Nau Mprơ Ơm 116:13 - Nau Brah Ndu Ngơi 2023

¹³ Gâp mra sŏk kachok nau tâm rklaih Jêh ri kuăl mbơh sơm ma amoh Brah Yêhôva.

Nau Mprơ Ơm 116:13 ပူးပေါင်းရင်းမြစ်များ

Nau Mprơ Ơm 105:1

Mprơ tâm rnê hom ma Brah Yêhôva jêh ri kuăl mbơh sơm ma amoh Păng! Mbơh hom nau kan Păng ta nklang phung mpôl băl bunuyh!

Nau Mprơ Ơm 116:17

Gâp mra nhhơr ma May ndơ nhhơr tâm rnê May. Jêh ri gâp mra kuăl mbơh sơm ma amoh Brah Yêhôva.

Nau Mprơ Ơm 116:2

Gâp mra kuăl mbơh sơm ma Păng lôch nau rêh gâp Yorlah Păng rkêng jêh tôr Păng ma gâp.

Nau Mprơ Ơm 16:5

Brah Yêhôva jêng drăp ndơn jêh ri jêng kachok gâp; Păng yơh chiă uănh jêng drăp ndơ gâp

Nau Mprơ Ơm 80:18

Jêh nây hên mâu mra du bơh May đŏng ôh; Dăn ƀư ma hên dơi dâk rêh tay, pôri hên mra kuăl amoh May.

Êsai 12:4

Tâm nar nây, khân may mra lah pô aơ: “Tâm rnê lah ueh hom ma Brah Yêhôva, Kuăl mbơh sơm ma amoh Păng; Ăn phung ndŭl mpôl bunuyh gĭt lĕ kan Păng ƀư; Nkah hom ăn khân păng kah gĭt amoh Păng geh nau yơk.

Luka 22:20

Nôk sông sa lôch jêh, Păng ƀư kơt nây đŏng, sŏk kachok ăn ma phung oh mon jêh ri lah: “Kachok aơ jêng nau tâm rnglăp mhe tâm mham Gâp nkhŭt jêh yor khân may.

I Kôrintô 10:16

Kachok nau ueh maak he lah ueh, mâu di hĕ păng jêng geh du kô̆ tâm mham Brah Krist? Piăng let he nkê̆ch nây mâu di hĕ jêng du kô̆ tâm săk jăn Brah Krist?

I Kôrintô 10:21

Khân may mâu dơi nhêt kachok Kôranh Brah jêh ri nhêt đŏng kachok phung brah mhĭk. Khân may mâu dơi râng nhêt sông Kôranh Brah jêh ri râng nhêt sông phung brah mhĭk.