Nau Mprơ Ơm 111:9 - Nau Brah Ndu Ngơi 2023

⁹ Păng hŏ rklaih jêh phung ƀon lan Păng, Jêh ri ntăm gay ndâk nau tâm rnglăp gŭ n'ho ro. Amoh Păng kloh ueh jêh ri khư klach.

Nau Mprơ Ơm 111:9 ပူးပေါင်းရင်းမြစ်များ

II Samuel 23:5

Mâu di hĕ ngih gâp nâm bu pônây tanăp măt Brah Ndu? Yorlah Păng hŏ njêng jêh đah gâp du nau tâm rnglăp n'ho ro, Lĕ rngôch nau vay hŏ dăp jêh jêh ri mât mray. Mâu di hĕ lĕ nau tâm rklaih jêh ri lĕ nau gâp ŭch ngăn Păng nơm yơh mra ƀư jêng ƀơh?

I Nau Rêh Jêng 16:15

Kah gĭt hom nau tâm rnglăp Păng n'ho ro, Rbăn rô̆ lơi chuêl ma nau Păng ntĭm nti;

Nau Mprơ Ơm 111:5

Păng ăn ndơ sông sa ma phung klach yơk Păng, Jêh ri kah gĭt nau Păng tâm rnglăp mro mrăng.

Nau Mprơ Ơm 89:7

Brah Ndu khư ma nau klach yơk tâm phung kloh ueh, Khư klach yơk ngăn rlau lơn ma lĕ rngôch phung gŭ văr jŭm păng.

Nau Mprơ Ơm 99:3

Ăn khân păng mprơ tâm rnê ma amoh dŭt toyh jêh ri khư ma nau klach May. May jêng kloh ueh!

Nau Mprơ Ơm 99:5

Mbah yơk hom ma Yêhôva Brah Ndu he Jêh ri yơk mbah tâm dâng rnơl chrong jâng Păng. Păng jêng kloh ueh!

Nau Mprơ Ơm 99:9

Yơk hom ma Yêhôva Brah Ndu he Jêh ri yơk mbah ta klơ yôk kloh ueh Păng; Yorlah Yêhôva Brah Ndu he jêng kloh ueh!

Nau Ngluh Êjipt 15:11

Ơ Brah Yêhôva! Tâm phung brah, mbu moh jêng tâm ban ma May? Mbu dơi jêng nâm bu May, chrêk rmah tâm nau kloh ueh, Khư ma nau klach yơk jêh ri tâm rnê, Ƀư lĕ nau kan khlay ir?

Nau Ngluh Êjipt 15:13

Ma nau May rŏng may têk ndrêng phung ƀon lan may hŏ chuai jêh; May hŏ njŭn khân păng ma nau brah May tât ma ntŭk kloh ueh May gŭ.

Êsai 44:6

Brah Yêhôva jêng Hađăch jêh ri Nơm Tâm Chuai Israel, Jêng Brah Yêhôva ma phung tahan, lah: “Gâp jêng lor lơn jêh ri Nơm nglĕ dŭt; Rlau ma Gâp mâu hôm geh Brah Ndu êng ôh.

Êsai 55:3

Nkêng hom tôr khân may jêh ri văch hom ma Gâp; Gŭ iăt hom Gâp gay ma huêng khân may dơi rêh. Gâp mra ăn ma khân may nau tâm rnglăp n'ho ro, Jêng nau rŏng răp jăp Gâp ăn ma Y-Đavit.

Êsai 6:3

Phung sêraphim troh ndrel jêh ri lah: “Kloh ueh, kloh ueh, kloh ueh yơh Brah Yêhôva ma phung tahan! Lam bri neh bêng ma nau chrêk rmah Păng.”

Êsai 63:9

Tâm lĕ rngôch nau rêh ni tât ma ƀon lan Păng, Păng ăt geh nau rêh ni lĕ, Jêh ri tông mpăr tanăp Păng hŏ rklaih jêh khân păng. Yorlah nau rŏng jêh ri nau yô̆ nđach, Păng yơh tâm chuai jêh khân păng; Păng hŏ ut ra-u jêh ri chông leo khân păng dôl tâm lĕ nar rnôk kăl e.

