Nau Mprơ Ơm 108:6 - Nau Brah Ndu Ngơi 2023

⁶ Dăn ti ma May sâm rklaih jêh ri plơ̆ sĭt lah ma gâp, Gay ma phung May rŏng dơi klaih.

Nau Mprơ Ơm 108:6 ပူးပေါင်းရင်းမြစ်များ

II Samuel 12:25

pôri Păng prơh nơm mbơh lor Y-Nathan hăn tât ntơ amoh ăn păng jêng Y-Jêdidia, yorlah Brah Yêhôva rŏng păng.

I Phung Hađăch 18:24

Jêh ma nây, kuăl mbơh sơm hom amoh brah khân may! Bi gâp, gâp mra kuăl Brah Yêhôva. Mbu brah plơ̆ sĭt lah ma ŭnh, păng nây yơh jêng Brah Ndu.” Lĕ rngôch phung ƀon lan plơ̆ lah da dê: “Nau ngơi nây di ngăn jêh.”

I Phung Hađăch 18:26

Khân păng sŏk ndrôk nkuăng bu ăn ma khân păng jêh ri sreh. Jêh nây ntơm bơh ơm ôi tât nklang bôk nar, khân păng kuăl amoh brah Baal pô aơ: “Hơi brah Baal! Dăn plơ̆ lah ma hên.” Ƀiălah mâu geh bâr ngơi ôh, mâu đŏng geh nau plơ̆ lah. Khân păng pâl ntalơ̆ văr jŭm nơng ƀư brah khân păng hŏ ndâk jêh.

I Phung Hađăch 18:29

Tơlah nar vet jêh, khân păng ăt om lah thăm rmat tâm ban pônây kŏ tât mông nhhơr ndơ ƀư brah rnih môi kêng mhaơ. Ƀiălah mâu saơ tăng ôh bâr ngơi, mâu geh đŏng nơm plơ̆ lah tay, mâu geh đŏng ôh du huê brah sâm mĭn rvê an.

Nau Mprơ Ơm 54:1

Ơ Brah Ndu! Dăn tâm rklaih gâp ma amoh May, Ma nau brah May phat dôih nau di ăn ma gâp.

Nau Mprơ Ơm 57:6

Khân păng nthăng nhuăl tâm dâng jâng gâp, Huêng gâp mpât n'gơ. Khân păng kuyh ntu jru tanăp gâp Ƀiălah khân păng nơm tŭp ta nây. (Sêla)

Nau Ngluh Êjipt 15:6

Ơ Brah Yêhôva! Ti ma May chrat ang nau rnam. Ơ Brah Yêhôva! Ti ma May ƀư rai jêh phung rlăng.

Êsai 65:24

Êlor ma khân păng kuăl mbơh sơm, Gâp mra dơn ro; Dôl khân păng hôm ngơi, Gâp tăng jêh.

Yêrêmi 33:3

‘Kuăl mbơh sơm hom ma Gâp, Gâp mra plơ̆ lah ma may; Gâp mra mpơl ma may lĕ kan toyh jêh ri jêr, jêng lĕ kan may mâp gĭt ôh.’

Mathay 17:5

Dôl Y-Pêtrôs ngơi, geh du ndâr tŭk ang ral hâu ngăn nkŭm khân păng; jêh ri tă bơh tŭk geh bâr ngơi pô aơ: “Aơ jêng Kon Gâp rŏng ngăn ngên, tâm Păng Gâp geh nau maak ngăn; iăt hom nau Păng!”

Mathay 3:17

Aơ, geh bâr ngơi tă bơh trôk lah: “Aơ jêng Kon Gâp rŏng ngăn ngên, tâm Păng Gâp geh nau maak ngăn.”

Samƀŭt Pôl Njuăl Ăn Ma Phung Nsing Ta Ƀon Rôm 1:7

Gâp dăn njuăl ma lĕ rngôch phung Brah Ndu rŏng tâm ƀon Rôm, phung Brah Ndu kuăl jêh ăn jêng phung kloh ueh. Dăn Brah Ndu, Mbơ̆ he, jêh ri Kôranh Brah jêng Kôranh Yêsu Krist ăn ma nau yô̆ jêh ri nau đăp mpăn ma khân ay may.

Êphêsô 1:6

gay ma tâm rnê ma nau yô̆ chrêk rmah Păng hŏ ăn jêh ma he tâm Kon Păng rŏng ngăn ngên!

Nau Vay Nkah Tay 33:12

Ma phung Benjamin, Y-Môis lah: “Nơm Brah Yêhôva rŏng ngăn ngên, Mra dơi rêh đăp mpăn dăch Păng. Kôranh Brah n'gang khân păng du njăr rêh, Jêh ri gŭ ta nklang dor yôk khân păng.”

Kôlôh 3:12

Khân may jêng phung bunuyh Brah Ndu săch, jêng phung kloh ueh jêh ri phung Brah Ndu rŏng ngăn ngên. Pôri, nsoh hom nuih n'hâm yô̆ nđach, nuih n'hâm ueh, nau dêh rhêt, nau rdơ̆ rbăn, nau srôih.