Nau Mprơ Ơm 111:1 - Nau Brah Ndu Ngơi 2023

¹ Halêluya! Gâp mra tâm rnê ma Brah Yêhôva, ma lĕ nuih n'hâm, Tâm phung sŏng jêh ri ta klang phung tâm rƀŭn.

Nau Mprơ Ơm 111:1 ပူးပေါင်းရင်းမြစ်များ

Nau Mprơ Ơm 103:1

Ơ huêng gâp, tâm rnê hom ma Brah Yêhôva! Lĕ ntil ndơ gŭ tâm gâp, Mprơ tâm rnê hom ma amoh kloh ueh Păng!

Nau Mprơ Ơm 106:1

Halêluya! Mprơ tâm rnê hom ma Brah Yêhôva, yorlah Păng jêng ueh, Nau ueh Păng hôm ƀaƀơ n'ho ro.

Nau Mprơ Ơm 106:48

Khư mprơ tâm rnê Yêhôva Brah phung Israel, Bơh rnôk n'ho ro saơm tât rnôk n'ho ro nglĕ dŭt! Ăn lĕ rngôch phung ƀon lan lah May lah da dê: “Amen!” Halêluya!

Nau Mprơ Ơm 107:32

Mât ton hom ma Brah Ndu ta nklang phung ƀon lan Păng, Jêh ri mprơ tâm rnê Păng tâm phung kôranh bu ranh.

Nau Mprơ Ơm 108:3

Ơ Brah Yêhôva, Gâp mra tâm rnê lah ueh ma May ta nklang phung ƀon lan, Tâm rnê ma May tâm lĕ bri dak.

Nau Mprơ Ơm 109:30

Aƀaơ, bâr mbung gâp mra tâm rnê hâu ngăn ngên ma Brah Yêhôva Jêh ri tâm rnê ma May ta nklang phung âk.

Nau Mprơ Ơm 138:1

Gâp mra tâm rnê lah ueh ma May ma lĕ nuih n'hâm, Mprơ nau tâm rnê ma May tanăp phung brah.

Nau Mprơ Ơm 149:1

Halêluya! Mprơ hom ma Brah Yêhôva du nau mprơ mhe! Tâm rnê hom ma Păng, tâm nau tâm rƀŭn phung kloh ueh Păng.

Nau Mprơ Ơm 22:23

Hơi phung klach yơk ma Brah Yêhôva, tâm rnê hom ma Păng! Hơi lĕ rngôch phung kon sau Yakôb, yơk mbah hom ma Păng! Hơi lĕ rngôch noi deh Israel, klach yơk hom ma Păng.

Nau Mprơ Ơm 22:25

Nau gâp tâm rnê gŭ ta nklang phung tâm rƀŭn toyh luh tă bơh Kôranh Brah; Gâp mra ƀư ăn jêh nau gâp ton tanăp phung klach yơk ma Păng.

Nau Mprơ Ơm 35:18

Pôri gâp mra tâm rnê lah ueh ma Kôranh Brah tâm phung rƀŭn toyh. Mprơ tâm rnê tâm nklang phung ƀon lan âk.

Nau Mprơ Ơm 89:5

Ơ Brah Yêhôva, lĕ ndâr trôk mra mprơ tâm rnê lĕ nau mbên khlay May; Nau răp jăp May ăt dơi mprơ tâm rnê phung kloh ueh.

Nau Mprơ Ơm 89:7

Brah Ndu khư ma nau klach yơk tâm phung kloh ueh, Khư klach yơk ngăn rlau lơn ma lĕ rngôch phung gŭ văr jŭm păng.

Nau Mprơ Ơm 9:1

Gâp mra tâm rnê lah ueh Brah Yêhôva ma lĕ nuih n'hâm; Gâp mra nkoch tay lĕ kan khlay Păng.