Malachi 1:11

Yor ntơm bơh nar luh tât nar nhâp, tâm amoh Gâp jêng dŭt toyh ta nklang tâm lĕ rngôch bri dak. Gŭ lam ntŭk, bu mra nhhơr ndơ ƀâu kah jêh ri nhhơr ndơ ƀư brah kloh ma amoh Gâp, yor amoh Gâp jêng dŭt toyh ta nklang lĕ rngôch bri dak.” Brah Yêhôva ma phung tahan lah pônây.

Malachi 2:2

Tơlah khân may mâu iăt ôh, jêh ri mâu mĭn ôh nhhơr nau chrêk ma lơp ma amoh Gâp pôri Gâp mra rak rtăp khân may, jêh ri mra rgâl nau ueh uĭn khân may jêng nau rak rtăp. Ngăn ro, Gâp hŏ rak rtăp jêh, yorlah khân may mâu mĭn ôh nau yơk ma Gâp.” Brah Yêhôva ma phung tahan lah kơt nây.

Mathay 1:21

Păng mra deh du huê kon bu klâu; may mra tâm amoh Yêsu, yorlah kon nây mra tâm rklaih phung ƀon lan păng nơm bơh nau tih.”

Luka 1:49

Yorlah Nơm Geh Lĕ Nau Brah ƀư jêh lĕ nau kan toyh ma gâp. Amoh Păng jêng kloh ueh,

Luka 1:68

“Tâm rnê ma Kôranh Brah, jêng Brah Ndu Israel, Yorlah Păng hŏ khâl jêh ri tâm chuai jêh phung ƀon lan Păng,

Êphêsô 1:14

Nơm nây jêng nau mbơh ton ma drăp ndơn he kŏ tât nôk phung bunuyh jêng phung Păng dơn nau tâm chuai, gay tâm rnê ma nau chrêk rmah Păng.

Êphêsô 1:7

Yorlah tâm Brah Krist, he geh nau tâm chuai tă bơh mham Păng, geh nau yô̆ an nau tih tĭng nâm nau rmeh ler tâm nau yô̆ Păng,

Nau Vay Nkah Tay 15:15

Kah gĭt hom khân may lĕ tă ƀư dĭk jêh tâm n'gor Êjipt jêh ri Yêhôva Brah Ndu khân may tâm chuai jêh khân may. Yor nây nar aơ gâp ntĭnh ma khân may nau aơ.

Nau Vay Nkah Tay 28:58

Tơlah khân may mâu njrăng djôt prăp lĕ nau vay dơi nchih jêh tâm ndrom samƀŭt aơ, mâu yơk ôh ma amoh chrêk rmah jêh ri dŭt klach aơ jêng YÊHÔVA BRAH NDU KHÂN MAY,

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

ហេឞ្រើ 13:20

Dăn Brah Ndu nau đăp mpăn, jêng Nơm bơh mham nau tâm rnglăp n'ho ro jêh ri djôt leo Nơm Rmăk Biăp Toyh jêng Brah Yêsu, Kôranh Brah he, luh tă bơh nau khĭt,

ហេឞ្រើ 9:12

Păng lăp jêh tâm Ntŭk Dŭt Kloh Ueh du tơ̆ rĭng jêh, mâu dŏng ma mham be nkuăng jêh ri kon ndrôk ôh, ƀiălah dŏng ma mham Păng nơm gay djôt leo tât nau tâm chuai n'ho ro ma he.

Nau Tâm Mpơl 4:8

Puăn mpa rêh nây, ăp mpa geh prao nting năr, jŭm jêh ri tâm săk bêng măt da dê; măng nâm nar lah ƀaƀơ mâu rlu ôh: “Kloh ueh, kloh ueh, kloh ueh, Kôranh Brah jêng Brah Ndu Geh Lĕ Nau Brah, NƠM HŎ GEH JÊH, AɃAƠ AƠ JÊH RI DÔL VĂCH!”

Nau Tâm Mpơl 5:9

Khân păng mprơ du nau mprơ mhe pô aơ: “May khư sŏk ndrom samƀŭt Jêh ri pơk lĕ ndơ tâp pŏng, yorlah bu nkhĭt jêh May, May sŏk mham May nơm tâm chuai ma Brah Ndu Phung bunuyh bơh lĕ ndŭl mpôl, lĕ nau ngơi, lĕ rngôch mpôl băl, lĕ bri dak,