Nau Mprơ Ơm 108:3 - Nau Brah Ndu Ngơi 2023

³ Ơ Brah Yêhôva, Gâp mra tâm rnê lah ueh ma May ta nklang phung ƀon lan, Tâm rnê ma May tâm lĕ bri dak.

Nau Mprơ Ơm 108:3 ပူးပေါင်းရင်းမြစ်များ

Nau Mprơ Ơm 117:1

Ơ lĕ rngôch bri dak, tâm rnê hom ma Brah Yêhôva; Ơ lĕ rngôch ntil mpôl bunuyh, tâm rnê hom ma Păng!

Nau Mprơ Ơm 22:22

Gâp mra mbơh amoh Kôranh Brah ma oh nâu gâp Jêh ri tâm rnê Kôranh Brah tâm nklang phung tâm rƀŭn.

Nau Mprơ Ơm 22:27

Lĕ rngôch lam rplay neh mra kah gĭt Jêh ri mra plơ̆ sĭt ma Brah Yêhôva, Lĕ rngôch mpôl băl bunuyh Mra chon mon mbah tanăp May.

Nau Mprơ Ơm 96:10

Mbơh hom ta nklang lĕ bri dak pô aơ: “Brah Yêhôva chiă uănh! Neh ntu dơi ndâk nâp, mâu dơi mpât n'gơ ôh. Păng mra phat dôih lĕ mpôl băl bunuyh tĭng nâm nau di.”

Sôphôni 3:14

Hơi kon bu ur Siôn, mprơ huy hom! Hơi Israel, nter bâr ngơi huy! Hơi kon bu ur ƀon Yêrusalem, Răm rhơn hom ma lĕ nuih n'hâm!

Sôphôni 3:20

Tâm nôk nây, Gâp mra djôt leo khân may plơ̆ sĭt, Nây jêng nôk Gâp tâm rgum tay khân may; Yorlah Gâp mra ƀư ma khân may lư n'găr Jêh ri geh nau tâm rnê ta nklang lĕ rngôch phung ƀon lan tâm neh ntu, Lah Gâp leo phung tă ƀư bu nă bơh phung khân may plơ̆ sĭt Tanăp măt khân may ro,” Brah Yêhôva lah pônây.