Nau Mprơ Ơm 115:1 - Nau Brah Ndu Ngơi 2023

¹ Ơ Brah Yêhôva, yor nuih n'hâm ueh jêh ri nau răp jăp May, Nau chrêk rmah mâu jêng ndơ ma hên, mâu jêng ndơ ma hên. Ƀiălah khư jêng ndơ ma amoh May yơh!

Nau Mprơ Ơm 115:1 ပူးပေါင်းရင်းမြစ်များ

Nau Mprơ Ơm 138:2

Gâp mra yơk mbah mpeh ma ngih brah kloh ueh May, Lah ueh ma amoh May yor nuih n'hâm ueh jêh ri nau răp jăp May. Yorlah Kôranh Brah hŏ ƀư ma nau May ngơi jêh ri amoh May Dơi geh nau yơk lơn đah lĕ rngôch.

Nau Mprơ Ơm 61:7

Ăn păng gŭ ta sưng hađăch ƀaƀơ tanăp Brah Ndu; Dăn May ntrŭnh nau ueh jêh ri nau nanê̆ ngăn May mât mray păng.

Nau Mprơ Ơm 74:22

Ơ Brah Ndu, dâk hăn hom koh dŏng nau May ngơi. Ăn kah gĭt tay ma phung rluk suai rak May ăp nar.

Nau Mprơ Ơm 96:8

Mplơ̆ hom nau chrêk rmah ma Brah Yêhôva tâm di ma amoh Păng. Djôt leo hom ndơ ƀư brah lăp tâm nkual Păng.

Êsai 48:11

Yor ma Gâp nơm, yor ma Gâp nơm yơh, Gâp mra ƀư nau nây, Mâm ƀư Gâp ăn bu ƀư ƀơ̆ amoh Gâp? Gâp mâu mra ăn ôh nau chrêk rmah Gâp ma brah êng.

Êsêkiêl 20:14

Ƀiălah Gâp hŏ ƀư yor amoh Gâp gay ma amoh nây bu mâu ƀư ƀơ̆ tanăp phung ƀon lan êng, jêng phung ƀon lan hŏ saơ jêh Gâp leo khân păng du luh tă bơh khân păng.

Êsêkiêl 36:22

Yor nây, lah hom ma ngih Israel pô aơ: ‘Kôranh Brah Yêhôva lah: Hơi ngih Israel, mâu di yor ma khân may dĭng Gâp ƀư nau nây, ƀiălah yor amoh kloh ueh Gâp khân may hŏ ƀư mhĭk jêh tâm nklang lĕ phung ƀon lan jêng ntŭk khân may hŏ tât.

Êsêkiêl 36:32

Kôranh Brah Yêhôva lah: ‘Mâu di yor khân may dĭng Gâp ƀư nâm pônây, ăn khân may gĭt nau nây. Hơi ngih Israel, ăn khân may saơ nau bêk prêng jêh ri đit ngăn yor trong khân may nơm!’

Daniel 9:19

Ơ Kôranh Brah, iăt hom! Ơ Kôranh Brah, yô̆ an hom! Ơ Kôranh Brah, uănh ntreng hom jêh ri ƀư! Ơ Brah Ndu gâp, yor amoh May, lơi ta rlu; yorlah ƀon May jêh ri phung ƀon lan May dơi rnha jêh ma amoh May!”

Mika 7:20

May mra tâm mpơl nau răp jăp ngăn ma Y-Yakôb Jêh ri nau ueh ăn ma Y-Abraham, Jêng nau May sơm ton ma phung chô yau hên Ntơm bơh rnôk saơm.

Yôhan 1:17

Yorlah nau vay dơi mbơh tă bơh Y-Môis, ƀiălah nau yô̆ jêh ri nau ngăn tât tă bơh Brah Yêsu Krist.

Êphêsô 1:6

gay ma tâm rnê ma nau yô̆ chrêk rmah Păng hŏ ăn jêh ma he tâm Kon Păng rŏng ngăn ngên!

Yôsuê 7:9

Phung Kanaan jêh ri lĕ rngôch phung gŭ tâm bri nây mra tăng nau nĕ, mra nchueng hên jêh ri jut lơi amoh hên bơh neh. Nôk nây, mâm May mra ƀư amoh May jêng toyh?”