Nau Mprơ Ơm 11:4 - Nau Brah Ndu Ngơi 2023

⁴ Brah Yêhôva gŭ tâm ngih brah kloh ueh Păng; Sưng hađăch Păng gŭ tâm trôk. Măt Păng uănh, Sâng măt Păng sek uănh phung kon bunuyh.

Nau Mprơ Ơm 11:4 ပူးပေါင်းရင်းမြစ်များ

I Nau Rêh Jêng 17:5

Yorlah Gâp mâu mâp gŭ ôh tâm du mlâm ngih ntơm bơh nar Gâp njŭn ngluh jêh phung Israel tât ma nar aơ, ƀiălah Gâp hăn nsong jêh tă bơh ngih bok aơ tât ma ngih bok êng, ntơm bơh ntŭk aơ rlet ma ntŭk gŭ ri.

II Nau Rêh Jêng 16:9

Yorlah măt Brah Yêhôva uănh treng tâm lam neh ntu gay kơl nau ktang ma phung geh nuih n'hâm ueh đah Păng. Tâm nau aơ, may hŏ gŭ ngao ma nau rluk; yorlah ntơm aƀaơ rlet ô klak, may mra geh nau tâm lơh ƀaƀơ.”

Ndrom Samƀŭt bơh Yôp 24:23

Brah Ndu ăn khân păng rêh ueh mpăn, nâp, Ƀiălah măt Păng tĭng rmiăng tâm lĕ trong khân păng.

Nau Mprơ Ơm 103:19

Brah Yêhôva rdâk jêh sưng hađăch Păng ta klơ lĕ ndâr trôk, Ƀon bri hađăch Păng chiă uănh lĕ rngôch ndơ.

Nau Mprơ Ơm 113:5

Mbu nơm jêng tâm ban Yêhôva Brah Ndu he? Nơm gŭ tâm ntŭk klơ lơn,

Nau Mprơ Ơm 139:23

Ơ Brah Ndu! Dăn sek uănh gâp jêh ri gĭt nuih n'hâm gâp; Rlong uănh gâp gay ma gĭt nau mĭn gâp;

Nau Mprơ Ơm 14:2

Brah Yêhôva klơ trôk uănh ma phung kon bunuyh Gay uănh nơm geh nau blau mĭn, Tĭng joi Brah Ndu lĕ.

Nau Mprơ Ơm 18:6

Tâm nau rêh ni gâp mbơh sơm ma Brah Yêhôva, Gâp kuăl ma Brah Ndu gâp. Bơh ngih brah, Păng tăng bâr gâp Jêh ri bâr gâp kuăl gay rklaih tât ta tôr Păng.

Nau Mprơ Ơm 2:4

Nơm gŭ tâm trôk mra gơm, Kôranh Brah mra mưch khân păng.

Nau Mprơ Ơm 33:13

Brah Yêhôva uănh tă bơh klơ trôk, Păng uănh saơ lĕ rngôch kon bunuyh.

Nau Mprơ Ơm 44:21

Brah Ndu mâu mra sek uănh ôh nau nây? Yorlah Păng gĭt ntŭk ndâp tâm nuih n'hâm.

Nau Mprơ Ơm 66:7

Păng dŏng nau brah Păng gay ma chiă uănh n'ho ro; Măt Păng sek uănh lĕ bri dak; Phung rlăng lơi ta n'hao êng khân păng. (Sêla)

Nau Mprơ Ơm 9:11

Mprơ tâm rnê hom ma Brah Yêhôva jêng Nơm gŭ tâm ƀon Siôn! Mbơh hom nau kan Păng ta nklang phung ƀon lan.

Nau Hôr 15:3

Măt Brah Yêhôva uănh tâm lam ntŭk, Sek uănh phung djơh mhĭk jêh ri phung ueh.

Êsai 66:1

Brah Yêhôva lah: “Trôk jêng sưng hađăch Gâp, Neh ntu jêng rnơl chrong jâng Gâp, Moh ngih khân may mra ŭch rdâk ma Gâp? Moh ntŭk jêng ntŭk ma Gâp gŭ rlu?

Yêrêmi 17:10

Gâp, Brah Yêhôva, sek uănh nau mĭn, Rlong uănh nuih n'hâm bu, Plơ̆ ăn ma ăp nơm tĭng nâm trong păng hăn, Jêh ri tĭng nâm play kao bơh kan khân păng ƀư.”

Yêrêmi 23:24

Brah Yêhôva lah: “Mbu dơi nde krap păng nơm tâm ntŭk ndâp gay Gâp mâu dơi saơ lĕ?” Brah Yêhôva lah đŏng: “Mâu di hĕ Gâp mpơl ăp ntŭk, ăp lĕ ndâr trôk jêh ri neh ntu hĕ?

Mika 1:2

Hơi lĕ rngôch phung ƀon lan, iăt hom! Hơi neh ntu jêh ri lĕ rngôch ndô ndơ ta klơ neh, rkêng tôr iăt hom! Kôranh Brah Yêhôva tă bơh ngih kloh ueh Păng, Dăn Kôranh Brah mbơh nau tâm rdâng đah khân may!

Habakuk 2:20

Ƀiălah Brah Yêhôva gŭ tâm ngih brah kloh ueh păng; Tanăp Păng, gŭ rklăk hom lĕ rngôch bunuyh klơ neh ntu!”

Sakari 2:13

Ăn lĕ rngôch bunuyh gŭ rklăk hom tanăp măt Brah Yêhôva, yorlah Păng hŏ kah rngăl tă bơh ntŭk kloh ueh Păng.

Mathay 23:21

mbu moh nchŏng ngih brah gay sơm ton jêng nchŏng ngih brah nđâp ma Nơm gŭ tâm ngih nây gay sơm ton;

Mathay 5:34

Ƀiălah Gâp lah ma khân may: Lơi ton ôh. Lơi ton đah trôk, yorlah trôk jêng sưng hađăch Brah Ndu;

Kôranh Oh Mon 7:49

‘Kôranh Brah lah: Trôk jêng sưng hađăch Gâp, Jêh ri neh ntu jêng rnơl chrong jâng ma Gâp. Moh ngih khân may mra ŭch rdâk ma Gâp, Moh ntŭk jêng ntŭk ma Gâp gŭ rlu?

II Têsalônik 2:4

nâm bu ntĭt nơm tâm rdâng, n'hao êng păng nơm ta klơ ma lĕ rngôch nau bu rnha jêng brah mâu lah ma ndơ bu yơk mbah, kŏ tât păng gŭ tâm ngih Brah Ndu, kơp êng păng nơm jêng Brah Ndu.

ហេឞ្រើ 4:13

Mâu geh du ntil ndơ rhăk njêng jêh dơi gŭ ndâp tanăp măt Kôranh Brah, ƀiălah lĕ rngôch ndơ gŭ săk hưl da dê jêh ri tâm mpơl jêh tra năp măt Nơm he mra mbơh nkoch rah vah.

Nau Tâm Mpơl 4:2

Ƀât lât, Brah Huêng Ueh ntrŭt ntrôl gâp; ri, geh du mlâm sưng hađăch gŭ ta klơ trôk; klơ sưng hađăch geh du huê Nơm gŭ ta nĕ!