Nau Mprơ Ơm 116:1 - Nau Brah Ndu Ngơi 2023

¹ Gâp rŏng ma Brah Yêhôva Yorlah Păng iăt bâr gâp jêh ri nau gâp vơh vơl.

Nau Mprơ Ơm 116:1 ပူးပေါင်းရင်းမြစ်များ

Nau Ntơm 35:2

Y-Yakôb lah ma ngih păng jêh ri lĕ rngôch phung hăn ndrel ma păng: “Chalơi hom lĕ rup brah bu năch luh bơh khân may. Ƀư kloh hom khân may nơm jêh ri rgâl lơi kho ao khân may.

I Phung Hađăch 9:3

Brah Yêhôva lah ma păng pô aơ: “Gâp hŏ tăng jêh nau mbơh sơm jêh ri nau may ŭch dăn tanăp măt Gâp. Gâp prăp êng jêh ngih kloh ueh brah may hŏ ndâk, jêh ri dơm amoh Gâp ta nây n'ho ro. Măt jêh ri nuih n'hâm Gâp mra gŭ ta nây mro mrăng.

Nau Mprơ Ơm 119:132

Dăn May n'gĭl uănh jêh ri yô̆ nđach ma gâp, Tĭng nâm nau May vay ƀư đah phung rŏng ma amoh May.

Nau Mprơ Ơm 28:6

Mât ton tâm rnê ma Brah Yêhôva! Yor Păng hŏ tăng jêh nau bâr gâp kuăl vah vơl.

Nau Mprơ Ơm 40:1

Gâp srôih kâp gân Brah Yêhôva, Păng rkêng tôr iăt bâr gâp kuăl dăn.

Nau Mprơ Ơm 69:33

Yorlah Brah Ndu iăt nau phung pưt kƀah, Jêh ri păng mâu tâm rmot ma gâp phung ƀon lan May dôl gŭ tâm ndrung.

Êsai 38:15

Moh gâp dơi lah? Yorlah May hŏ ngơi jêh đah gâp May nơm yơh ƀư jêng nau aơ. Du bông nau rêh, gâp mra chuat tâm nau dêh rhêt Yor nau rngot bêng tâm huêng gâp.

Nau Nhĭm Vơl 3:56

May tăng jêh nau gâp, Lơi ta nsêt ôh trôm tôr bơh nau gâp nter dăn nau kơl.

Yônais 2:3

Păng lah: “Gâp mâp nau mhĭk kuăl mbơh sơm ma Brah Yêhôva Jêh ri Păng hŏ plơ̆ lah ma gâp Tă bơh tâm trôm ndŭl ƀon phung khĭt, gâp nter lah Pôri Păng hŏ tăng jêh bâr gâp.

Nau Kơp Bunuyh 21:3

Brah Yêhôva dơn nau phung ƀon lan Israel jêh ri jao phung ƀon lan Kanaan tâm ti khân păng. Khân păng ƀư rai lĕ phung ƀon lan nây jêh ri lĕ ƀon khân păng, pônây bu ntơ ntŭk nây jêng Hôrma.

Markôs 12:33

N'hêl nanê̆ ngăn, yơk rŏng ma Kôranh Brah ma lĕ nuih n'hâm, ma lĕ nau mĭn, ma lĕ n'hâm suan, jêh ri yơk rŏng ma phung chiau meng nâm bu he nơm, jêng khlay rlau lơn ma nau kan nhhơr lĕ rngôch ndơ ƀư brah gŭch jêh ri ndơ ƀư brah êng.”

Yôhan 16:24

Tât aƀaơ, khân may ê hŏ dăn moh ndơ ôh tâm amoh Gâp. Dăn hom, khân may mra dơi geh, gay ma nau maak khân may dơi rĭng.

Yôhan 21:17

Brah Yêsu ôp đŏng ma păng rơh pe: “Y-Simôn kon Y-Yôhan, may rŏng lĕ ma Gâp?” Y-Pêtrôs rngot yor Brah Yêsu ôp păng tât pe tơ̆: “May rŏng lĕ ma Gâp?” Păng ơh pô aơ: “Ơ Kôranh Brah ơi, May gĭt lĕ rngôch ndơ; May gĭt jêh gâp rŏng ma May.” Brah Yêsu lah ma păng: “Mât mray hom phung biăp Gâp.

I Yôhan 4:19

He rŏng yorlah Kôranh Brah rŏng jêh ma he lor.

I Samuel 1:26

Păng lah: “Hơi kôranh gâp! Gâp sŏk nau rêh may gay ton pô aơ, gâp jêng bu ur nơm dâk jêh ta aơ, êp kêng may, gay mbơh sơm ma Brah Yêhôva.