Nau Mprơ Ơm 107:8 - Nau Brah Ndu Ngơi 2023

⁸ Ăn bu tâm rnê lah ueh ma Brah Yêhôva yor nuih n'hâm ueh Păng, Jêh ri yor lĕ nau mbên khlay Păng ƀư jêh ma phung kon bunuyh!

Nau Mprơ Ơm 107:8 ပူးပေါင်းရင်းမြစ်များ

Nau Mprơ Ơm 107:15

Ăn bu tâm rnê lah ueh ma Brah Yêhôva yor nuih n'hâm ueh Păng, Jêh ri yor nau mbên khlay Păng ƀư jêh ma phung kon bunuyh!

Nau Mprơ Ơm 107:21

Ăn bu tâm rnê lah ueh ma Brah Yêhôva yor nuih n'hâm ueh Păng, Jêh ri yor nau mbên khlay Păng ƀư jêh ma phung kon bunuyh!

Nau Mprơ Ơm 107:31

Ăn bu tâm rnê ma Brah Yêhôva yor nuih n'hâm ueh Păng, Jêh ri yor lĕ nau mbên khlay Păng ƀư jêh ma phung kon bunuyh!

Nau Mprơ Ơm 111:4

Păng ăn bu kah gĭt tay ma kan khlay Păng ƀư jêh. Brah Yêhôva vay ƀư ueh jêh ri bêng nuih n'hâm yô̆ nđach.

Nau Mprơ Ơm 147:1

Halêluya! Ueh ngăn yơh dôl mprơ tâm rnê ma Brah Ndu he; Răm maak ngăn jêh ri di tâm rnê ma Păng!

Nau Mprơ Ơm 34:3

Yơk mbah Brah Yêhôva ndrel ma gâp. Phung he ndrel n'grŭp tâm rnê ma amoh Păng.

Nau Mprơ Ơm 40:5

Ơ Brah Yêhôva Brah Ndu gâp, Nau kan khlay ngăn ngên jêh ri lĕ nau mĭn May ŭch ăn ma hên âk ngăn, Mâu geh nơm dơi rđĭl đah May; Tơlah gâp ŭch mbơh jêh ri nkoch tay lĕ kan nây, Geh âk ngăn, mâu dơi kơp ôh.

Nau Mprơ Ơm 78:4

He mâu mra pôn ôh lĕ nau nây ma phung kon sau he, Ƀiălah mra nkoch ma phung pakơi tâm nar kăndơ̆ Nau chrêk rmah Brah Yêhôva ndrel nau brah Păng Jêh ri lĕ nau kan khlay Păng ƀư jêh.

Êsai 48:18

Ueh lơn may hŏ rkêng tôr iăt lĕ nau vay ntăm bơh Gâp, Pônây nau đăp mpăn may mra jêng jêh tâm ban ma n'hong dak krong, Jêh ri nau sŏng srăng may tâm ban ma rbuh dak mƀŭt;

Êsai 63:7

Gâp nkah tay nau ueh bơh Brah Yêhôva, Jêh ri nau tâm rnê ma Brah Yêhôva, Yorlah tĭng nâm lĕ nau Brah Yêhôva ƀư ăn jêh ma he, Jêh ri Păng ăn nau ueh âk toyh ma ngih Israel, Tĭng nau Păng yô̆ nđach, Jêh ri nau ueh bơh Păng mâu blau dŭt.

Daniel 6:27

Păng tâm chuai jêh ri rklaih, Ƀư lĕ nau mbên nau khlay ndâp tâm trôk jêh ri ta neh ntu; Păng nơm tâm rklaih Y-Daniel Bơh neng nheh yau mŭr.”

Nau Vay Nkah Tay 32:29

Tơlah nau blau mĭn khân păng mra gĭt rbăng nau aơ, Jêh ri gĭt vât tât dăch dŭt mâm khân păng mra jêng pakơi taơ.

Nau Vay Nkah Tay 5:29

Tơlah phung ƀon lan aơ geh nuih n'hâm klach yơk ƀaƀơ ma Gâp, djôt prăp lĕ nau vay ntăm bơh Gâp mro, ri mơ khân păng jêh ri phung kon sau khân păng mra dơi geh nau ueh uĭn n'ho ro!