Nau Mprơ Ơm 11:1 - Nau Brah Ndu Ngơi 2023

¹ Gâp gŭ krap săk jăn ntŭk Brah Yêhôva. Mâm ƀư khân may nănh ntĭm gâp: “Hăn du hom, nâm bu sĭm mpăr sĭt tâm yôk?

Nau Mprơ Ơm 11:1 ပူးပေါင်းရင်းမြစ်များ

II Nau Rêh Jêng 14:11

Y-Asa nter vơl ma Yêhôva Brah Ndu păng: “Ơ Brah Yêhôva! Padih Kôranh Brah, mâu geh bunuyh kơl phung ra ai dơi lơh phung dăng. Ơ Yêhôva Brah Ndu hên ơi, dăn kơl hên, yorlah hên rnơm nsing ma May. Ma amoh Kôranh Brah, hên tâm rđâng đah phung tahan âk râk aơ. Ơ Brah Yêhôva ơi! May jêng Brah Ndu hên. Lơi ta ăn kon bunuyh dơi đah Kôranh Brah!”

II Nau Rêh Jêng 16:8

Mâu di bơh phung Kus jêh ri phung Libi jêng du phung tahan ktang? Mâu di bơh ndeh seh jêh ri phung tahan ncho seh khân păng dŭt âk râk ngăn? Nđâp lah pônây, yorlah may rnơm ma Brah Yêhôva, Păng jao jêh khân păng tâm ti may.

Nêhêmi 6:11

Gâp lah: “Du huê bunuyh nâm bu gâp mra nchuăt du? Du huê bunuyh nâm bu gâp lăp tâm ngih brah gay dơi rêh lĕ? Gâp mâu lăp ôh!”

Nau Mprơ Ơm 16:1

Ơ Brah Ndu! Dăn king n'gang gâp Yorlah gâp nde krap tâm May.

Nau Mprơ Ơm 25:2

Ơ Brah Ndu gâp! Gâp rnơm nsing ma May. Ăn gâp mâu geh bêk prêng ôh; Lơi ăn phung rlăng dơi lơn ma gâp.

Nau Mprơ Ơm 31:14

Ƀiălah Ơ Brah Yêhôva! Gâp rnơm nsing tâm May; Gâp lah: “May jêng Brah Ndu gâp”

Nau Mprơ Ơm 56:11

Gâp dơm lĕ nau rnơm tâm Brah Ndu, yor nây mâu klach ôh; Kon bunuyh nglay săk moh ndơ mra dơi ƀư ma gâp?

Nau Mprơ Ơm 7:1

Ơ Brah Yêhôva Brah Ndu gâp, gâp rnơm nsing tâm ntŭk May; Dăn rklaih gâp bơh lĕ rngôch phung hăn tĭng groi gâp, jêh ri sâm rklaih an gâp,

Nau Mprơ Ơm 7:2

Klach lah khân păng hêk gâp nâm bu yau mŭr hêk mpa sa, Jêh ri ƀư săk jăn gâp jêng gâl rngơl ƀiălah mâu geh ôh nơm dơi rklaih an.

Nau Mprơ Ơm 9:10

Ơ Brah Yêhôva, Phung gĭt amoh May mra rnơm nsing ma May, Yorlah May mâu mâp chalơi ôh bunuyh tĭng joi May.

Nau Hôr 6:5

Tâm rklaih hom may nơm nâm bu yơng klaih bơh ti bunuyh nchron, Nâm bu sĭm klaih bơh ti bunuyh ndơm dăk.

Yêrêmi 48:14

Mâm khân may dơi lah: ‘Hên jêng phung janh nănh, Jêng phung tahan ktang ntŭk tâm lơh’?

Luka 13:31

Tâm mông nây, geh ƀaƀă bunuyh Pharisi văch lah ma Brah Yêsu: “Nơm Nti du hom tă bơh ntŭk aơ yor Hêrôt ŭch nkhĭt May.”

I Samuel 19:11

Y-Sôl prơh bunuyh hăn tât ta ngih Y-Đavit, gak uănh păng gay nkhĭt păng ang ôi taơ. Ƀiălah H'Mikal, ur Y-Đavit, ăn păng gĭt jêh ri lah: “Tơlah măng aơ may mâu nchuăt klaih ôh, pôri kêng ôi taơ bu mra nkhĭt may.”

I Samuel 20:38

Y-Jônathan lah tay bu klâu ndăm nây: “Hăn gơnh, lơi hôm gŭ ôh!” Nơm oh mon Y-Jônathan dônh hăr, jêh nây plơ̆ tay ma kôranh păng.

I Samuel 22:3

Ntơm bơh ntŭk nây, Y-Đavit hăn tât Mispê, tâm n'gor Môap, păng lah ma hađăch n'gor Môap: “Dăn ăn mê̆ mbơ̆ gâp gŭ ndrel ma khân may kŏ tât gâp gĭt nau Brah Ndu mra ƀư ma gâp.”

I Samuel 23:14

Y-Đavit gŭ tâm lĕ ntŭk nâp jăp tâm bri rdah klơ tâm n'gor dor yôk bri rdah Sip. Y-Sôl tĭng nhŭp păng ăp nar, ƀiălah Brah Ndu mâu jao păng tâm ti Y-Sôl ôh.

I Samuel 27:1

Y-Đavit mĭn êng tâm nuih n'hâm pô aơ: “Nanê̆ du nar kăndơ̆, gâp mra khĭt ma ti Y-Sôl. Ueh lơn gâp du tâm n'gor Philistin gay Y-Sôl mâu hôm joi nhŭp gâp tâm lam n'gor Israel. Tâm ban pônây, gâp mra klaih bơh ti hađăch.”