Nau Mprơ Ơm 113:9 - Nau Brah Ndu Ngơi 2023

⁹ Păng ăn bu ur mâu bă kon Jêng dơi ƀư mê̆ maak ta nklang phung kon tâm ngih păng! Halêluya!

Nau Mprơ Ơm 113:9 ပူးပေါင်းရင်းမြစ်များ

Nau Ntơm 25:21

Y-Isăk mbơh sơm ma Brah Yêhôva yor ur păng jêng bu ur mâu bă kon. Brah Yêhôva dơn nau păng mbơh sơm, jêh ri H'Rêbêka bă ntreo.

II Phung Hađăch 4:17

Ƀiălah, bu ur nây ntreo jêh; jêh ri năm pakơi, ay deh du huê kon bu klâu, di tâm nôk Y-Êlisê hŏ lah lor jêh ma păng.

Nau Mprơ Ơm 68:6

Brah Ndu ƀư ma phung rêh rngloi geh ngih gŭ, Njŭn phung dĭk bu tât ma nau ndrŏng kuăng, Ƀiălah ăn phung mâu gŭ răp jăp mra gŭ tâm neh sơh.

Êsai 54:1

“Ơ bu ur ndrô gâng, nơm mâu mâp deh, mprơ hom; Ơ nơm mâu mâp ji yorlah deh kon, Mprơ hom nau mprơ răm rhơn. Yorlah phung kon bu ur bu chalơi Mra jêng âk lơn ma phung kon bu ur geh sai.” Brah Yêhôva lah kơt nĕ.

Nau Kơp Bunuyh 5:28

Bi tơlah bu ur nây mâu geh ƀư ƀơ̆ ôh păng, ăt hôm jêng kloh nglang, păng mâu geh nau mhĭk jêh ri păng mra deh kon.

Galati 4:27

Yorlah geh nau nchih: “Hơi bu ur ndrô gâng, mâu deh kon, maak hom! Hơi bu ur mâu mâp ji yorlah deh kon, troh nau hâk răm hom! Yorlah phung kon tă bơh bu ur bu chalơi jêng âk lơn ma kon tă bơh bu ur geh sai.”

I Samuel 2:5

Phung lĕ hơm jêh pah kan bu nkhôm gay geh piăng let, Ƀiălah phung ji ngot mâu hôm ji ngot đŏng ôh. Bu ur ndrô gâng, păng deh pơh tơ̆, Bi nơm âk kon, jêng djoh rgay.