Nau Mprơ Ơm 112:9 - Nau Brah Ndu Ngơi 2023

⁹ Păng nsrih prăk, ăn ma phung o ach, Nau sŏng srăng păng hôm gŭ n'ho ro, Nke nơm nây mra dơi n'gơr hao klơ tâm nau chrêk rmah.

Nau Mprơ Ơm 112:9 ပူးပေါင်းရင်းမြစ်များ

Nau Mprơ Ơm 111:3

Kan Păng bêng nau chrêk rmah jêh ri nau rnam; Nau sŏng srăng Păng hôm gŭ n'ho ro.

Nau Mprơ Ơm 112:3

Drăp ndơ jêh ri nau ndrŏng gŭ tâm ngih păng, Jêh ri nau sŏng srăng păng hôm gŭ ƀaƀơ.

Nau Mprơ Ơm 75:10

Gâp mra koh lĕ rngôch nke phung mhĭk Ƀiălah lĕ nke phung sŏng srăng mra dơi n'hao.

Nau Mprơ Ơm 92:10

Ƀiălah May ăn nke gâp n'gơr hao prêh nâm bu nke ndrôk bri; Bu troch jêh gâp ma dak ngi mhe.

Nau Mprơ Ơm 92:11

Măt gâp saơ jêh bu rmal phung rlăng gâp Jêh ri tôr gâp tăng nau bu har plơng ma phung ƀư mhĭk đah gâp.

Nau Hôr 14:24

Đon hađăch ma phung blau mĭn jêng nau ndrŏng kuăng, Bi ma rvang kao phung rluk mâl jêng nau brŭt moih.

Nau Hôr 19:17

Mbu nơm gĭt yô̆ ma phung o ach jêng ăn Brah Yêhôva manh, Păng mra mplơ̆ sĭt nau kan ueh nây ăn ma păng.

Nau Hôr 21:26

Lĕ nar păng knŏng kơnh rlau ir, ŭch kơnh. Ƀiălah bunuyh sŏng srăng ăn ma nau lŏng.

Nơm Nti 11:6

Ơm ôi, hăn hom srih ntil, Mhaơ tât lơi rlu ôh ti; Yorlah may mâu gĭt ôh moh rơh srih mra dơi jêng, Rơh srih kêng ôi mâu lah kêng mhaơ, Mâu lah lĕ bar hon ueh tâm ban da dê.

Nơm Nti 3:6

Geh năng tĭng joi, geh năng ƀư roh; Geh năng prăp tay, geh năng mƀăr lơi;

Êsai 32:8

Ƀiălah phung khlay mĭn knŏng joi ma lĕ nau khlay, Jêh ri dâk nâp tâm lĕ nau dŭt khlay.

Êsai 58:10

Tơlah may lĕ nuih n'hâm mĭn rvê ma nơm ji ngot, Jêh ri ƀư tŏng nau ŭch bunuyh rêh ni, Pôri nau ang khân may mra nchrat luh tâm nau ngo, Jêh ri nau ngo may mra ang nchrat tâm ban ma nar nklang bôk.

Êsai 58:7

Mâu di hĕ jêng nau tâm pă ndơ sông sa khân may ma nơm ji ngot, Njŭn leo phung o ach mâu geh ngih ôh plơ̆ sĭt tâm ngih khân may nơm, Lah khân may saơ nơm rhôk, sâm soh an păng, Jêh ri lơi dun ma ndŭl mpôl dăch khân may ôh?”

Mathay 6:4

gay nau ăn ndơ yô̆ jêng ndâp; jêh ri Mbơ̆ may, Nơm saơ tâm ntŭk ndâp, mra ăn nau nkhôm ma may.

Markôs 14:7

Yorlah khân may geh ƀaƀơ phung o ach ndrel ma khân may, moh mông khân may ŭch ƀư nau ueh ma khân păng dơi da dê; ƀiălah Gâp mâu mra gŭ ndrel ma khân may ƀaƀơ ôh.

Luka 11:41

Ƀiălah mpơl hom nuih n'hâm tâm kơl moh ndơ may geh, pôri lĕ rngôch ndơ mra jêng kloh rsang ma khân may.

Luka 12:33

Tăch hom drăp ndơ khân may geh gay ƀư nau yô̆. Joi hom dŭng prăk mâu djơh mâu mŭnh jêh ri jay ndơ khlay mâu hŭch ta klơ trôk, ntŭk bunuyh ntŭng mâu dơi tât, nchiăr mbon mâu ƀư rai păng ôh.

Luka 16:9

Jêh ri Gâp lah ma khân may: Ăn dŏng prăk ndơ mâu sŏng gay ƀư mĭt jiăng, gay ma tât prăk ndơ nây lĕ jêh, khân păng mra rom khân may lăp tâm ngih n'ho ro.

