Nau Mprơ Ơm 115:14 - Nau Brah Ndu Ngơi 2023

¹⁴ Dăn Brah Yêhôva ăn bĭk nau ueh ma khân may, Ma khân may jêh ri ma phung kon sau khân may.

Nau Mprơ Ơm 115:14 ပူးပေါင်းရင်းမြစ်များ

Nau Ntơm 13:16

Gâp mra ƀư ma noi deh may jêng âk tâm ban ndruyh klơ neh; tơlah mbu nơm dơi kơp ndruyh klơ neh ri mơ dơi kơp đŏng noi deh may.

Nau Ntơm 17:7

Gâp mra njêng nau tâm rnglăp đah may jêh ri đah noi deh kon sau may bơh rô̆ aơ tât rô̆ êng; yorlah aơ jêng nau tâm rnglăp n'ho ro gay Gâp jêng Brah Ndu may jêh ri mpeh noi deh may.

II Samuel 24:3

Ƀiălah Y-Jôap lah ma hađăch: “Dăn ma Yêhôva Brah Ndu hađăch ƀư ma phung ƀon lan ntop du rhiăng tơ̆ âk lơn ma aƀaơ ri, jêh ri măt hađăch jêng kôranh gâp ăt hôm e saơ nau ntop âk nây! Ƀiălah mâm ƀư hađăch jêng kôranh gâp ŭch ƀư tay nau aơ?”

Êsai 27:6

Tât mông Yakôb mra hon reh, Israel geh rmlom jêh ri dang kao, Jêh ri khân păng mra play bêng klơ neh.

Êsai 56:8

Kôranh Brah jêng Brah Yêhôva, Nơm tâm rƀŭn phung Israel nchah rai pru pra jêh, lah pô aơ: ‘Đơ phung hŏ tâm rƀŭn jêh, Gâp mra tâm rƀŭn phung êng đŏng plơ̆ sĭt ma păng.’”

Yêrêmi 30:19

Tă bơh ntŭk khân păng tăng nau mprơ tâm rnê Jêh ri bâr troh maak phung răm rhơn. Gâp mra ăn khân păng âk lơn, mâu di hŭch ôh Gâp mra ƀư đŏng khân păng dơi geh nau bu yơk, mâu hôm jêng jê̆ ôh.

Yêrêmi 33:22

Bu mâu dơi kơp ôh lĕ mănh klơ trôk jêh ri mâu dơi nhueh lĕ ôh choih tâm dâng dak mƀŭt; Gâp mra ƀư tâm lĕ ăn ma phung kon sau Y-Đavit, oh mon Gâp, jêh ri phung kon sau Lêvi, phung pah kan ma Gâp, bĭk rơ̆ tâm ban pônây.’”

Ndrom Samƀŭt bơh Ôsê 1:10

“Ƀiălah rnoh kơp phung kon sau Israel mra âk nâm bu choih dak mƀŭt, mâu dơi nhueh, mâu lĕ dơi kơp ôh. Ta ntŭk khân păng tăng bu lah: ‘Khân may mâu di phung ƀon lan Gâp,’ mra tăng đŏng: ‘Khân may jêng kon Brah Ndu gŭ rêh mro mrăng.’

Sakari 10:8

Gâp mra kuăl khân păng jêh ri rgum tay khân păng, Yorlah Gâp hŏ tâm chuai jêh khân păng; Jêh ri khân păng mra jêng bĭk rơ̆ nâm bu kăl e.

Kôranh Oh Mon 2:39

Yorlah nau ton nây prăp ma khân may, ma phung kon sau khân may, jêh ri ma lĕ rngôch bunuyh gŭ ngai, jêng lĕ rngôch bunuyh Kôranh Brah jêng Brah Ndu he mra kuăl.”

Kôranh Oh Mon 3:25

Khân may jêng kon sau phung nơm mbơh lor jêh ri nau tâm rnglăp Brah Ndu hŏ ƀư jêh đah phung chô yau he dôl Păng lah ma Y-Abraham: ‘Lĕ rngôch mpôl băl bunuyh ta klơ neh ntu mra geh nau ueh uĭn tă bơh noi deh may.’

Nau Vay Nkah Tay 1:11

Dăn ma Yêhôva Brah Ndu phung chô yau khân may ƀư bĭk rnoh bunuyh khân may jêng âk lơn rbăn tơ̆ jêh ri ăn nau ueh uĭn ma khân may tĭng nâm Păng hŏ ton jêh ma khân may.

Nau Tâm Mpơl 7:4

Gâp tăng rnoh bunuyh geh tâp pŏng jêng: Du rhiăng puăn jât ma puăn rbăn nuyh. Phung bunuyh geh tâp pŏng ntơm bơh lĕ rngôch phung ndŭl mpôl Israel:

Nau Tâm Mpơl 7:9

Jêh nau nây gâp uănh, ri, geh du mpôl bunuyh âk ngăn mâu hôm dơi kơp ôh, bơh lĕ rngôch lĕ bri dak, lĕ rngôch ndŭl mpôl, lĕ rngôch ƀon lan, lĕ rngôch nau ngơi, dâk tanăp sưng hađăch jêh ri tanăp Kon Biăp, nsoh jêh ao jong nglang, ti djôt n'ha đung.