Nau Mprơ Ơm 115:15 - Nau Brah Ndu Ngơi 2023

¹⁵ Dăn Brah Yêhôva jêng Nơm rhăk jêh trôk jêh ri neh ntu. Ăn nau ueh uĭn ma khân may.

Nau Mprơ Ơm 115:15 ပူးပေါင်းရင်းမြစ်များ

Nau Ntơm 1:1

Ntơm saơm, Brah Ndu rhăk njêng trôk jêh ri neh.

Nau Ntơm 14:19

jêh ri ăn nau ueh uĭn ma Y-Abram. Păng lah: “Dăn ma Brah Ndu Dŭt Prêh, Nơm rhăk njêng trôk jêh ri neh ntu, Ăn nau ueh uĭn ma Y-Abram!

Nau Mprơ Ơm 121:2

Nau kơl gâp luh bơh Brah Yêhôva; Jêng Nơm rhăk njêng trôk jêh ri neh ntu.

Nau Mprơ Ơm 124:8

Nau kơl an ma he gŭ tâm amoh Brah Yêhôva, Jêng Nơm rhăk njêng trôk jêh ri neh ntu.

Nau Mprơ Ơm 134:3

Dăn ma Brah Yêhôva jêng Nơm rhăk njêng trôk jêh ri neh ntu, Tă bơh Siôn ăn nau ueh uĭn ma may!

Nau Mprơ Ơm 3:8

Nau tâm rklaih jêng Brah Yêhôva. Dăn Kôranh Brah ăn nau ueh uĭn ma phung ƀon lan May! (Sêla)

Nau Mprơ Ơm 96:5

Yorlah lĕ rngôch brah phung ăp mpôl bunuyh jêng rup brah, Bi Brah Yêhôva rhăk jêh lĕ ndâr trôk.

Kôranh Oh Mon 14:15

“Hơi phung bunuyh! Mâm ƀư khân may ƀư pônây? Hên knŏng jêng kon bunuyh, tâm ban ma khân may lĕ. Hên mbơh nkoch Nau Mhe Mhan Ueh gay ma khân may chalơi phung brah dơm dam ri jêh ri plơ̆ sĭt ma Brah Ndu rêh mro mrăng, jêng Nơm rhăk njêng trôk, neh ntu, dak mƀŭt, jêh ri lĕ rngôch mpa tâm nây.

I Pêtrôs 3:9

Lơi sŏk nau mhĭk mplơ̆ sĭt nau mhĭk mâu lah sŏk nau rak rtăp mplơ̆ sĭt nau rak rtăp; ƀiălah, ăn hom nau ueh uĭn, yorlah nây khân may geh nau kuăl, gay ma khân may dơn nau ueh lăng.

Nau Tâm Mpơl 14:7

Tông mpăr ngơi huy pô aơ: “Klach yơk hom ma Brah Ndu jêh ri tâm rnê Păng, yor mông Păng phat dôih tât jêh. Yơk mbah hom ma Nơm rhăk njêng trôk, neh ntu, dak mƀŭt jêh ri lĕ tu dak.”