Nau Mprơ Ơm 116:9 - Nau Brah Ndu Ngơi 2023

⁹ Gâp mra hăn tanăp măt Brah Yêhôva Ta neh phung rêh.

Nau Mprơ Ơm 116:9 ပူးပေါင်းရင်းမြစ်များ

Nau Ntơm 17:1

Rnôk Y-Abram geh sĭn jât msĭn năm, Brah Yêhôva tâm mpơl đah păng jêh ri lah ma păng: “Gâp jêng Brah Ndu Geh Lĕ Nau Brah; ăn may hăn hom tanăp măt Gâp jêh ri gŭ rêh ueh sŏng srăng ngăn.

I Phung Hađăch 2:4

Nâm bu pônây, Brah Yêhôva mra ƀư tât di ngăn nau Păng ngơi jêh ma gâp pô aơ: ‘Tơlah phung kon sau may njrăng ma trong khân păng nơm, lĕ nuih n'hâm, lĕ huêng hăn tâm nau răp jăp tanăp măt Gâp, may mâu mra pưt ôh du huê nuyh gŭ ta sưng hađăch phung Israel.’

I Phung Hađăch 8:25

Pôri aƀaơ, ơ Yêhôva jêng Brah Ndu phung Israel! Dăn djôt prăp hom nau Kôranh Brah hŏ ton đah oh mon May jêng Y-Đavit, mbơ̆ gâp, pô aơ: ‘Tơlah phung kon sau may njrăng tâm trong khân păng nơm, chuat hăn tanăp Gâp nâm bu may hŏ chuat hăn jêh, pôri tanăp Gâp, may mâu mra pưt ôh du huê bunuyh gŭ ta sưng hađăch phung Israel.’

I Phung Hađăch 9:4

Bi ma may, tơlah may chuat hăn panăp Gâp nâm bu Y-Đavit, mbơ̆ may, hŏ chuat hăn jêh, ma lĕ nuih n'hâm n'hêl nanê̆ jêh ri sŏng ƀư di tĭng lĕ rngôch nau Gâp ntăm jêh ma may, djôt prăp lĕ nau vay dăp jêh ri lĕ nau vay ƀư bơh Gâp,

Nau Mprơ Ơm 27:13

Gâp gĭt nanê̆ mra saơ nau ueh Brah Yêhôva Tâm neh phung rêh.

Nau Mprơ Ơm 61:7

Ăn păng gŭ ta sưng hađăch ƀaƀơ tanăp Brah Ndu; Dăn May ntrŭnh nau ueh jêh ri nau nanê̆ ngăn May mât mray păng.

Êsai 53:8

Bu hŏ tŭn jot Păng, phat dôih jêh ri nkhĭt lơi Păng. Tâm phung rêh rơh Păng, mâu geh du huê mĭn rvê Bu hŏ dong rmal Păng jêh ri sŏk lơi bơh neh phung rêh Yor ma nau tih phung ƀon lan Gâp?

Luka 1:6

Lĕ bar hê jêng bunuyh sŏng srăng tanăp Brah Ndu, tông djôt prăp lĕ nau vay jêh ri tĭng nau ntĭm Kôranh Brah ntăm nŭm rĭng ngăn.

Luka 1:75

Tâm nau kloh ueh jêh ri nau sŏng srăng Tanăp Păng lôch du njăr rêh he.