Nau Mprơ Ơm 11:5 - Nau Brah Ndu Ngơi 2023

⁵ Brah Yêhôva sek uănh phung sŏng srăng nđâp ma phung djơh mhĭk, Jêh ri nuih n'hâm Păng tâm rmot ma phung ŭch ƀư nau janh ktang.

Nau Mprơ Ơm 11:5 ပူးပေါင်းရင်းမြစ်များ

Nau Ntơm 22:1

Jêh lĕ nau nây, Brah Ndu rlong uănh Y-Abraham. Brah Ndu kuăl păng: “Hơi Y-Abraham!” Păng ơh: “Gâp ta aơ.”

Nau Mprơ Ơm 10:3

Yorlah phung mhĭk tâm rnê ma nuih n'hâm khân păng ŭch; Phung ndơm kơnh ma nau suai rak jêh ri dun Brah Yêhôva.

Nau Mprơ Ơm 139:1

Ơ Brah Yêhôva, May hŏ sek uănh gâp jêh Jêh ri May gĭt rah vah gâp.

Nau Mprơ Ơm 17:3

Kôranh Brah hŏ sek uănh jêh nuih n'hâm gâp, khâl gâp dôl măng; May rlong uănh gâp ƀiălah joi mâu saơ geh nau ôh; Gâp ntrâng ton trôm mbung gâp mâu mra ƀư tih.

Nau Mprơ Ơm 21:8

Ti hađăch mra dơi nhŭp lĕ rngôch phung rlăng đah păng; Ti ma hađăch mra geh nhŭp phung tâm rmot ma păng.

Nau Mprơ Ơm 26:2

Ơ Brah Yêhôva! dăn sek uănh jêh ri rlong uănh gâp, Mêt uănh nuih n'hâm jêh ri nau mĭn gâp.

Nau Mprơ Ơm 5:6

Kôranh Brah ƀư rai lơi phung ngơi mƀruh; Brah Yêhôva uănh ji ngăn phung ji hir mham jêh ri phung ƀư nau ndơm.

Nau Mprơ Ơm 7:9

Ơ Brah Ndu sŏng srăng, Jêng nơm sek uănh nuih n'hâm kon bunuyh, Dăn ƀư lôch nau djơh mhĭk phung ƀai Ƀiălah ƀư ăn nâp bunuyh sŏng srăng.

Yêrêmi 12:8

Drăp ndơn Gâp tâm rdâng đah Gâp Nâm bu yau mŭr tâm bri, Rđuh ngrông đah Gâp; Yor nây Gâp tâm rmot khân păng.

Yêrêmi 20:12

Ơ Brah Yêhôva ma phung tahan, May jêng Nơm sek uănh bunuyh sŏng srăng, Nơm dơi uănh tâm nuih n'hâm jêh ri tâm nau mĭn. Ăn gâp saơ nau May har plơng bôk ma khân păng, Yorlah gâp hŏ ngơi nkoch jêh kan gâp ma May.

Sakari 11:8

Knŏng tâm du khay, Gâp hŏ mprơh jêh pe nuyh rmăk biăp, yorlah Gâp mâu hôm dơi nsrôih đah khân păng đŏng ôh, jêh ri khân păng tâm rmot ma Gâp tâm ban lĕ.

Sakari 13:9

Gâp mra leo du kô̆ tâm pe nây lăp tâm ŭnh, Gâp mra krĕt khân păng ăn kloh nâm bu krĕt prăk, Rlong uănh khân păng nâm bu rlong uănh mah. Khân păng mra vơh vơl amoh Gâp, Jêh ri Gâp mra plơ̆ lah ma khân păng. Gâp mra lah pô aơ: ‘Khân păng jêng phung ƀon lan Gâp.’ Jêh ri khân păng mra lah: ‘Yêhôva jêng Brah Ndu hên.’”

Malachi 3:3

Păng mra gŭ nâm bu bunuyh blau chiăr prăk jêh ri tôl ăn chrêk; Păng mra jut lơi nau ƀơ̆ bơh phung kon bu klâu Lêvi, ăn khân păng chrêk kloh nâm bu mah jêh ri prăk. Khân păng mra nhhơr ndơ nhhơr ƀư brah ma Brah Yêhôva tâm nau sŏng srăng.

Yakơ 1:12

Ueh maak yơh ma mbu nơm nsrôih dơn nau rlong uănh; yorlah lôch jêh dơn nau rlong uănh, khân păng mra dơn đon hađăch nau rêh, Brah Ndu ton jêh ma phung rŏng ma Păng nơm.

I Pêtrôs 1:7

gay ma nau chroh khân may lah jêh dơn nau rlong uănh mra khlay rlau lơn ma mah — nđâp tơlah mah bu rlong uănh păng tâm ŭnh kđôi lĕ, ăt blau roh rai — djôt leo tay nau tâm rnê, nau chrêk rmah jêh ri nau yơk nôk Brah Yêsu Krist tât tâm mpơl.

I Pêtrôs 4:12

Hơi phung gâp rŏng, tơlah ŭnh nau rlong uănh tât gay rlong uănh khân may, lơi dĭng hih rhâl nâm bu khân may nơm mâp du ntil nau êng ang.