Nau Mprơ Ơm 118:17 - Nau Brah Ndu Ngơi 2023

¹⁷ Gâp mâu mra khĭt ôh ƀiălah dơi rêh Gay gâp mra mbơh lĕ kan Brah Yêhôva.

Nau Mprơ Ơm 118:17 ပူးပေါင်းရင်းမြစ်များ

Nau Mprơ Ơm 107:22

Ăn khân păng nhhơr ndơ ƀư brah nau tâm rnê lah ueh, Jêh ri nkoch bri lĕ kan Păng ma nau mprơ răm maak.

Nau Mprơ Ơm 119:13

Gâp dŏng bâr mbung gâp nkoch tay Lĕ nau vay ƀư bâr mbung May ntăm.

Nau Mprơ Ơm 145:4

Rơh bunuyh aơ tât rơh bunuyh ri mra tâm rnê ma kan May, Jêh ri mra mbơh lĕ nau kan brah May.

Nau Mprơ Ơm 40:10

Gâp mâu pôn ôh nau sŏng srăng May tâm nuih n'hâm gâp; Gâp mbơh jêh nau răp jăp jêh ri nau yô̆ ma nau May tâm rklaih; Gâp mâu pôn ôh nau ueh jêh ri nanê̆ May, Ma phung tâm rƀŭn âk.

Nau Mprơ Ơm 40:5

Ơ Brah Yêhôva Brah Ndu gâp, Nau kan khlay ngăn ngên jêh ri lĕ nau mĭn May ŭch ăn ma hên âk ngăn, Mâu geh nơm dơi rđĭl đah May; Tơlah gâp ŭch mbơh jêh ri nkoch tay lĕ kan nây, Geh âk ngăn, mâu dơi kơp ôh.

Nau Mprơ Ơm 6:5

Yor tâm nau khĭt mâu hôm bunuyh kah gĭt ma Kôranh Brah; Ƀon phung khĭt mbu mra tâm rnê lah ueh ma May?

Nau Mprơ Ơm 73:28

Ƀiălah ueh maak ngăn ma gâp dơi văch dăch ma Brah Ndu; Gâp săch Kôranh Brah Yêhôva ƀư ntŭk gâp gŭ krap, Gay nkoch bri lĕ rngôch kan May.

Yêrêmi 51:10

‘Brah Yêhôva koh dŏng ăn ma he. Văch hom, ăn he mbơh nkoch tâm ƀon Siôn Nau kan Yêhôva Brah Ndu he.’

Habakuk 1:12

Ơ Yêhôva Brah Ndu, Jêng Nơm Kloh Ueh gâp! Mâm mâu di May ơm geh ntơm bơh saơm n'ho ro mâu blau lôch? Pôri, hên mâu ôh mra khĭt! Ơ Brah Yêhôva, May hŏ săch jêh phung ƀon lan nây gay prăp ma nau phat dôih. Ơ Kôranh Brah jêng Lŭ Toyh, May hŏ ndâk jêh khân păng gay ma tâm rmal!

Yôhan 11:4

Ƀiălah dôl Brah Yêsu tăng nau nây Păng lah: “Nau ji nây mâu ir tât khĭt ôh, ƀiălah gay geh nau chrêk rmah ma Brah Ndu, gay ma Kon Brah Ndu geh nau tâm rnê yor nau nây.”