Nau Mprơ Ơm 109:13 - Nau Brah Ndu Ngơi 2023

¹³ Ăn bu nkhĭt lơi phung kon sau păng, Jut lơi amoh khân păng tâm rnôk kăndơ̆.

Nau Mprơ Ơm 109:13 ပူးပေါင်းရင်းမြစ်များ

I Phung Hađăch 16:11

Mhe gŭ ta sưng hađăch, Y-Simri nkhĭt lĕ rngôch ngih Y-Baêsa, mâu hôm om ôh du huê bu klâu, nđâp lah phung mpôl băl mâu lah mĭt jiăng păng.

Êsther 9:10

jêng phung jât nuyh kon bu klâu Y-Haman, sau Y-Hamêdatha, jêng phung rlăng đah phung Yuđa. Ƀiălah khân păng mâu pit in drăp ndơ ôh.

Ndrom Samƀŭt bơh Yôp 18:17

Nau ndray tâm n'gor păng mâu mra hôm ôh, Padih n'gor amoh săk năm deh păng mâu geh ôh bunuyh nkah tay.

Ndrom Samƀŭt bơh Yôp 18:19

Tâm nklang phung ƀon lan păng nơm, păng mâu geh kon sau ôh, Ntŭk păng gŭ mâu geh du huê nuyh hôm gŭ rêh.

Nau Mprơ Ơm 21:10

Kôranh Brah mra ƀư rai phung kon sau khân păng bơh neh ntu, Jêh ri noi deh khân păng bơh phung kon bunuyh.

Nau Mprơ Ơm 21:11

Nđâp tơlah khân păng ŭch ƀư tâm rdâng ma Kôranh Brah Khân păng mĭn ƀư nau ƀai, ƀiălah khân păng mâu dơi jêng ôh.

Nau Mprơ Ơm 37:28

Yorlah Brah Yêhôva rŏng ma nau di, Mâu chalơi ôh phung kloh ueh Păng. Bunuyh sŏng srăng Păng mât mray n'ho ro. Bi noi deh phung mhĭk mra rai lôch.

Nau Hôr 10:7

Nau ndray ma bunuyh sŏng srăng geh nau tâm rnê, Bi amoh phung djơh mhĭk mra ôm rai.

Yêrêmi 22:30

Brah Yêhôva lah pô aơ: “Nchih dơn hom bunuyh aơ jêng nâm bu nơm mâu geh kon, Du huê bunuyh lĕ nau rêh mâu geh nau jêng; Yorlah noi deh păng mâu geh du huê geh nau jêng, Dơi gŭ ta sưng hađăch Đavit Jêh ri chiă uănh tâm n'gor Yuđa đŏng ôh!”

Nau Kơp Bunuyh 27:4

Mâm amoh mbơ̆ hên bu ăn roh lơi bơh ndŭl mpôl păng, yorlah păng mâu geh kon bu klâu ôh? Ăn ma hên du gâl neh jêng drăp ndơn ta nklang phung oh nâu mbơ̆ hên.”

Nau Vay Nkah Tay 25:19

Yor ri, lah Yêhôva Brah Ndu khân may ăn jêh ma khân may nau rlu jêh ri rklaih an khân may bơh lĕ rngôch phung rlăng nchueng jŭm tâm n'gor Yêhôva Brah Ndu khân may ăn jêh ma khân may jêng drăp ndơn, pôri ăn khân may jut lơi ăn lĕ nau kah gĭt bơh phung Amalek tâm neh aơ. Khân may mâu dơi chuêl ôh!”

Nau Vay Nkah Tay 29:20

Brah Yêhôva mâu mra yô̆ an ôh ma păng nây, ƀiălah nau ji nuih jêh ri nau ntôn bơh Brah Yêhôva mra su bunuyh nây. Lĕ rngôch nau rak rtăp hŏ nchih jêh tâm ndrom samƀŭt aơ mra nkhŭt ta păng jêh ri Brah Yêhôva mra jut lơi amoh păng bơh tâm neh ntu aơ.

Nau Vay Nkah Tay 9:14

Lơi ta mpăng Gâp ôh, Gâp mra ƀư rai khân păng jêh ri jut lơi amoh khân păng bơh neh ntu aơ. Ƀiălah Gâp mra ƀư ma may dơi jêng du ndŭl mpôl dăng lơn jêh ri âk lơn ma khân păng.’

I Samuel 3:13

Gâp mbơh lor jêh pô aơ Gâp mra tâm rmal ngih Y-Êli ƀaƀơ tât n'ho ro, yorlah păng gĭt jêh nau tih geh nau rak rtăp ma phung kon bu klâu păng ƀiălah păng mâu buay ôh khân păng.