Nau Mprơ Ơm 113:5 - Nau Brah Ndu Ngơi 2023

⁵ Mbu nơm jêng tâm ban Yêhôva Brah Ndu he? Nơm gŭ tâm ntŭk klơ lơn,

Nau Mprơ Ơm 113:5 ပူးပေါင်းရင်းမြစ်များ

Nau Mprơ Ơm 103:19

Brah Yêhôva rdâk jêh sưng hađăch Păng ta klơ lĕ ndâr trôk, Ƀon bri hađăch Păng chiă uănh lĕ rngôch ndơ.

Nau Mprơ Ơm 11:4

Brah Yêhôva gŭ tâm ngih brah kloh ueh Păng; Sưng hađăch Păng gŭ tâm trôk. Măt Păng uănh, Sâng măt Păng sek uănh phung kon bunuyh.

Nau Mprơ Ơm 35:10

Lĕ nting nđăng gâp mra lah: “Ơ Brah Yêhôva, mbu tâm ban ma May? May tâm rklaih phung rdja bơh phung ktang, Rklaih phung rêh ni jêh ri phung pưt kƀah bơh phung tŭn jot.”

Nau Mprơ Ơm 89:6

Yorlah mbu nơm gŭ ta klơ lĕ ndâr trôk dơi tâm rđĭl ma Brah Yêhôva? Tâm lĕ phung brah, mbu nơm dơi tâm ban ma Brah Yêhôva?

Nau Mprơ Ơm 89:7

Brah Ndu khư ma nau klach yơk tâm phung kloh ueh, Khư klach yơk ngăn rlau lơn ma lĕ rngôch phung gŭ văr jŭm păng.

Nau Mprơ Ơm 89:8

Ơ Brah Yêhôva Brah Ndu ma phung tahan, Mbu nơm geh nau brah tâm ban ma May? Ơ Brah Yêhôva, nau răp jăp May gŭ văr jŭm May.

Nau Mprơ Ơm 89:9

May chiă uănh nau ngrông huy phung dak mƀŭt: Tơlah rbuh dak, May ăn khân păng gŭ rklăk.

Nau Ngluh Êjipt 15:11

Ơ Brah Yêhôva! Tâm phung brah, mbu moh jêng tâm ban ma May? Mbu dơi jêng nâm bu May, chrêk rmah tâm nau kloh ueh, Khư ma nau klach yơk jêh ri tâm rnê, Ƀư lĕ nau kan khlay ir?

Êsai 16:5

Nôk nĕ, sưng hađăch mra dơi nâp tâm nau ueh, Tâm rmlak Y-Đavit mra geh du huê nơm chiă uănh Gŭ tâm sưng hađăch nây ma nau răp jăp; Păng mra joi nau di. Jêh ri gơnh ƀư nau sŏng.”

Êsai 40:18

Pôri, đah mbu khân may ŭch rđĭl ma Brah Ndu, Mâu lah moh rup khân may tâm rđĭl ma Păng?

Êsai 40:25

Nơm Kloh Ueh lah: “Mbu đah khân may tâm rđĭl ăn tâm ban ma Gâp? Mbu nơm mra tâm ban đah Gâp?”

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Yêrêmi 10:6

“Ơ Brah Yêhôva, mâu geh nơm dơi tâm rđĭl đah May! May toyh ngăn ngên, Amoh May dŭt prêh brah toyh.

Nau Vay Nkah Tay 33:26

“Hơi Yêsurun, mâu geh nơm tâm ban ma Brah Ndu ôh, Nơm tâm rklaih văch ncho tâm trôk, Nau rnam ta klơ lĕ ndâr tŭk.