Nau Mprơ Ơm 112:4 - Nau Brah Ndu Ngơi 2023

⁴ Nau ang sol tâm nau ngo ma nơm sŏng, Jêng nơm hô ƀư nau ueh, geh nuih n'hâm yô̆ nđach jêh ri sŏng srăng.

Nau Mprơ Ơm 112:4 ပူးပေါင်းရင်းမြစ်များ

Ndrom Samƀŭt bơh Yôp 11:17

Nau rêh may mra ang lơn nar nklang bôk; Nau ngo plăch jêng ƀhit rvi ang.

Ndrom Samƀŭt bơh Yôp 22:28

Moh nau kan may ŭch ƀư, nau kan nây mra dơi jêng; Nau ang sol nchrat trong may hăn.

Ndrom Samƀŭt bơh Yôp 29:3

Lah ŭnh kađen Kôranh Brah sol ang klơ bôk gâp, Jêh ri yor tă nau ang Păng gâp hăn rgăn lĕ nau ngo klĕng.

Nau Mprơ Ơm 106:1

Halêluya! Mprơ tâm rnê hom ma Brah Yêhôva, yorlah Păng jêng ueh, Nau ueh Păng hôm ƀaƀơ n'ho ro.

Nau Mprơ Ơm 116:5

Brah Yêhôva vay ƀư ueh jêh ri jêng sŏng srăng; Brah Ndu he geh nuih n'hâm yô̆ nđach.

Nau Mprơ Ơm 145:17

Brah Yêhôva jêng sŏng srăng tâm lĕ trong Păng, Jêh ri bêng nau ueh tâm lĕ kan Păng.

Nau Mprơ Ơm 37:6

Păng mra njêng nau sŏng srăng may mpơl nâm bu nau ang. Jêh ri nau di may tâm mpơl nâm bu nôk nar.

Nau Mprơ Ơm 97:11

Nau ang sol phung sŏng srăng Jêh ri nau maak bêng ler tâm nuih n'hâm phung sŏng.

Nau Hôr 21:21

Mbu nơm tĭng joi nau sŏng srăng jêh ri nau ueh Mra dơi joi nau rêh, nau sŏng srăng jêh ri nau yơk.

Êsai 50:10

Mbu nơm tâm phung khân may klach yơk mbah ma Brah Yêhôva, Jêh ri tông bâr ma oh mon Păng, Mbu nơm hăn tâm nau ngo Jêh ri mâu geh nau ang ôh Rnơm nsing hom ma amoh Brah Yêhôva, Jêh ri nsing ma Brah Ndu păng.

Êsai 58:10

Tơlah may lĕ nuih n'hâm mĭn rvê ma nơm ji ngot, Jêh ri ƀư tŏng nau ŭch bunuyh rêh ni, Pôri nau ang khân may mra nchrat luh tâm nau ngo, Jêh ri nau ngo may mra ang nchrat tâm ban ma nar nklang bôk.

Êsai 58:8

“Rnôk nây, nau ang khân may mra nchrat tâm ban ma ƀhit rvi ang, Nau sôt rmanh khân may mra gơnh ƀư bah. Nau sŏng srăng khân may mra hăn tanăp khân may, Jêh ri nau chrêk rmah Brah Yêhôva mra king n'gang pakơi khân may.

Malachi 4:2

Ƀiălah ma khân may jêng phung klach yơk ma amoh Gâp, pôri nar nau sŏng srăng mra luh mpơl ma khân may, tâm nting năr păng geh nau ƀư bah nau ji. Khân may mra du luh jêh ri nsăt ta lô̆ nâm bu ndrôk rah luh tă bơh ndrung.

Luka 6:36

Yô̆ nđach hom tâm ban ma Mbơ̆ khân may yô̆ nđach.

Yôhan 12:46

Gâp jêng nau ang hŏ văch jêh ta neh ntu, gay mbu nơm chroh ma Gâp mâu gŭ tâm nau ngo đŏng ôh.

Êphêsô 4:32

Ăn khân may gŭ ngao tâm nau ueh jêh ri nau rdơ̆ rbăn, yô̆ an ndrăng khân may nâm bu Brah Ndu yô̆ an jêh ma khân may tâm Brah Krist.

Êphêsô 5:15

Pôri, sek uănh njrăng hom ma nau khân may gŭ rêh, lơi gŭ rêh nâm bu phung rluk mâl, ƀiălah gŭ rêh nâm bu phung blau mĭn.

Êphêsô 5:9

yorlah play nau ang jêng lĕ nau ueh, nau sŏng srăng jêh ri nau nanê̆ ngăn.

I Yôhan 2:29

Tơlah khân may gĭt Păng jêng sŏng srăng, gĭt năl hom ma mbu nơm ƀư nau sŏng srăng jêng luh tă bơh Păng da dê.

I Yôhan 3:10

Nau aơ ăn gĭt mbu nơm jêng phung kon Brah Ndu, jêh ri mbu nơm jêng phung kon brah mhĭk: Mbu nơm mâu ƀư nau sŏng srăng mâu jêng bunuyh Brah Ndu ôh, mbu nơm mâu rŏng ma oh nâu păng nơm tâm ban lĕ.

I Yôhan 3:7

Hơi phung kon jê̆, lơi ăn bu ndơm khân may ôh. Mbu nơm ƀư nau sŏng srăng jêng nơm sŏng srăng, nâm bu Brah Ndu jêng sŏng srăng.