Nau Mprơ Ơm 110:3 - Nau Brah Ndu Ngơi 2023

³ Tâm nar Brah Ndu mpơl nau dăng ktang, Phung ƀon lan May mra ŭch nhhơr khân păng nơm ma May; Phung bu klâu ndăm ndơ nsoh kloh ueh hăn tĭng May, Chrêk rêp ƀlêp nâm bu truh dak ngom ơm ôi

Nau Mprơ Ơm 110:3 ပူးပေါင်းရင်းမြစ်များ

I Nau Rêh Jêng 16:29

Nau chrêk rmah ma Brah Yêhôva tâm di ma amoh Păng, Djôt leo hom ndơ nhhơr hao panăp Păng; Nkrơ̆ hom ma nau kloh ueh gay yơk mbah ma Brah Yêhôva.

Nêhêmi 11:2

Phung ƀon lan ăn nau ueh uĭn ma lĕ rngôch phung bu klâu nhhơr săk jăn khân păng gŭ ta ƀon Yêrusalem.

Nau Mprơ Ơm 29:2

Yơk mbah Brah Yêhôva ma nau chrêk rmah khư ma amoh Păng; Nkrơ̆ hom ma nau kloh ueh gay ma yơk mbah Brah Yêhôva.

Nau Mprơ Ơm 96:9

Nkrơ̆ hom ma nau kloh ueh jêh ri yơk mbah ma Brah Yêhôva; Ơ lĕ rngôch phung ta neh ntu, râm nsâr hom tanăp Păng.

Êsêkiêl 43:12

Aơ yơh jêng nau vay ma ngih brah. Lĕ rngôch n'gor văr jŭm, ta klơ n'gơn yôk jêng ntŭk kloh ueh ngăn. Di yơh, nây jêng nau vay ma ngih brah.

Mika 5:6

Phung hôm e klen bơh Y-Yakôb Mra gŭ ta nklang âk phung ƀon lan, Nâm bu truh dak tŭk văch tât bơh Brah Yêhôva, Nâm bu dak mih jê̆ tŭp ta klơ gơ̆ nse, Mâu kâp bu ôh Mâu lĕ ŭch ndơ tă phung bu klâu kon bunuyh.

Kôranh Oh Mon 1:8

Ƀiălah tơlah Brah Huêng Ueh jŭr ta khân may, khân may mra sŏk dơn nau brah jêh ri mra jêng phung mbơh nkoch an Gâp ta ƀon Yêrusalem, lĕ n'gor Yuđa, n'gor Samari kŏ tât dŭt rplay neh.”

Kôranh Oh Mon 19:20

Pôri, ma nau brah Kôranh Brah, nau chroh ma Kôranh Brah lơ hâu ma hao jêh ri ƀrư̆ nar nâp ktang lơn.

Kôranh Oh Mon 2:33

Pôri, jêh geh nau yơk mpeh pa ma Brah Ndu jêh ri sŏk dơn nau ton ma Brah Huêng Ueh tă bơh Mbơ̆, Păng nkhŭt Brah Huêng Ueh tâm ban ma khân may saơ jêh ri tăng.

Kôranh Oh Mon 2:41

Pôri, phung bunuyh dơn nau ngơi nây, dơn nau ƀaptem da dê, jêh ri tâm nar nây, geh klăp lah pe rbăn nuyh ntop tâm Phung Ngih Brah Ndu.

Kôranh Oh Mon 21:20

Jêh tăng nau nây, khân păng tâm rnê ma Brah Ndu, jêh ri khân păng lah ma Y-Pôl: “Hơi nâu, may saơ nây, geh âk rmưn phung Yuđa hŏ chroh; lĕ rngôch khân păng duh nđơr djôt nau vay.

Kôranh Oh Mon 4:4

Nđâp tơlah kơt nây, geh âk bunuyh tâm phung khân păng hŏ tăng jêh nau Kôranh Brah ngơi jêh ri chroh, jêh ri rnoh phung bu klâu chroh tât prăm rbăn nuyh.

II Kôrintô 13:4

Nđâp tơlah bu pâng Păng ta si tâm rkăng tâm nau huơi, ƀiălah Păng dôl rêh ma nau brah Brah Ndu. Hên kơt nây đŏng, nđâp tơlah hên huơi tâm Păng, ƀiălah tâm nau brah Brah Ndu hên mra gŭ rêh đah Păng, gay gŭ ngao ma khân may.

II Kôrintô 8:12

Tơlah du huê nuyh geh nuih n'hâm ŭch nhhơr pôri ndơ păng nhhơr bu mra dơn, tĭng nâm ndơ khân păng geh, mâu di tĭng nâm ndơ khân păng mâu geh ôh.

II Kôrintô 8:16

Lah ueh ma Brah Ndu, Păng dơm jêh tâm nuih n'hâm Y-Tit nau duh nđơr tâm ban gâp geh ma khân may;

Êphêsô 1:4

Nđâp ma êlor nau rhăk njêng neh ntu, Păng săch jêh he tâm Brah Krist gay ma he jêng kloh ueh jêh ri mâu geh nau nduyh tanăp Păng.

Philip 2:13

Yorlah Brah Ndu jêng Nơm dôl pah kan tâm khân may, gay ma khân may ƀă ŭch ƀă ƀư tĭng nau mĭn ueh Păng.

I Têsalônik 4:7

Yorlah Brah Ndu mâu kuăl ôh he ma nau ƀơ̆ ƀơch, ƀiălah ma nau kloh ueh.

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

ហេឞ្រើ 13:21

ăn ma khân may lĕ nau ueh gay tĭng nau Păng ŭch, jêh ri ƀư nau ueh nuih n'hâm Păng ma he tâm Brah Yêsu Krist. Ăn nau chrêk rmah jêng ndơ Păng n'ho ro ƀaƀơ! Amen.

Nau Tâm Mpơl 7:9

Jêh nau nây gâp uănh, ri, geh du mpôl bunuyh âk ngăn mâu hôm dơi kơp ôh, bơh lĕ rngôch lĕ bri dak, lĕ rngôch ndŭl mpôl, lĕ rngôch ƀon lan, lĕ rngôch nau ngơi, dâk tanăp sưng hađăch jêh ri tanăp Kon Biăp, nsoh jêh ao jong nglang, ti djôt n'ha đung.

Phung Kôranh Phat Dôih 5:2

“Tâm rnê hom ma Brah Yêhôva! Nôk phung kôranh chiă uănh Israel leo phung tahan hăn tâm lơh Ri mơ phung ƀon lan ŭch sân săk khân păng nơm!

Phung Kôranh Phat Dôih 5:9

Nuih n'hâm gâp rŏng ma phung kôranh chiă uănh Israel, Nđâp ma lĕ nơm tâm phung ƀon lan ŭch sân săk khân păng nơm. Tâm rnê ngăn ma Brah Yêhôva!