Nau Mprơ Ơm 111:10 - Nau Brah Ndu Ngơi 2023

¹⁰ Klach yơk ma Brah Yêhôva jêng tơm ma nau blau mĭn; Mbu nơm tĭng ndô̆ nau Păng ntăm, geh nau gĭt rbăng. Nau tâm rnê ma Păng hôm ƀaƀơ n'ho ro.

Nau Mprơ Ơm 111:10 ပူးပေါင်းရင်းမြစ်များ

Ndrom Samƀŭt bơh Yôp 28:28

Jêh nây Păng lah ma kon bunuyh: ‘Klach yơk ma Kôranh Brah, nây jêng nau blau mĭn; Der lĕ nau mhĭk, nây jêng nau gĭt rbăng.’ ”

Nau Mprơ Ơm 1:3

Bunuyh nây mra jêng nâm bu tơm si tăm dăch n'hor dak, Luh kao play di yan di khay, N'ha păng mâu blau nhop kro ôh. Lĕ nau păng ƀư dơi jêng da dê.

Nau Mprơ Ơm 145:2

Ăp nar gâp mra tâm rnê ma May. Tâm rnê ma amoh May tât ƀaƀơ n'ho ro.

Nau Hôr 1:7

Nau klach yơk ma Brah Yêhôva jêng tơm ma nau gĭt rbăng, Bi phung rluk tâm rmot ma nau blau mĭn jêh ri nau ntĭm nti.

Nau Hôr 3:4

Pôri tanăp măt Brah Ndu jêh ri kon bunuyh, May mra dơi joi nau ueh uĭn jêh ri nau blau mĭn ngăn.

Nau Hôr 9:10

Nau klach yơk ma Brah Yêhôva, nây jêng tơm ma nau blau mĭn, Nau gĭt năl Nơm Kloh Ueh, nây jêng nau gĭt rbăng.

Nơm Nti 12:13

Nau nglĕ dŭt ăn lĕ rngôch moh ndơ hŏ tăng jêh ta klơ aơ: Klach yơk hom ma Brah Ndu jêh ri djôt prăp nau vay ntăm bơh Păng, Nây jêng lĕ nau ƀư di ma kon bunuyh.

Kan Lêvi 19:14

Lơi ta mưch rmot ma bunuyh tê̆k mâu lah ndơm ndơ chêh jâng ma bunuyh chieh măt, ƀiălah ăn khân may klach yơk ma Brah Ndu. Gâp jêng Brah Yêhôva.

Mathay 25:21

Kôranh lah ma bunuyh nây: ‘Hơi oh mon sŏng jêh ri răp jăp, ueh ngăn! May hŏ răp jăp tâm kan jê̆, gâp mra ăn may mât uănh âk. Lăp hom gŭ maak ndrel ma kôranh may.’

Mathay 25:23

Kôranh lah ma bunuyh nây pô aơ: ‘Hơi oh mon sŏng jêh ri răp jăp, ueh ngăn! May hŏ răp jăp tâm kan jê̆, gâp mra ăn may mât uănh âk. Lăp hom gŭ maak ndrel ma kôranh may.’

Yôhan 12:43

Yorlah khân păng ŭch nau chrêk rmah kon bunuyh rlau lơn nau chrêk rmah Brah Ndu.

Yôhan 13:17

Lah khân may gĭt lĕ nau nây jêh ri ƀư tĭng nau nây, khân may geh nau ueh maak ngăn.

Yôhan 5:44

Khân may ŭch dơn nau chrêk rmah ndrăng khân may nơm, mâu joi ôh nau chrêk rmah tă bơh Brah Ndu knŏng nguay, mâm khân may dơi chroh?

Samƀŭt Pôl Njuăl Ăn Ma Phung Nsing Ta Ƀon Rôm 2:29

Ƀiălah du huê bunuyh tâm trôm jêng phung Yuđa, rĭ mơ ngăn jêng phung Yuđa; nau koh ntâu ngăn luh tă bơh tâm nuih n'hâm, yor ma Brah Huêng Ueh, mâu di tĭng rplay samƀŭt ôh. Du huê bunuyh tâm ban pônây mra dơi nau tâm rnê, mâu di tă bơh kon bunuyh ôh, ƀiălah tă bơh Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 2:7

Mbu nơm nâp nuih n'hâm ƀư nau ueh, tĭng joi nau chrêk rmah, nau yơk jêh ri nau mâu blau khĭt, Păng mra ăn nau rêh n'ho ro.

I Kôrintô 4:5

Pôri, lơi dĭng phat dôih gơnh ir, gŭ kâp hom Kôranh Brah plơ̆ văch; Păng mra mpơl ta ntŭk ang lĕ rngôch moh nau pôn jêh tâm ntŭk ngo, jêh ri mpơl lĕ nau ŭch tâm nuih n'hâm. Nôk nây, ăp nơm mra dơn nau tâm rnê tă bơh Brah Ndu.

II Kôrintô 4:17

Yorlah nau rêh ni hên n'gơch jêh ri ƀât lât mra djôt ma hên nau chrêk rmah toyh lơn jêh ri n'ho ro,

Nau Vay Nkah Tay 4:6

Pôri, ăn khân may djôt prăp jêh ri ƀư tĭng nâm lĕ nau ntăm ƀư jêh ri nau vay, yor tă bơh nau nây phung ƀon lan mra saơ nau blau mĭn jêh ri nau gĭt rbăng khân may. Lah tăng lĕ nau vay dăp aơ khân păng mra lah: ‘Knŏng geh phung ndŭl mpôl toyh aơ nanê̆ jêng du phung ƀon lan blau mĭn jêh ri gĭt rbăng!’

I Pêtrôs 1:7

gay ma nau chroh khân may lah jêh dơn nau rlong uănh mra khlay rlau lơn ma mah — nđâp tơlah mah bu rlong uănh păng tâm ŭnh kđôi lĕ, ăt blau roh rai — djôt leo tay nau tâm rnê, nau chrêk rmah jêh ri nau yơk nôk Brah Yêsu Krist tât tâm mpơl.

Nau Tâm Mpơl 22:14

Ueh maak yơh phung pih ao khân păng nơm gay geh nau dơi văch ta ntŭk tơm si nau rêh, jêh ri dơi lăp tâm ƀon ta lĕ mpông.