Nau Mprơ Ơm 111:5 - Nau Brah Ndu Ngơi 2023

⁵ Păng ăn ndơ sông sa ma phung klach yơk Păng, Jêh ri kah gĭt nau Păng tâm rnglăp mro mrăng.

Nau Mprơ Ơm 111:5 ပူးပေါင်းရင်းမြစ်များ

Nêhêmi 1:5

Hơi Yêhôva Brah Ndu klơ lĕ ndâr trôk, jêng Brah Ndu dŭt toyh jêh ri di ma nau rnam klach yơk, jêng Nơm djôt prăp nau tâm rnglăp jêh ri nuih n'hâm ueh ma mbu nơm ŭch rŏng jêh ri djôt prăp lĕ nau vay ntăm bơh Păng!

Nau Mprơ Ơm 105:8

Păng kah gĭt ƀaƀơ ma nau Păng tâm rnglăp, Nau Păng ton prăp rbăn rnôk mâu dơi chuêl ôh;

Nau Mprơ Ơm 106:45

Păng kah gĭt yô̆ ma phung nây yor nau Păng tâm rnglăp. Păng yô̆ nđach ma phung nây tĭng nau ueh Păng mâu blau lôch ôh.

Nau Mprơ Ơm 33:18

Ri măt Brah Yêhôva uănh ma phung klach yơk ma Păng, Jêh ri phung kâp gân tâm nau ueh Păng

Nau Mprơ Ơm 33:19

Gay ma tâm rklaih huêng khân păng bơh nau khĭt Jêh ri prăp nau rêh khân păng tâm nau ji ngot.

Nau Mprơ Ơm 37:3

Rnơm nsing hom ma Brah Yêhôva jêh ri ƀư nau ueh, Gŭ hom tâm n'gor jêh ri siăm păng nơm ma nau răp jăp Păng.

Nau Mprơ Ơm 89:34

Gâp mâu mra chalơi ôh nau Gâp tâm rnglăp, Mâu lĕ tâm rgâl moh nau lah jêh bơh bâr mbung Gâp.

Êsai 33:16

Bunuyh kơt nĕ mra dơi gŭ tâm ntŭk prêh, Geh pôih ma mpir lŭ mra jêng ntŭk păng du krap; Bu mra ăn ndơ sông sa ma păng Jêh ri păng mâu rvê pưt dak nhêt ôh.

Daniel 9:4

Pôri gâp mbơh sơm ma Yêhôva Brah Ndu gâp jêh ri mbơh nau tih ma Păng: “Ơ Kôranh Brah, Brah Ndu dŭt prêh klơ jêh ri khư ma nau klach, Nơm djôt prăp nau tâm rnglăp jêh ri nau rŏng ma phung rŏng ma May jêh ri djôt prăp nau vay ntăm bơh May.

Luka 1:72

Păng tâm mpơl nuih n'hâm yô̆ nđach ma chô yau he, Jêh ri kah gĭt tay nau tâm rnglăp kloh ueh Păng,

Luka 12:30

Yorlah lĕ rngôch ndơ nây, lĕ ntil mpôl bunuyh ta neh ntu vay joi, jêh ri Mbơ̆ khân may hŏ gĭt lĕ nau ŭch khân may jêh.