Nau Mprơ Ơm 109:15 - Nau Brah Ndu Ngơi 2023

¹⁵ Ăn lĕ nau tih nĕ gŭ tanăp măt Brah Yêhôva ƀaƀơ Gay ma Păng jut lĕ nau ndray khân păng bơh neh ntu.

Nau Mprơ Ơm 109:15 ပူးပေါင်းရင်းမြစ်များ

Ndrom Samƀŭt bơh Yôp 18:17

Nau ndray tâm n'gor păng mâu mra hôm ôh, Padih n'gor amoh săk năm deh păng mâu geh ôh bunuyh nkah tay.

Nau Mprơ Ơm 109:13

Ăn bu nkhĭt lơi phung kon sau păng, Jut lơi amoh khân păng tâm rnôk kăndơ̆.

Nau Mprơ Ơm 34:16

Ƀiălah muh măt Brah Yêhôva ƀư tâm rdâng đah phung ƀư mhĭk Gay jut lơi ăn kloh nau khân păng ndray kah gĭt bơh neh ntu.

Nau Mprơ Ơm 34:17

Phung sŏng srăng nter kuăl, Brah Yêhôva iăt, Jêh ri tâm rklaih nơm nây bơh lĕ nau rêh ni.

Nau Mprơ Ơm 51:9

Dăn May rle măt bơh lĕ nau tih gâp Jêh ri jut lơi lĕ nau tih gâp.

Nau Mprơ Ơm 90:8

May dơm jêh nau djơh mhĭk hên tanăp May, Gay lĕ nau tih ndâp hên tâm nau ang muh măt May.

Êsai 65:15

Bu mra prăp amoh săk khân may Gay ma phung Gâp săch jêh ƀư nau rak rtăp; Kôranh Brah Yêhôva mra nkhĭt khân may, Ƀiălah Păng mra rnha phung oh mon Păng ma amoh êng.

Yêrêmi 2:22

Nđâp lah geh dŏng dak si ƀư kloh Jêh ri âk saƀu gay ma jut rao păng nơm, Pôri tanăp măt Gâp, têl nau tih mhĭk may ăt hôm ta ntŭk nây.” Brah Yêhôva lah pônây.

Ndrom Samƀŭt bơh Ôsê 7:2

Khân păng mâu mĭn êng tâm nuih n'hâm Gâp kah gĭt lĕ rngôch nau mhĭk khân păng. Aƀaơ aơ kan tih mhĭk khân păng nchueng khân păng nơm, Gŭ panăp Gâp.

Amôt 8:7

Brah Yêhôva sŏk nau chrêk rmah bơh Y-Yakôb jêh ri sơm ton pô aơ: “N'hêl nanê̆ Gâp mâu mra chuêl ôh lĕ nau kan khân may ƀư!

Nau Vay Nkah Tay 32:34

Nau kan pônây mâm Gâp dơi chuêl? Gâp lĕ ntĭl jêh păng tâm ntŭk prăp drăp khlay Gâp.