Nau Mprơ Ơm 109:22 - Nau Brah Ndu Ngơi 2023

²² Yorlah Gâp jêng rêh ni jêh ri o ach; Nuih n'hâm gâp ji ngăn jêh tâm gâp.

Nau Mprơ Ơm 109:22 ပူးပေါင်းရင်းမြစ်များ

II Phung Hađăch 4:27

Tơlah bu ur nây hăn mâp ma bunuyh Brah Ndu ta klơ yôk, bu ur nây ut kuăn ta jâng păng. Y-Gêhasi văch dăch gay mprơh lơi păng, ƀiălah bunuyh Brah Ndu lah: “Kđôi păng, yorlah nuih n'hâm păng geh nau rngot hâu ngăn; Brah Yêhôva hŏ pôn ma gâp nau nây, jêh ri mâu ăn ma gâp gĭt.”

Ndrom Samƀŭt bơh Yôp 6:4

Yorlah lĕ chiông hăr Nơm Geh Lĕ Nau Brah di ta gâp jêh, Nuih n'hâm gâp lêng dak kăch khân păng; Brah Ndu nkrĭp dăp tahan tâm rdâng đah gâp ƀư ma gâp krit klach ngăn.

Nau Mprơ Ơm 102:4

Nuih n'hâm gâp nâm bu kao gơ̆ bu jot mpet jêh ri kro klêu; Gâp chuêl nđâp sông sa nhêt.

Nau Mprơ Ơm 109:16

Yorlah păng mâu kah gĭt ƀư nau yô̆ ôh, Ƀiălah păng lŏ ƀư mhĭk ma phung rêh ni jêh ri o ach, Jêh ri ma nơm geh nuih n'hâm rêh ni gay ma nkhĭt lơi khân păng.

Nau Mprơ Ơm 22:6

Ƀiălah gâp jêng du mlâm ndrŭng mâu di du huê bunuyh ôh. Kon bunuyh ƀư bêk, lĕ rngôch bunuyh mưch rmot.

Nau Mprơ Ơm 25:16

Dăn Kôranh Brah mêt uănh ta gâp jêh ri yô̆ nđach gâp, Yorlah gâp gŭ êng jêh ri rêh ni.

Nau Mprơ Ơm 40:17

Gâp aơ jêng bunuyh o ach jêh ri pưt kƀah; Ƀiălah May kah gĭt ma gâp ƀaƀơ. May jêng Nơm kơl jêh ri tâm rklaih gâp. Ơ Brah Ndu gâp, lơi gŭ kâp jŏ ôh!

Nau Mprơ Ơm 86:1

Ơ Brah Yêhôva! Dăn rkêng tôr plơ̆ lah ma gâp, Yorlah dôl gâp geh nau o ach jêh ri pưt kƀah.

Êsai 53:3

Păng jêng Nơm bu tâm rmot jêh ri dun jêh, Lĕ mâp găn nau rêh ni, gĭt năl nau ji. Bu tâm rmot ma Păng tâm ban ma bunuyh bu nkŭm muh măt mâu ŭch uănh; He đŏng mâu uănh khlay ma Păng.

Mathay 8:20

Brah Yêsu plơ̆ lah: “Phung mpik geh trôm, phung sĭm klơ trôk geh rsuăn, ƀiălah Kon Bunuyh mâu geh ntŭk dâm bôk.”

Luka 22:44

Tâm nau rngot rvê dŭt hâu, Păng mbơh sơm dŭt n'hâm ngăn, dak rhal Păng jêng tâm ban ma mham lĕ truh ta neh.

Yôhan 12:27

Huêng Gâp aƀaơ geh nau uh ah ngăn. Mâm Gâp mra lah? ‘Ơ Mbơ̆, mông aơ dăn may rklaih Gâp! Ƀiălah yor tâm mông aơ Gâp hŏ văch.

II Kôrintô 8:9

Yorlah khân may gĭt jêh nau yô̆ Kôranh Brah he jêng Brah Yêsu Krist, Păng ndrŏng ngăn, ƀiălah plơ̆ jêng o ach yor khân may, gay yor nau o ach Păng, khân may plơ̆ jêng ndrŏng.