Luka 18:22

Tơlah Brah Yêsu tăng nau nây, Păng lah: “May hôm pưt du ntil: Tăch hom lĕ rngôch ndơ may geh jêh ri tâm pă ma phung o ach, ri mơ may mra geh jay ndơ khlay klơ trôk, jêh nây văch hom tĭng Gâp.”

Yôhan 13:29

Ƀaƀă nđôn lah, yor Y-Yuđas djôt dŭng prăk, Brah Yêsu ŭch đă păng hăn rvăt ndơ ma phung he dŏng tâm năng rƀŭn, mâu lah Păng đă hăn pă ndơ ma phung o ach.

Kôranh Oh Mon 20:35

Gâp hŏ tă ntĭm nti jêh ma khân may, tâm lĕ nau kan, he gơih ƀư kan kơt nĕ gay sâm kơl phung ji kuet, jêh ri kah gĭt tay Kôranh Brah yơh jêng Brah Yêsu hŏ ntăm jêh: ‘Ăn ma bu jêng nau ueh lơn ma sŏk dơn.’ ”

Kôranh Oh Mon 4:35

dơm ta jâng phung kôranh oh mon; jêh nây prăk tâm pă tĭng nâm nau ăp nơm ŭch.

Samƀŭt Pôl Njuăl Ăn Ma Phung Nsing Ta Ƀon Rôm 12:13

Ăn hom nau ueh ma phung kloh ueh, ndơ khân păng pưt, ăn blau vơt rom bu năch.

II Kôrintô 8:9

Yorlah khân may gĭt jêh nau yô̆ Kôranh Brah he jêng Brah Yêsu Krist, Păng ndrŏng ngăn, ƀiălah plơ̆ jêng o ach yor khân may, gay yor nau o ach Păng, khân may plơ̆ jêng ndrŏng.

Nau Vay Nkah Tay 15:11

Yorlah tâm n'gor geh nơm o ach ƀaƀơ; yor nây dĭng gâp ntĭnh ma khân may pô aơ: ‘Pơk hom ăn huy mpang ti tâm kơl bunuyh ndĭt trơi, nơm o ach tâm n'gor khân may.’”

Nau Vay Nkah Tay 15:14

Khân may ăn ma khân păng biăp, ndrôk tă bơh mpôl mpô mpa rong, lĕ play ba tă bơh ntŭk mprah ba, ndrănh tă bơh ntu păt ndrănh, jêng lĕ ntil ndơ Yêhôva Brah Ndu hŏ ăn jêh nau ueh uĭn ma khân may.

Nau Vay Nkah Tay 24:13

Mplơ̆ tay hom blah ao jâr ma bunuyh nây lah nar lĕ nhâp gay ăn ma păng ntâk bê̆ch jêh ri ăn nau ueh uĭn ma khân may; nây jêng nau sŏng srăng ma khân may tanăp măt Yêhôva Brah Ndu khân may.

I Timôthê 6:18

Ăn khân păng ƀư kan ueh, ƀư âk kan ueh maak, geh nuih n'hâm lŏng, rơm ndrăp jêh tâm pă ma bu;

ហេឞ្រើ 13:16

Lơi chuêl ôh ƀư nau ueh jêh ri tâm pă ma bunuyh êng, yorlah lĕ ndơ ƀư brah tâm ban pônây ƀư maak nuih n'hâm Brah Ndu.

ហេឞ្រើ 6:10

Yorlah Brah Ndu mâu di jêng kue ôh, gay ƀư chuêl nau kan jêh ri nau rŏng khân may tâm mpơl jêh yor ma amoh Păng, nôk pah kan ma phung kloh ueh, jêh ri ăt hôm pah kan đŏng.

Nau Tâm Mpơl 22:11

Mbu nơm mâu sŏng, ăn păng ăt ƀư nau mâu sŏng srăng, mbu nơm ƀơ̆ ăt jêng ƀơ̆, mbu nơm sŏng srăng ăt ƀư nau sŏng srăng, bunuyh jêng kloh ueh ăt jêng kloh ueh!”

I Samuel 2:1

Rnôk nây H'Anna mbơh sơm: “Nuih n'hâm gâp hâk răm ngăn tâm Brah Yêhôva, Tă bơh Brah Yêhôva, n'hâm suan gâp dăng ktang. Trôm mbung gâp gơm mưch ma phung rlăng gâp; Yorlah nau May tâm rklaih ƀư ma gâp răm rhơn.

I Samuel 2:30

Yor ri, Yêhôva Brah Ndu Israel lah: ‘Gâp hŏ tă lah jêh pô aơ ngih may jêh ri ngih mbơ̆ may mra n'ho ro pah kan tanăp măt Gâp.’ Ƀiălah aƀaơ Brah Yêhôva lah, nau nây mâu hôm geh tâm ban pônây ôh! Yorlah mbu nơm yơk ma Gâp, Gâp mra yơk ma păng, bi mbu tâm rmot ma Gâp, Gâp mra tâm rmot ma păng.