Nau Mprơ Ơm 118:15 - Nau Brah Ndu Ngơi 2023

¹⁵ Tâm ngih bok phung sŏng srăng geh nteh răm maak ma nau tâm rklaih: “Ti ma Brah Yêhôva ƀư lĕ kan toyh;

Nau Mprơ Ơm 118:15 ပူးပေါင်းရင်းမြစ်များ

Nau Mprơ Ơm 111:2

Kan Brah Yêhôva jêng dŭt toyh ngăn; Lĕ rngôch phung rŏng ma păng tĭng joi kan nây.

Nau Mprơ Ơm 119:111

Nau May ntĭnh jêng drăp ndơn ma gâp ƀaƀơ, Yorlah khân păng jêng nau maak ma nuih n'hâm gâp.

Nau Mprơ Ơm 119:54

Nau vay dăp bơh May jêng nau gâp mprơ, Tâm nau rêh gâp jêng bu năch.

Nau Mprơ Ơm 32:11

Hơi phung sŏng srăng, răm rhơn hom jêh ri hâk maak tâm Brah Yêhôva! Hơi lĕ rngôch mbu geh nuih n'hâm sŏng, nter maak hom!

Nau Mprơ Ơm 44:3

Yorlah mâu yor ma đao khân păng dơi geh n'gor, Mâu lĕ yor ma ti khân păng dơi jêh, Ƀiălah yor ti ma May, Nting tur ti jêh ri ma nau ang muh măt May yơh, Yorlah May rŏng ma khân păng.

Nau Mprơ Ơm 45:4

Yorlah nau ngăn, nau rdơ̆ rbăn jêh ri nau sŏng srăng, Ăn nsoh hom nau hit rnam may, ncho ndeh hăn tât ma nau dơi; Ti ma may ƀư lĕ kan khư nau bu yơk.

Nau Mprơ Ơm 5:12

Ơ Brah Yêhôva, yorlah May yơh mra ăn nau ueh uĭn ma phung sŏng srăng, Sŏk nau rŏng Kôranh Brah nkŭm nking bunuyh nây nâm bu khêl.

Nau Mprơ Ơm 60:12

Rnơm Brah Ndu, phung kon mra dơi đah tâm lơh toyh; Yorlah Păng yơh mra jot plên phung rlăng đah hên.

Nau Mprơ Ơm 68:3

Ƀiălah phung sŏng srăng mra răm maak, Hâk maak tanăp măt Brah Ndu; Ăn khân păng maak, răm rhơn.

Nau Mprơ Ơm 89:13

May geh nting tur ti brah toyh, Ti May geh nau ktang jêh ri ti ma May yơr prêh klơ.

Nau Mprơ Ơm 98:1

Mprơ hom ma Brah Yêhôva nau mprơ mhe, Yorlah Păng ƀư jêh nau mbên khlay. Ti ma jêh ri nting tur kloh ueh Păng Djôt jêh nau dơi ma Păng.

Nau Ngluh Êjipt 15:6

Ơ Brah Yêhôva! Ti ma May chrat ang nau rnam. Ơ Brah Yêhôva! Ti ma May ƀư rai jêh phung rlăng.

Êsai 65:13

Yor nây, Kôranh Brah Yêhôva lah: “Aơ, phung oh mon Gâp mra sông sa, Bi khân may mra ji ngot; Aơ, phung oh mon Gâp mra nhêt, Bi khân may mra ji hir; Aơ, phung oh mon Gâp mra maak, Bi khân may mra geh nau bêk;

Luka 1:51

Păng hŏ dŏng ti Păng ƀư lĕ nau kan nau brah; Ƀư nchah rai pru pra phung geh nau mĭn sưr rlau tâm nuih n'hâm.

Kôranh Oh Mon 16:34

Kôranh ndrung jă bar hê khân păng lăp tâm ngih păng jêh ri nkra nau sông sa ma khân păng. Păng ndrel ma rnăk vâl răm maak ngăn, yorlah hŏ chroh jêh ma Brah Ndu.

Nau Vay Nkah Tay 12:12

Khân may mra hâk răm tanăp măt Yêhôva Brah Ndu nđâp ma phung kon bu klâu, phung kon bu ur, phung kơl kan bu klâu, phung kơl kan bu ur khân may, jêh ri nđâp ma phung Lêvi gŭ tâm ƀon toyh khân may, yorlah khân păng bu mâu geh ôh mâu lah dơn drăp ndơn ndrel ma khân may.

Nau Tâm Mpơl 18:20

Hơi trôk, răm maak hom yorlah păng! Hơi phung kloh ueh, phung kôranh oh mon, jêh ri phung nơm mbơh lor răm maak hom đŏng! Yorlah Brah Ndu tâm rmal jêh păng tĭng nâm nau păng ƀư jêh đah khân may!”