

Ƀiălah Brah Yêhôva gŭ ndrel ma gâp nâm bu du huê tahan janh ktang ma klach ngăn; Yor nây phung ƀư mhĭk ma gâp mra chêh prah, Mâu mra dơi đah gâp ôh. Khân păng mâu mra dơi ôh Jêh ri prêng hâu ngăn ngên, Nau prêng n'ho ro, Mâu dơi chuêl ôh.

Samƀŭt Pôl Njuăl Ăn Ma Phung Nsing Ta Ƀon Rôm 8:31

Pôri, moh nau he mra lah ma lĕ nau nây? Tơlah Brah Ndu gŭ mpeh ma he, mbu mra tâm rdâng đah he?

ហេឞ្រើ 13:6

Pôri, he dơi janh lah: “Kôranh Brah kơl gâp, gâp mâu mra klach ôh. Moh bunuyh dơi ƀư ma gâp.”

I Samuel 17:11

Y-Sôl jêh ri lĕ rngôch phung Israel tăng lĕ nau ngơi bơh bu klâu Philistin, khân păng krit kir jêh ri klach hâu ngăn.

I Samuel 17:37

Y-Đavit lah tay: “Brah Yêhôva rklaih jêh gâp tă bơh nheh yau mŭr jêh ri nheh kau, Păng tâm ban đŏng mra tâm rklaih gâp tă bơh ti phung Philistin aơ.” Y-Sôl lah ma Y-Đavit: “Hăn hom, ăn Brah Yêhôva gŭ ndrel ma may!”