Nau Mprơ Ơm 109:23 - Nau Brah Ndu Ngơi 2023

²³ Nau rêh gâp du hăn nâm bu gui kêng mhaơ. Bu ntrŭt gâp nâm bu krah.

Nau Mprơ Ơm 109:23 ပူးပေါင်းရင်းမြစ်များ

I Nau Rêh Jêng 29:15

Yorlah tanăp măt May, hên jêng phung bu năch jêh ri phung gŭ njưh nâm bu lĕ rngôch phung chô yau hên kăl e. Lĕ nar hên gŭ rêh ta neh ntu nâm bu gui rgăn gơnh, jêh ri mâu geh ôh nau kâp gân.

Ndrom Samƀŭt bơh Yôp 14:2

Nâm bu kao ơm ôi dang mhaơ huănh, Kon bunuyh ƀât lât nâm bu gui, mâu gŭ jŏ.

Nau Mprơ Ơm 102:12

Ƀiălah Brah Yêhôva ơi, May gŭ ta sưng hađăch n'ho ro, Nau kah gĭt ndray May hôm mro mrăng bơh rnôk aơ tât rnôk ri.

Nau Mprơ Ơm 144:4

Bunuyh jêng nâm bu n'hâm nsôr, Nau rêh bunuyh nâm bu gui mpăr rgăn.

Nau Ngluh Êjipt 10:13

Pôri Y-Môis yơr mâng jra leo ta n'gor Êjipt. Brah Yêhôva njŭn leo sial tă pa lơ khôm ta n'gor nây tâm du nar măng; tât ôi taơ, sial tă pa lơ leo krah văch.

Nau Ngluh Êjipt 10:19

Brah Yêhôva leo sial tă pa dâng dăng ngăn khôm lơi krah jêh ri ăn khân păng tŭp tâm Dak Mƀŭt Chăng. Lam n'gor Êjipt mâu hôm geh ôh du mlâm krah.

Nơm Nti 6:12

Yorlah mbu dơi gĭt moh nau jêng ueh ma kon bunuyh tâm du bông nar dơm dam jêh ri gơnh rlau nâm bu du mlâm gui? Mbu nơm dơi ngơi lor ăn ma kon bunuyh moh nau geh tât tâm dâng nar dôl pakơi păng chalơi nau gŭ rêh?

Nơm Nti 8:13

Ƀiălah phung mhĭk mâu mra dơi geh nau ueh uĭn, ăt mâu mra rêh jŏ ôh; nau rêh phung mhĭk rlau ngăch nâm bu gui yorlah khân păng mâu klach yơk ma Brah Ndu.

Yakơ 4:14

Ƀiălah khân may mâu gĭt ôh moh nau mra tât ma nar ôi taơ, moh nau rêh khân may jêng? Yorlah khân may jêng knŏng nâm bu n'hôl dak, tâm mpơl tâm ƀât lât jêh ri roh hêng.