Nau Mprơ Ơm 11:7 - Nau Brah Ndu Ngơi 2023

⁷ Yorlah Brah Yêhôva jêng sŏng srăng, Păng rŏng ma nau di, Phung bunuyh sŏng mra saơ muh măt Păng.

Nau Mprơ Ơm 11:7 ပူးပေါင်းရင်းမြစ်များ

Ndrom Samƀŭt bơh Yôp 36:7

Păng treng uănh ƀaƀơ tât ma bunuyh sŏng srăng, Ăn ma khân păng gŭ klơ sưng hađăch ndrel ma phung hađăch, Păng njêng khân păng nâp ngăn ngên, jêh ri khân păng geh nau yơk mro.

Nau Mprơ Ơm 146:8

Brah Yêhôva ăn phung chieh măt dơi lin; Brah Yêhôva kơl phung rdja nuih n'hâm; Brah Yêhôva rŏng ma phung sŏng srăng.

Nau Mprơ Ơm 17:15

Ƀiălah gâp mra nsing yor nau sŏng srăng Kôranh Brah ăn dĭng saơ muh măt Kôranh Brah; Tơlah gâp kah rngăl bê̆ch, gâp mra geh nau mpay, yorlah uănh rup May.

Nau Mprơ Ơm 21:6

May ăn ma păng nau ueh lăng ƀaƀơ n'ho ro; Nau Kôranh Brah gŭ ndrel ƀư ma păng hâk răm, răm maak.

Nau Mprơ Ơm 33:18

Ri măt Brah Yêhôva uănh ma phung klach yơk ma Păng, Jêh ri phung kâp gân tâm nau ueh Păng

Nau Mprơ Ơm 33:5

Păng rŏng nau sŏng srăng jêh ri nau di; Lam neh ntu bêng ma nau ueh Brah Yêhôva.

Nau Mprơ Ơm 34:15

Măt Brah Yêhôva treng uănh ma phung sŏng srăng, Tôr Păng iăt bâr khân păng nter kuăl.

Nau Mprơ Ơm 37:28

Yorlah Brah Yêhôva rŏng ma nau di, Mâu chalơi ôh phung kloh ueh Păng. Bunuyh sŏng srăng Păng mât mray n'ho ro. Bi noi deh phung mhĭk mra rai lôch.

Nau Mprơ Ơm 42:5

Ơ huêng gâp, mâm ƀư may rdja nuih n'hâm Jêh ri uh ah tâm săk jăn gâp? Kâp gân hom tâm Brah Ndu; Gâp mra mprơ tâm rnê ma Păng đŏng, Yorlah mâp măt Păng gâp dơi geh nau tâm rklaih.

Nau Mprơ Ơm 45:7

May rŏng nau sŏng srăng jêh ri tâm rmot nau djơh mhĭk. Yor nây Brah Ndu jêng Brah Ndu may Hŏ tŏ dak ngi nau maak ma may, jêh ri dơm may ta klơ phung hađăch êng,

Nau Mprơ Ơm 45:8

Ao may n'hôl ƀâu kah, dak si tăng, alôê jêh ri sinamôn; Bơh tâm ngih hađăch ƀư ma la, nteh gong rêng ma rse ƀư maak nuih n'hâm may.

Nau Mprơ Ơm 5:12

Ơ Brah Yêhôva, yorlah May yơh mra ăn nau ueh uĭn ma phung sŏng srăng, Sŏk nau rŏng Kôranh Brah nkŭm nking bunuyh nây nâm bu khêl.

Nau Mprơ Ơm 7:11

Brah Ndu jêng Kôranh phat dôih sŏng, Jêng Brah Ndu ji nuih ăp nar đah phung mhĭk.

Nau Mprơ Ơm 7:9

Ơ Brah Ndu sŏng srăng, Jêng nơm sek uănh nuih n'hâm kon bunuyh, Dăn ƀư lôch nau djơh mhĭk phung ƀai Ƀiălah ƀư ăn nâp bunuyh sŏng srăng.

Nau Mprơ Ơm 99:4

May jêng Hađăch nau brah; May rŏng nau sŏng srăng; Păng rdâk nau di, Ƀư nau phat dôih jêh ri nau di tâm ngih Yakôb.

Nau Hôr 15:9

Brah Yêhôva tâm rmot trong phung mhĭk, Ƀiălah Păng rŏng ma bunuyh tĭng joi nau sŏng srăng.

Êsai 61:8

Yorlah Gâp, Brah Yêhôva, rŏng ma nau sŏng, Tâm rmot ma nau ntŭng jêh ri nau kue; Yor ri Gâp mra tĭng nau răp jăp gay nkhôm ma phung ƀon lan Gâp, Jêh ri Gâp mra ƀư đah khân păng nau tâm rnglăp n'ho ro.

I Pêtrôs 3:12

Yorlah măt Kôranh Brah treng uănh ma phung sŏng srăng, Jêh ri tôr Păng kâp iăt nau khân păng mbơh sơm. Ƀiălah muh măt Kôranh Brah tâm rdâng đah phung ƀư mhĭk.”

I Yôhan 3:2

Hơi phung gâp rŏng, aƀaơ he jêng kon Brah Ndu; bi mâm nau he mra jêng ê hŏ tâm mpơl ôh. He gĭt tơlah Păng tâm mpơl, he mra tâm ban ma Păng, yorlah he mra saơ Păng nâm bu Păng ơm geh kơt nây.

Nau Tâm Mpơl 22:4

Khân păng mra saơ muh măt Păng, jêh ri amoh Păng mra gŭ ta ndăr kleng khân păng.