Nau Mprơ Ơm 109:20 - Nau Brah Ndu Ngơi 2023

²⁰ Brah Yêhôva mra plơng bôk phung rlăng gâp tâm ban pônây, Jêh ri ma phung ngơi nau ƀai gay ƀư mhĭk ma nau rêh gâp.

Nau Mprơ Ơm 109:20 ပူးပေါင်းရင်းမြစ်များ

II Samuel 17:23

Tơlah Y-Ahitôpel saơ bu mâu ƀư tĭng nau nchră păng, păng dăp ưn seh bri păng hăn trong plơ̆ sĭt ma ngih păng tâm ƀon păng nơm. Jêh păng ƀư lôch lĕ kan ma ngih vâl păng, păng nkhĭt săk nơm. Bu tâp păng tâm môch mbơ̆ păng.

II Samuel 18:32

Hađăch ôp ma Y-Kus: “Bu klâu ndăm Y-Apsalôm geh nau đăp mpăng đŏng?” Y-Kus plơ̆ lah: “Ăn phung rlăng đah hađăch jêng kôranh gâp, jêh ri lĕ rngôch phung dâk tâm rdâng gay ƀư mhĭk ma hađăch jêng nâm bu bu klâu ndăm nây lĕ!”

I Phung Hađăch 2:44

Hađăch ngơi tay ma Y-Simei: “May hŏ gĭt jêh ri nuih n'hâm may rah vah jêh lĕ nau djơh may hŏ ƀư ma Y-Đavit, mbơ̆ gâp. Pônây Brah Yêhôva mra ƀư ăn nau djơh may nkhŭt tay ta klơ bôk may.

Nau Mprơ Ơm 110:1

Brah Yêhôva ngơi ma Kôranh Brah gâp pô aơ: “Gŭ hom pa ma Gâp. Kŏ tât Gâp ăn phung rlăng đah May jêng rnơl chrong jâng May.”

Nau Mprơ Ơm 2:12

Chŭm Kon hom, klach Păng ji nuih Jêh ri khân may mra rai yot tâm trong khân may, Yorlah nau Păng ji nuih mra gơnh hao nuih. Ueh maak yơh ma mbu nơm nde krap ma Păng.

Nau Mprơ Ơm 71:10

Yorlah phung ngơi rlăng đah gâp, Phung kâp rmiăt nau rêh gâp tâm nchră ndrăng khân păng.

Nau Mprơ Ơm 94:23

Păng mra har plơng ma khân păng yor nau ƀai khân păng, Jêh ri ƀư rai khân păng yor nau djơh mhĭk khân păng; Yêhôva Brah Ndu hên mra ƀư rai khân păng.

Mathay 11:19

Kon Bunuyh văch, sông sa jêh ri nhêt pôri khân may lah tay: ‘Ri, bunuyh kơnh sông sa, kơnh nhêt; mĭt jiăng đah phung riu pi jêh ri phung tih!’ Ƀiălah, nau blau mĭn dơi n'gang ma lĕ nau kan păng ƀư.”

Mathay 12:24

Ƀiălah jêh phung Pharisi tăng pôri khân păng lŏ lah: “Bunuyh nây mâu dơi mprơh brah mhĭk, tơlah mâu tâm kôranh brah mhĭk Bêlsêbul.”

Markôs 9:39

Ƀiălah Brah Yêsu lah: “Lơi ta buay khân păng ôh, yorlah mâu geh ôh bunuyh sŏk amoh Gâp ƀư nau mbên khlay ngăn jêh ri lŏ ngơi mhĭk ma Gâp.

Luka 19:27

Bi ma phung rlăng đah gâp, mâu ŭch gâp chiă uănh khân păng, njŭn leo hom khân păng văch ta aơ jêh ri nkhĭt lơi khân păng tanăp gâp.’ ”

I Kôrintô 12:3

Yor ri, gâp ŭch ma khân may gĭt rbăng, mâu geh du huê bunuyh geh nau ntĭm tă bơh Brah Huêng Ueh Brah Ndu jêh ri lŏ lah: “Brah Yêsu khư rak rtăp!” Tơlah Brah Huêng Ueh mâu ntĭm, mâu đŏng geh nơm mbơh “Brah Yêsu jêng Kôranh Brah!”

II Timôthê 4:14

Y-Aleksandrơ, bunuyh blau chiăr kông, ƀư jêh âk nau mhĭk ma gâp; Kôranh Brah mra mplơ̆ ma păng tĭng nâm kan păng pah.